أنا شاهد عيان لظلم بنات بريدة !!

[@اسمـــراني]

اقتباس:  المشاركة الأصلية كتبت بواسطة ســــــــــارة     يا أخي من شكاك لك هن فرحنات بالعباية الناس من تالي الله يستر ( فتن كقطع الليل المظلم ) والله آخر زمن الشراع الثقيل.. للمعلومية مافيه أخف قماش قماش العباية تقول اي دستور هذا شرع ربك يا حلو البنت تبلغ من ثالث ابتدائي لو ما بين على جسمها واذا بلغت واجب عليها الحجاب الله يعز لنا حجابنا تدري ان كلامك هذا يرضي العلمانين المفروض تفتخر يوم شفتهن الله يصلح قلبك

مااحد شكالي بس انا متضايق من اللي شفت ياساره..ثقل العباءة او وزنها ماجربته يوم بس مهما كان ثقيل على الطفلة يابنت..

مالي خص في العلمانيين ولا الرافضة يابنت الاجواد هو رأئي في اللي شفت وحبيت أطرحه..

تحياتي لكي

[@اسمـــراني]

اقتباس:  المشاركة الأصلية كتبت بواسطة برهووم     السلام عليكم ورحمة الله وبركاته ياجماعة انتم عطيتوا الموضوع اكبر من حجمه اصلن ماله داعي كل الردود موضوع تافه مثل صاحبه لو فيه خير ماسمى الستر اللي ساتر اهله شراع ثقيل هذا يدل على انه صغير مايفهم اصول الدين وبعدين مثل ماذكروا الاخوه ان البنات مايلبسن نقاب في هذه المرحله والكذبه واضحه اصلن ممنوع تلبس نقاب في هذه المرحله الله العالم انه شايف بنت قصيره قال ياحرام صغيره هههههههههه بعدين ماحد شكالك عن العباءة والرسول صلى الله عليه وسلم قال ((كلكم راع وكل راع مسئول عن رعيته )) واتمنى اذا حبيت تكتب بمواضيع تمس الدين حاول انك تراجع وتحاسب نفسك قبل ان تحاسب

شكلك ماتفهم

والأكيد انك غبي ماتفقه مايدور حولك,

[التانجو]

اعوذ بالله هذا يااخوي امر حسن استغفر ربك

[@اسمـــراني]

اقتباس:  المشاركة الأصلية كتبت بواسطة البدررر     ليش مانقول ماهو اجبار البنت هي الي تبي لحسن التربيه التي عليه الم تعلم اخي اسمراني ان هناك من اشتهر بخطف الاطفال في حايل

خابر البنت في العمر المذكور ماتعرف مصلحتها..فهي مُسيرة وليست مُخيرة

والخطف في كل المناطق فلم يتوقف على حايل على قولتك

[@اسمـــراني]

اقتباس:  المشاركة الأصلية كتبت بواسطة m-77-b-com     اسلوبك غير مؤدب مع دينك لو طرحت الموضوع بأسلوب افضل كان افدت واستفدت

طيب علمني يا مؤدب

شي غير انت مثل جده !!

[@اسمـــراني]

اقتباس:  المشاركة الأصلية كتبت بواسطة على الصامت     السلام عليكم ورحمة الله وبركاته اخي اسمراني اوصيك اذا اردت ان تكتب ان تفكر قبل ذالك مالفائدة وتذكر ان كلمة تهوي بالانسان 70 سنة في النار وان الله امرنا بطاعتة ومن اطاعة فلة الجنة ومن عصائة فلة النار اعاذنا الله منها قلت يالغالي: (ذالك الشراع الثقيل) وهذا دليل خلل عندك وهذا امرالله ولتعلم ان النبي صلى الله علية وسلم امرنا بتعويد ابنئانا وتنشئتهم التنشئة الحسنة ولذاللك امرنا ان نامرهم بالصلاة لسبع ونضربهم لعشر (قلت 9 سنوات) هل تعلم ان في هذا احيانا تكون وجب عليها كل شي السوال الذي تختبر فية نفسك هل حزنت يوما على مناضر تلك البنات في سن 9 سنوات وقد لبسن تنناير حتى نصف الفخذ وهل كتبت موضوع حل لهذة المشكلة ام يغوينا الشيطان لنحارب الفضيلة بتعليم لبس العباءة للصغار وكم تفرح البنت حينما تهدي لها امها عبائة لاحساسها بانها صارت امراة كبيرة ولاكن هيهات ...؟؟؟ للنشغل بنشر الخير خير من غيرة فستشهد يداك غدا بما كتباه لاني احب الخير للغير احببت المشاركة .

