العجوز السمنسي في مهرجان الكليجا ... دلع دلع دلع

[عجوز سمنسي]

مهرجان الكليجا والتسوق فيه له متعة ولذة
بصراحة لا اجد متعة في النقد والشرهات هذا ليه ماسوووه ؟ وهذا ليه ماحطوه ؟

لاني بصراحة ماني دقيق الملاحظة اروح اخذ اللي ابي واظف خلاقيني واطلع

الأمور الفنية شغلة الإعلاميين وطقتهم هم اللي يحبون يحرشون ويحبون يدورون الزلات

صادفت روحتي مغرب امس لقيت البواب قال : وين يالحبيب ؟ قلت : اهلي من داخل

لازم اصرفه وش اسوي
كذبة بيضاء علشان كليجا

دخلت فإذا انا اعود لسنوات مضت ايام الجامعة هز ياوز وووه ياملحكن
النساء كأنها فياضان او موج يكاد ان يتلاطم بك يمنة ويسرة

حاولت ان التصق بالجدار
تدرون دخول حرامي لازم يباري الحيط

الاشكال التي رأيتها كانت تجعلني اقول ك
تبارك الله احسن الخالقين
الاشكال من برا الله الله
بس من جوا يعلم الله ما ادري عنها

المشكلة ليست هنا حتى لايأتي أحد ويقول انت تغازل ومن الهذرة الفاضية لأني ابصكه حظر وباند مع جبهته

المشكلة في تلك الفتيات الهشك بشك وياحلو شوف المخصر ومتع نظرك وكحل عيونك

أهز وأنا الوز ياقدع بس بالراحة لاتتفقع عيونك من اللي تشوفه
اشي رايح وأشي جاي
أشي يرتفع وأشي ينزل

اشياء ومخلوقات عجيبة تبحث عن أثارة الاخرين بلباسها وحركاتها وابتساماتها
تكلمنا عن هذا كثيرا فلم نجد من يستمع

إلى متى الفتيات تحاول أن تخرج لكل شي فقط من جل إغراء الأخرين ؟ والله أعلم أن من تعمل هذا كشبارة مايفطر عندها الصايم وتعوض صفة النقص لديها

المشكلة اللي قهرتني اكثر
وحدة تغازل وتبلتث واحد
جاية مع أبوها

أبوها الرجل المسكين أتى بها يوسع صدرها ويفرحهم ويدلعهم وهذا هو رد جميلة بأن تقوم بالمغازل من وراه وهو واثق بأن إبنته لن تكون خسيسة إلى درجة أن تنزع شعر لحيته من وجهه
بنات كاسيات عاريات بل ألعن وأشد وأنكى
كتبنا وقلنا وبحت اصواتنا

يلعن أبو هيك حالة ياشيخ وربي ما أدري آخذ كليجا وإلا أناظر للكليجا

أصبحت لا افرق بين هذا وذاك فالأشباه صارت واحده
رحماك ياربي فقد فتنتني بدائها وانسلت

السمنسي كالعادة يتشرف بحضوركم البهي فشرفوني

[علشانك بس]

[align=right]ليتك تشوف هالبنات الدلع اللي تشوفهن يسرقن لب العقل بحلاوتهن بالأسواق ,,
قبل امس كنت بالسوق واقفه جتني وحده قالت لو سمحتي بجلس اعدل نقابي ممكن ماتبعدين عن مكانك عشان تغطيني عن الرجال .. ؟؟ قلت أبشري عدلي نقابك ,,
وكانت عيونها عسليه وشكلها مره حلو ماشاء الله ,,
يوم شالت نقابها كلله وجلست تشيل شعرها طارت عيوني وربي ,,
الشعر واقف فاردته 865 مره ,, وملامحها تضيق الصدر الله يستر علينا وعليها ,, بغيت اقولها ليتك ماتغطيتي ياخيتي ,,
الينت مافيها الا العيون ,, ياويل قلب كل من انهبل وراها بذاك اليوم خخخ ,,
بعدين يالشايب تراهم ماحطو فترة صباحية عبث ,, حاطينها للرجال الشهبان اللي ماشافو خير مثلك ,, لاتقرب الفترة المسائية عشان مايطير عقلك ,,
والله من مشهد ومشهد مغازل شفته بذاك اليوم اللي رحت فيه ,, حتى رجال الأمن فيهن شرهم ,,
بصبصة وغمز وهمز ولمز وبلتثه ,,

