فوضويتنــا في البوفيه المفتوح . . .

[Queen of buraydh]

[align=center]

اقتباس:  المشاركة الأصلية كتبت بواسطة علشانك بس     صباح الئشطة كوين ,, الله يبارك بالحريم الغبيات اللي مايعرفن ياكلن ,, خلنّنا نشوفك بذا القسم ,, حطوك بالخاص وصرنا مانشوفك ,, الله يقازي اللي كان السبب ,, كوين تصدقين اني اكره الزواج اللي فيه بوفيه مع ان الزواجات الحين اذا مو كلها فهي اغلبها فيها بوفيهات ,, اذا خبرو العالم انه فيه بوفيه بذا الزواج .. يبدون يناظرون بوابة قاعة الطعام متى تنفتح عشان يسوون هجووووم على البوفيه ,, بعد مايهجمون من بوابة القاعه طبعا يموت ربعهم كل وحده توطى الثانية .. عاد لابسات كعب واللي تطيح مهب لأهلها ,, كل وحده تمسك صحن وينقضّن على الفرائس ,, وياليت يكفيهن صحن .. لااااا ,,, يعبّن صحن كلله انواع المقبلات ,, بعدها ترجع تهجم عشان تعبي صحن مشاوي وأرز والباقي من الأصناف الدسمة اللي تخليهن مايقدرن يتنفسن بعد العشاء ,, بعد الحروب والضروب اللي تحصل اثناء تعبئة الصحون يجلسون بأمان الله بعد مامات نص الحريم متوطينهن اثناء الهجوم ,, يجلسن وماتسمعين الا فرقعات علب البيبسي طع طيع طاع طوع ,, بعدها تسمعين أصوات الملاعق والشّوك <-- طبعا عنز طاحت بعبس ولا طول عمرهن ماياكلن الا بيدينهن بس لزوم الإيتيكيت ,, ولو يحصل لهن كان طبّن عرض عليه بيدينهن وهن ماغسلن بعد ,, بعد مايتعشّن بحمد الله يقومن يغسلن وتبقى الصحون مليااااانة ,, يصيرن جوعانات ويملن الصحون ملي ,, وبعد أول ثلاث ملاعق تحس بالشبعه من شكل الأكل الكثير قدامها وتقوم وتخليه ,, وباقي الحريم الأخيرات يجن يدورن شي ياكلنّه مايلقن ,, ويحطن حرتهن بالفواكه وإذا طلعن مع أزواجهن كل وحده تقول لزوجها قوووه لهرفي ميته جوع تراني ,, عشاهم ماكفى أحد ,, يعزمون خلق الله ولا يعشونهم ,, واذا اصبح الصبح ماتخلي احد ماتدق عليه تعلمهم ان الفلان ماعشّو الناس وطلعوهم جوعانين ,, مع ان الفلان حاطين عشاء يكفي أضعاف الحضور لكن الشفاحة من تخلى له ,, وينتهي الزواج بوفاة نص الحضور أثناء الهجوم على القاعة ,, والعرسان يتطلقون من دعاوي العجز اللي ماتعشن خخخ ,, هذا حال الزواجات في بريدة اذا صار فيها بوفيه ,, ناس ماشافت العيشة ياربي لك الحمد ,, وتوته توته خلصت الحتوته ,,,,,,,,,,

اسمحولي عجزت اتحمل ابرد على هاللي (خابصتن المجتمع خبص)
علشانك بس فضحتينا الله لا يفضحنا
كبيتي العشا الله يصلحتس ..
وصف دقيق ورائع بإسلوب ممتع ياحبيلك علشانك جبتيها قسم ,
استغرب فرحتهن باالعشا بهاالشكل ,
قبل فترة بزواج صديقتي يوم قالوا تفضلوا على العشا جتني خنقة وضاق صدري ,
يختي احس العشا لو يلتغى باالزواجات ابرك
احنا ما جينا ناكل ياربي لك الحمد ماعلينا قاصر ..
حسافة الوقت يروح على اكل ودك تستغلينه بالتفرج على الطق
>> خصوصاً اذا صار معك شلّتك تتحسفين باالوقت ..

والله يابعدي اعترف اني قطعت بالمجلس بس ترا حتى هناك قاطعة
لا يغرك نقلي >> ماوقفت عليك

تكفين كثري من الحتوتات
وصباحك موف ياموف
[/align]

[علشانك بس]

اقتباس:  المشاركة الأصلية كتبت بواسطة queen of buraydh     [align=center] اسمحولي عجزت اتحمل ابرد على هاللي (خابصتن المجتمع خبص) علشانك بس فضحتينا الله لا يفضحنا كبيتي العشا الله يصلحتس .. وصف دقيق ورائع بإسلوب ممتع ياحبيلك علشانك جبتيها قسم , استغرب فرحتهن باالعشا بهاالشكل , قبل فترة بزواج صديقتي يوم قالوا تفضلوا على العشا جتني خنقة وضاق صدري , يختي احس العشا لو يلتغى باالزواجات ابرك احنا ما جينا ناكل ياربي لك الحمد ماعلينا قاصر .. حسافة الوقت يروح على اكل ودك تستغلينه بالتفرج على الطق >> خصوصاً اذا صار معك شلّتك تتحسفين باالوقت .. والله يابعدي اعترف اني قطعت بالمجلس بس ترا حتى هناك قاطعة لا يغرك نقلي >> ماوقفت عليك تكفين كثري من الحتوتات وصباحك موف ياموف [/align]

ياعمري من ناحية اني خابصة العالم فأنا صدق خابصتهم ,, الله لايخبصنا الا بطاعتوووهـ ,,
أجل انتي مثلي اذا قالو اتفضلو على العشى بدا يتقلب وجهي ألوان ,, ماودي اشوف المهازل اللي تحصل من الحريم ,,
والمشكلة ان اللي تشوفينهن كاشخات وياااااااي بالقاعة ينقلبن لوحوش مفترسه جوا صالة الطعام ,, تلقينها تاكل وكل شي فيها ياكل ,, يدينها تاكل وعيونها تاكل وفمها ياكل حتى شعرها طابّ ياكل معها ,, مدري وين الإيتيكيت اللي قبل بالقاعة ,, وتلعب بالصحن وتقوم وتخليه مليااان ,,
المهم اني مانب مشغلة نفسي بالشرح زيادة ,, الزبدة عطيتك اياها وانتي تعرفينها ,, بس الرجال مايعرفونها والظاهر اني فضحت بالحريم بقووهـ هالمره خخخ ,,
دايم بصف الحريم وهالمره بصير بصف الرقّآلة ,, وبعلمهم ان فيه حريم مشافيح ممكن ياكلن عيالهن اذا جاعن خخخ ,,

كوين ارجعي للمجلس تكفين عشان ماتحذفين ردودي <-- مهب جود تبينها ترجع خخ ,,
الجد اننا اشتقنا لك ياصبية ,,