مراحب أخوي الصامت رداً ثقيل يوخي عن أصل ثقافة صاحبه

شكراً لنصيحتك واعلم ان الكلمة قد يهوي بصاحبها 7- خريفاً في النار<<<إن كان مراده كما ذكرت فالأعمال يا ( بعدي ) بالنيات,اما الشراع الثقيل في الموضوع مازلت محتفظ بما ذكرت فكيف اُلبس طفلة غطاء لا تستطيع تحمله,

حبيبي صامت لن إحارب ولم يسبق لي محاربة الفضيلة موسبقاً,,مااريد قوله لك خاصة بما انك إتهمتني بما ذكرت هل الطفلة المقصودة بموضوعي لبسها العباءة والغطاء مختصر على المدرسة ؟

او أن الطفلة المظلومة يُقتصر لإبسها على وقت معين محدد وهو من الصبح إلى الظهر,وبعد خروجها من يتبدل الحال ؟!

[@اسمـــراني]

اقتباس:  المشاركة الأصلية كتبت بواسطة بريداوية فاشن     طيب بنت و جسمها صغير وش المشكله اذا مالبست عبايه؟ تراه بخامس مهب ثاني متوسط!

مافيه مشكلة..المشكلة تكمن في ولي أمرهـا المتشدد لا أكثر..

اقتباس: بسألكم بالله عن بعض خواتكم وبناتكم مهب ماتلبس العبايه إلا للمدرسه عشان ماتهوشه المديره..؟ ويمكن لا ركبت السياره مع السلامه .. !!

ماعندي لا أخت ولا صار فيه سبب عشان يكون لي بنت..والا كان أفدتك,,

اقتباس: و هالبنات اللي نشوفهن بكل محل وكبااااااار ومايلبسن الا عباية على الكتف ومتكشخه ومضبطه الشعرات .. والوجه ينقط ملح .. بنات مين؟ من خواته؟ الا اذا أهلهن من كوكب ثاني !

نعم ( هن ) من كوكب ثاني! بس كوكبهم اسمه غير أسمه ( إحنا في الحارة مطاوعة بس.. وبرا الحارة نكون غير) والسبب أن أهل حارتهم شايفن طفلتهم يوم ترجع من المدرسة وهي لابسه عباءتها ..وفي نفس الوقت أم الطفلة لابسه عباية على الكتف وتتسكع في أسواق النخيل!!


تحياتي لتواجدك

[@اسمـــراني]

اقتباس:  المشاركة الأصلية كتبت بواسطة مادموزيل     ليش هبيتو بالرجال ماقال شي ,, انا اشوف كلامه مافيه شي ,, كلام سليم<<من وجهة نظري ومو تهبون فيني مثله البنات بس يتغطون للمدرسه زي ماقالت اختي بريداويه فاشن يعني اسألك بالله انتي وياه خواتكم اللي بالابتدائي يتغطون بغير المدرسه؟؟؟؟؟

أشكر تفاعلك ودفاعك تجاهي,شفتي شلون هالمهبل دخلو فيني شمال؟!
أغبياء بشكل غير طبيعي

الله يكافينا من فيه شر بس..

[@اسمـــراني]

اقتباس:  المشاركة الأصلية كتبت بواسطة سامي العرف     وش المشكلة أزين شي علشان تتعود البنت من الصغر على المحافظة على الغطاء الأسلامي هذا أولاً ثانياَ يحافظن على بشرتهن من الشمس الحارقة ثالثاً يحافظن على رؤوسهن من ضربات الشمس تحياتي

مافيه مشكلة ياحبي سامي

اللي شفتهم اصلاً بشرتهن سمر يعني الشمس ماتفرق معها ولا رايح تزيد سمارهن سمار,,

أما تعودهن هذا يبيله فتح فايل ( ملف ) عشان اعرف أناقشك

[@اسمـــراني]

اقتباس:  المشاركة الأصلية كتبت بواسطة أميرة بعالمي     ألحين أنتووا ... ماتدرووون بالسعادة.. الغااااااامره ,, إلي نحس فيها لم يقولون البسوا عباية يؤؤؤؤه قمة السعادة .. إحساس .. إحساس.. يوصف بأني صرت كبييييييرة ...وخرووا عني .. لالا تشيل همنا ياخوووي ...