اقتباس: وياحلو شوف المخصر

والله ياانت قديم ,, ترى ماحد يلبس مخصر الحين الا


[/align]

[المعروف]

اقتباس:  المشاركة الأصلية كتبت بواسطة علشانك بس     [align=right]يوم شالت نقابها كلله وجلست تشيل شعرها طارت عيوني وربي ,, الشعر واقف فاردته 865 مره ,, وملامحها تضيق الصدر الله يستر علينا وعليها ,, بغيت اقولها ليتك ماتغطيتي ياخيتي ,, [/align]

ما ادري...!!!!

احيانا اقول لو حنا مثل الشافعية وباقي المذاهب

في جواز كشف الوجه

كان اختفت المشكلة بنسبة 200%

لان الي قاعد يصير ان كل البناااات حلوات ومغريات

بس من الداخل ... وحده بالالف ممكن تلفت الانتباه

ماقلت شي

مجرد (لوووو)...!!!!

[خط أحمر]

اقتباس:  المشاركة الأصلية كتبت بواسطة المعروف     ما ادري...!!!! احيانا اقول لو حنا مثل الشافعية وباقي المذاهب في جواز كشف الوجه كان اختفت المشكلة بنسبة 200% لان الي قاعد يصير ان كل البناااات حلوات ومغريات بس من الداخل ... وحده بالالف ممكن تلفت الانتباه ماقلت شي مجرد (لوووو)...!!!!

طيب يامدير: وين الجمال المثير، والجسم الخطير،الذي وصفه العجوز في التقرير،،ويبغا منه يطير،
أم كانت مجرد خيال،أنحنى فيها رأسه ومال،
عجب

[مــــاجــــد]

بسم الله الرحمن الرحيم

بما انه اول رد لي في هذا المنتدى المميز الذي يحمل اسم غالي على قلبي

فساحاول ان اكون منصفا لحد ما

اخي كاتب الموضوع العزيز

تفحصت ماخطه كيبوردك وتتبعت الردود

ولاحظت كثير من الردود التي تطبل لك وكثير من الردود التي تنتقدك لشخصك قبل ان يكون الانتقاد على ماكتبت

اخي العزيز

احييك على غيرتك وحرصك على اخواتك

وهذا ان دل فيدل على عقيدتك السليمه

انا لا انكر ان في حديثك هناك محضورات تؤخذ عليك

فمثلا انت ذهبت من غير حاجه لموقع مخصص للعوائل وانت اعزب
اذا انت من ذهب لمواطن الشبهات بنفسك

وكان حري بك ان تبتعد عن المغريات وتحرص على غض البصر

ولاحظت من طريقت سردك للموضوع انك تعتب على الفتيات متناسيا ان الفتاة تحب الزينه وتحب ان يلاحقها الناس ويعجبوا بها في الغالب

وان الفتاة تحتاج رجل الذي هو ولي امرها

هو من يوجهها ويمنعها من ان تنجرف وراء اهواءها

فالسبب الحقيقي وراء عدم التزام بعض فتياتنا يرجع للرجل

فالملام الحقيقي هو نحن الرجال فكان من الافضل لو وجهت نقدك لنا

اخي العزيز

لا اريد ان اطيل في الكلام

وكلي امل ان تتقبل كلامي بصدر رحب
وان لم تتقبل فاعتذر مسبقا

[عجوز سمنسي]

اقتباس: مــــاجــــد بسم الله الرحمن الرحيم بما انه اول رد لي في هذا المنتدى المميز الذي يحمل اسم غالي على قلبي فساحاول ان اكون منصفا لحد ما

حياك الله ياماجد وشرفتنا بمنتداك منتدى بريدة ووجود ردك كاول مشاركه في متصفحي اسعدتني