ماراح اشيل هم وانا اخووووووك

بالعكس اتمنى لك مثل غيرك من خواتي السعادة الدائمة,لا وبعد البسن فوق العبي رشارش ذهب شغل الاولين,,

مدام انك طفلة ومبسوطة وتغالطي نقدي فاانتي خير دليل

تحياتي لتواجدك

[@اسمـــراني]

اقتباس:  المشاركة الأصلية كتبت بواسطة قلبي كله غلا     عقول متحجره مايلمون ابنائهم على حب الله يبحانه ونطيعه عشانه نحبه قبل الخوف من الله سبحان الله وبعض الردود مادري كيف يردون على صاحب الموضوع ؟؟؟ كأن بينهم وبين صاحب الموضوع ثأر اعوذ بالله كلمه تقرقع بقلبي ولا زم اقولها وبالنسبه لموضوع الغطاء كما قال صلى الله عليه وسلم خير الامور اوسطها يعني الصغيره مو اجبارى العبايه خاصه اذا كانت الانوثه مو ظاهره عليها او عبايه بدون غطا كحجاب بس يعني تعويد بس وتمهيد للمرحله الثانيه عندما تبلغ ....

أحلى كلمة قلتها هي تعويد وتمهيد,

وبعض الردود لا تهمك أنا معطيها قفى !

وسع بالك ولا يحوشك اللي تشك انه ينوشك!

والإ الثار مأحذين عليه لا تخاف

[البداية والنهاية]

لاتعليق ...

[@اسمـــراني]

اقتباس:  المشاركة الأصلية كتبت بواسطة السرو     والله وانك صادق

شاكر لك تواجدكـ

[@اسمـــراني]

اقتباس:  المشاركة الأصلية كتبت بواسطة شكسبير بريده     الله يعافيك يالاسمراني ولايبتلينا لماذا اسميت الحجاااااااب ضلم؟؟ خااااااف الله في كلامك وحكم عقلك تحيااااااااتي لك

أي والله ظلم !يا ملحك يا شكسبير بريدة تسانوه أنت اللي بالصورة؟ وأنا استبعدها شكلك مثلي شيييييييين

تعرف الفرق بين الحجاب واللطمة ؟!!إذا عرفت قلي

تحياتي لتواجدكـ

[@اسمـــراني]

اقتباس:  المشاركة الأصلية كتبت بواسطة لسان الابداع     [align=center]انا مع الاخوان كيف تقول الشراع الثقيل هذه هو فخر المرأه وتاجها كيف تقول شراع لو أنك سميتها بإسمها عباءه كان أفضل ولو أنك قرأت الموضوع قبل أن تضعه لعرفت الخطأ والثاني أنت تقول (ووش الدستور اللي يقول كذا ؟!) أنقد وتكلم عن الأخطاء في وجهة نظرك لكن أحترم كلامك لإنك تضعه أمام الناس هذا الدستور كما قالوا أخواني قبلي كلام الله وسنة نبيه صلى الله عليه وسلم وثاني شي كلنا يرا محارمه ويرا بنات أخته او أخوه او أخواته بعضهن وليس كلهن يأتي عليها مايأتي من النساء من الحيض وبعضهن من يكون عمرها 10,11 ويكون جسمها جسم أمرأه بسن الزواج وثالثأً كيف عرفت من أعمارهن وأنت كما تقول يلبسن العباءه وهذا لا يلفت لنظر وعائشة أم المؤمنين رضي الله عنها وعن أبوها دخل عليها الرسول صلى الله عليه وسلم وهي عمرها تسع , وأنظر النساء الكبيرات بسن لو تسألهن قالوا لك يعرفن او هن قد تزوجن بمثل هذا العمر ولا تقول هذا قديم لم يتغير شي الدنيا هي الدنيا ولكن نحنوا من تغير وبدينا نقول للعباءه شراع ثقيل ونقول للحجاب أي دستور هذا وأخيراً أرجوا أن تأخذ كلامي بعين الأعتبار وتراجع كلامك قبل ان تجعله بين نظر الأخوان[/align]

لا... لا... لا.... عـــــــــاد!

شكلك مندفع الله يسلم حالك بزود,وسع صدرك

ومازلت أرى ان غطاء الطفلة غلط في غلط