اقتباس: اخي كاتب الموضوع العزيز تفحصت ماخطه كيبوردك وتتبعت الردود ولاحظت كثير من الردود التي تطبل لك وكثير من الردود التي تنتقدك لشخصك قبل ان يكون الانتقاد على ماكتبت

هذا حال الدنيا ويجب ان نتقبل الجميع من معنا ومن ضدنا فتباين الاراء ظاهرة صحية

اقتباس: اخي العزيز احييك على غيرتك وحرصك على اخواتك وهذا ان دل فيدل على عقيدتك السليمه

الله يجلعني خيرا مما تظن

اقتباس: انا لا انكر ان في حديثك هناك محضورات تؤخذ عليك فمثلا انت ذهبت من غير حاجه لموقع مخصص للعوائل وانت اعزب اذا انت من ذهب لمواطن الشبهات بنفسك وكان حري بك ان تبتعد عن المغريات وتحرص على غض البصر

انت توك مسجل وماتعرفني

لاتدقق كثير بسالفة دخول من عدمها لانها مهب قضية

اقتباس: ولاحظت من طريقت سردك للموضوع انك تعتب على الفتيات متناسيا ان الفتاة تحب الزينه وتحب ان يلاحقها الناس ويعجبوا بها في الغالب

هذا من سخافتها اجل وش قيمة الحشمة وقيمة الحياء؟ رايحة لمهرجان كليجا وشوله تتزين ؟ لايصير فاهمة انها رايحة لعرض ازياء؟

اقتباس: وان الفتاة تحتاج رجل الذي هو ولي امرها

وهذا مايجب على ولي الامر ان يكون برفقة من ولاه الله امرهم في تلك الاماكن اللعينة

اقتباس: هو من يوجهها ويمنعها من ان تنجرف وراء اهواءها فالسبب الحقيقي وراء عدم التزام بعض فتياتنا يرجع للرجل فالملام الحقيقي هو نحن الرجال فكان من الافضل لو وجهت نقدك لنا

كلام جميل وواقعي وهذا هو المفترض في زمن انعدام الرجولة في البعض

اقتباس: اخي العزيز لا اريد ان اطيل في الكلام وكلي امل ان تتقبل كلامي بصدر رحب وان لم تتقبل فاعتذر مسبقا

كلامك على العين والراس ولاملاججة بيننا فنحن متفقون

شرفتني ياماجد وحياك الله

[عجوز سمنسي]

اقتباس:  المشاركة الأصلية كتبت بواسطة المعروف     ما ادري...!!!! احيانا اقول لو حنا مثل الشافعية وباقي المذاهب في جواز كشف الوجه كان اختفت المشكلة بنسبة 200% لان الي قاعد يصير ان كل البناااات حلوات ومغريات بس من الداخل ... وحده بالالف ممكن تلفت الانتباه ماقلت شي مجرد (لوووو)...!!!!

لا ياشيخ الحمدلله انهن يتغطن والا وش تشوف ؟

يقالك تبي تحوم تسبودنا ؟ هي حايمة منهن وهن متغطيات

خلهن كذا استر لهن ياشيخ قسم ان يعنسن حريم السعودية كلهن ومايلاقن من ياخذهن

[عجوز سمنسي]

اقتباس:  المشاركة الأصلية كتبت بواسطة علشانك بس     [align=right]ليتك تشوف هالبنات الدلع اللي تشوفهن يسرقن لب العقل بحلاوتهن بالأسواق ,, قبل امس كنت بالسوق واقفه جتني وحده قالت لو سمحتي بجلس اعدل نقابي ممكن ماتبعدين عن مكانك عشان تغطيني عن الرجال .. ؟؟ قلت أبشري عدلي نقابك ,, وكانت عيونها عسليه وشكلها مره حلو ماشاء الله ,, يوم شالت نقابها كلله وجلست تشيل شعرها طارت عيوني وربي ,, الشعر واقف فاردته 865 مره ,, وملامحها تضيق الصدر الله يستر علينا وعليها ,, بغيت اقولها ليتك ماتغطيتي ياخيتي ,, الينت مافيها الا العيون ,, ياويل قلب كل من انهبل وراها بذاك اليوم خخخ ,, بعدين يالشايب تراهم ماحطو فترة صباحية عبث ,, حاطينها للرجال الشهبان اللي ماشافو خير مثلك ,, لاتقرب الفترة المسائية عشان مايطير عقلك ,, والله من مشهد ومشهد مغازل شفته بذاك اليوم اللي رحت فيه ,, حتى رجال الأمن فيهن شرهم ,, بصبصة وغمز وهمز ولمز وبلتثه ,, والله ياانت قديم ,, ترى ماحد يلبس مخصر الحين الا [/align]

علشانك وبس

هلا بك يامعطرة متصفحي دوما هنا وهناك

ياستي هذا اللي نقوله ان اثارة الفتنة من خلال تلك العيون المكحلة والتي يغطيها هذا الحجاب الساتر شيفتهن

انا استغرب ممن تطالب بخلع الحجاب

خلع الحجاب يعني زيادة في العنوسة في مجتمعنا

اما المخصر فصراحة ما ادري وش يسمونه هو مخصر والا محمر والا معتق

المهم ملابس تثير الفتنة وتخلي اللي مايشتري يتفرج وتخلي الاعمى يفتح

اجسام رهيبة تلفه بعاية مزكرشة وماتبين الشباب يخقون ؟

شرفتي ياستي

[eivl girl]

[align=center]
عطني ولي امرك<<او صح ولد مالك ولي طيب وش موديك بالمساء
<<الحمدلله ماراحت امس ولا طاحت بلسانك
والحمدلله اني إذا رحت لشي مايطلع ولاا ظفري
نرجع لسمنسي
وصف دنيئ واسمحلي والله لو لي يد حذفة كل حكيك الاول
وين غض البصر يعني لازم تبقق عيونك استح ياخي شايب ندورلك مره الحين تقول هالكلام
بعدين يكون بعلمك البنات هذول بريده تتبراء منهن
يعني من قرى واشي من برا اما بنات بريده اطلاقا مايطلع منهن
السخف....
بعدين وراه ماحطيت عينك على هالي يغازل عشان يفر خوفاً من تلك العيون الشريره ليه تخليه
يبلتث على كيفه
---
اللهم سلم سلم
واتمنى مايشوفون اخواني هالموضوع لأنهم خلقه مايواطنوننا نطلع للمهرجانات تجي تزود
ودمت ياحرامي المهرجانات[/align]

[عجوز سمنسي]

اقتباس: eivl girl عطني ولي امرك<<او صح ولد مالك ولي طيب وش موديك بالمساء

هلا بالشريرة

تبين ولي امري ؟ عادي الحين اكزك لبرمودا هو ولي امري

اقتباس: <<الحمدلله ماراحت امس ولا طاحت بلسانك والحمدلله اني إذا رحت لشي مايطلع ولاا ظفري

عاد وش دعوة ابطلع بين الاف الغنادير
الا اذا عليك علامة زعيم العصابة الشرير اللي مفقوعة عينه وحاط عليها لصقة

اقتباس: نرجع لسمنسي

الله يعينه السمنسي عليك

اقتباس: وصف دنيئ واسمحلي والله لو لي يد حذفة كل حكيك الاول

كبيرة منك كلمة دنيئ لكن نمشيها علشان خاطرك تبقين اخت عزيزة

اقتباس: وين غض البصر يعني لازم تبقق عيونك استح ياخي شايب ندورلك مره الحين تقول هالكلام

بيت شعر اردده دائما
القاه في اليم مكتوفا وقال له *** اياك اياك ان تبتل بالماء

باستي المسألة ماتبي غض بصر وغيره

البنات قدام عيوننا اذا نبي نغض البصر لازم نفقع عيوننا والا نتغطى حنا وانتم تفتشون

اقتباس: بعدين يكون بعلمك البنات هذول بريده تتبراء منهن يعني من قرى واشي من برا اما بنات بريده اطلاقا مايطلع منهن السخف....

والله ياشريرة مايسربت الا بنات الحمايل وغيرهم

كل فيه حقه من اللعانة والسربته

يعني بنات بريدة نازل عليهن حجاب من الله مايتلوثن بالاشياء هذي؟

اقتباس: بعدين وراه ماحطيت عينك على هالي يغازل عشان يفر خوفاً من تلك العيون الشريره ليه تخليه يبلتث على كيفه

وانا وكيل عن خلق الله

اصلا لو ابسوي شي كان يكفشوني يقولون وش دخلك انت اصلا بدون محرم

الله يخلف صارت الحريم هي المحارم لنا
---

اقتباس: اللهم سلم سلم

داخلة حرب انتي ياشريرة ؟ لكن اللهم امين اللهم سلم سلم

اقتباس: واتمنى مايشوفون اخواني هالموضوع لأنهم خلقه مايواطنوننا نطلع للمهرجانات تجي تزود

يارب انهم مايشوفونه اغدين اتسلل مرة ثاني واشوف وش لابسة علشان اشرشحك

اقتباس: ودمت ياحرامي المهرجانات

ودمتي ياشريرة الفتيات

شرفتيني ياقريل

[نيزك]

لاحول و لا قوة إلا بالله.


سؤال :

وشولوهـ هاللبس من البنات ؟
يعني وشوله الزينة و لبس السفور ؟
.................

الشهبان لاحد يجاوب .

[عجوز سمنسي]

اقتباس:  المشاركة الأصلية كتبت بواسطة نيزك     لاحول و لا قوة إلا بالله. سؤال : وشولوهـ هاللبس من البنات ؟ يعني وشوله الزينة و لبس السفور ؟ ................. الشهبان لاحد يجاوب .

نيزك

نعم لاحول ولاقوة الا بالله

معليش تراي اشهب وخطمت

سؤالك موجه للبنات ياليتهن يجاوبونك

لاني مثلك ياغالي لا اعرف لماذا ؟

شرفتني

[ملك المشاعر]

مرحبا يالعجوز .... عساك بخير ....

ودي ادري وشوله انت رايح .....

رحت عشان تشتري كليجا ,, او عشان تناظر الهز والوسط ....

واذا كنت كذبت كذبه بيضاء كما تقول ...فما الهدف من روحتك للمهرجان ....

[عجوز سمنسي]

اقتباس:  المشاركة الأصلية كتبت بواسطة ملك المشاعر     مرحبا يالعجوز .... عساك بخير .... ودي ادري وشوله انت رايح ..... رحت عشان تشتري كليجا ,, او عشان تناظر الهز والوسط .... واذا كنت كذبت كذبه بيضاء كما تقول ...فما الهدف من روحتك للمهرجان ....

هلا بملك المشاعر والاحاسيس والرومنسية

قسم انك من جنبها

المهم ماعندي مانع امرش لك كذبة بيضاء ثانية

الله يسلم قلبك انا رايح القي محاضرة عن اثر الكليجا السياسي في القضية الفلسطينية حيث ان الجامع الرئيسي بين حركة فتح وحزب الليكود اليهودي هو عبارة عن قرص كليجا ولهذا هم يتفقون عليه في حاناتهم

احلق رموشي ان فهمت رمزيتي

[احاول]

ورائها ندندن
نفس المواضيع لا تتغير لكنها الان بطعم الكليجا
كنت قبل يومين في نفس المكان مع الاهل ولم اكن سارقا مثلك ووالله لم التفت لما ذكرته ولم ارى مارأيته

اقتباس: بعض الناس مثل الذباب لا يقع إلا على الجرح هذه الجملة من أحسن كلام شيخ الإسلام ابن تيمية نقلها ابن سعدي في كتابه طريق الوصول : وهي أن بعض الناس لا تراه إلا منتقداً دائماً ينسى حسنات الطوائف والأجناس والأشخاص ويذكر مثالبهم فهو مثل الذباب يترك موضع البرء والسلامة ويقع على الجرح والأذى، وهذا من رداءة النفوس، وفساد المزاج، وأحسن علاجه الكي أو الخنق ليذهب ما به من مس