الصراع بين الأندية السعودية صراع قذر. وأفكار طفولية وساذجة !!!!

[يوسف بن تاشفين]

هاجم صالح الطريقي محلل قناة أبو ظبي الرياضية في برنامج استديو كبار آسيا بعضاً من أعضاء شرف الأندية السعودية واصفاً إياهم بأنهم اصحاب أفكار طفولية وساذجة وأن للاعب نائف هزازي يفتقد لثقافة اللاعب المحترف وأن بعضاً ممن ينتمون إلى الأندية السعودية وهم من أعضاء الشرف يمتلكون أمولاً طائلة ولكنهم لا يحسنون التصرف بها.
ووصف الطريقي بأن الصراع بين الأندية السعودية صراع قذر .
جاء ذلك من خلال تفجير اللاعب نائف هزازي مفاجئة من العيار الثقيل يوم أمس حينما كشف عن عدم استلامه سيارة وفيلا من قبل عضو شرف نادي الاتحاد منصور البلوي الذي علق يوم أمس في قناة أبو ظبي أن اللاعب وقع شيك بمبلغ مليون وسيتم أرسالة عبر الفاكس لقناة أبو ظبي.
وأكد مذيع قناة أبو ظبي الرياضية اليوم أن البلوي لم يرسل ما وعد به في حلقة البرنامج يوم أمس ولم نعلم ما هي الأسباب التي جعلت البلوى لم يفي بعهده .
وجاءت مداخلة رئيس لجنة الاحتراف بالاتحاد السعودي لكرة القدم الدكتور صالح بن ناصر أن عقد الهزازي مع ناديه عقد غير قانوني وغير نظامي ولا يحق النظر فيه وهو عقد غير معترف به من قبل لجنة الاحتراف بالاتحاد السعودي .
وأكد المحامي الدكتور خالد أبو راشد أن على اللاعب نائف هزازي البقاء في نادي الاتحاد حتى نهاية عام 2010م
ورد المذيع يعقوب السعد على الطريقي حينما وصف الهزازي بأنه لاعب يدمر نفسه و تسائل: هل اللاعب أخطاء حينما طالب بعقد وإعطاءه حقوقه كاملة؟ وزاد بالقول: اللاعب لم يخطى على الإطلاق

[قـلـبي بـريدة]

الله يرحم فيصل بن فهد

[فـــارس]

[align=center]انت فرح عندك شي اسمه موضوع جديد
ازعجتونا بالموضوع وهو مكررر .. الحين حنا نطالب بحذفه!!![/align]

[اابن النصر]

يجب على البلوي دفع ماوعد فيه ..

وتراهـ وربي إسمه نايف وليس نائف ،،

حتى لو سجل عليكم بطريقة ماجد وفي نهائي مايحق لك تغير إسمه

[طالب وفا]

انت طااف بكتابة شي اسمه موضوع جـديد !!
صالح الطريقي
مايعرف لـه الا عدنان جستينـــــــه
يلجمه بالحجج والكلام الواقعي

[يوسف بن تاشفين]

اقتباس:  المشاركة الأصلية كتبت بواسطة فارس441     [align=center]انت فرح عندك شي اسمه موضوع جديد ازعجتونا بالموضوع وهو مكررر .. الحين حنا نطالب بحذفه!!![/align]

الموضوع طازة ///صدرمساءالبارحة صدر سمعناه في قناة ابوظبي ...وين مكرر وتطالب بالحذف !!
وش هالعقليات في المنتدى !!! والجهل المطبق !!

[يوسف بن تاشفين]

اقتباس:  المشاركة الأصلية كتبت بواسطة اابن النصر     يجب على البلوي دفع ماوعد فيه .. وتراهـ وربي إسمه نايف وليس نائف ،، حتى لو سجل عليكم بطريقة ماجد وفي نهائي مايحق لك تغير إسمه

المهم انك ترد حتى ولو بالفشل !!
ردك يحتاج لمترجم سريانكي لنفهم وش المطلوب !! مافهمنا شي !!

[لي متى قلبي اسيرك]

هلا بك اخوي الغالي يوسف
بالنسبه لصالح الطريقي انا احترمه جدا
رجل واقعي ماعنده لف ولادوران ولاخباثه زي الي مشاركين معه في خط البلده!!
وبالنسبه لنايف هزازي اقول والله زين الي سوى خله يارجال يطلع الي في قلبه ويكشف ابوالوعود الوهميه
عاشق الفلاشات!!
اخيرا الف شكر لك يازعيم

[يوسف بن تاشفين]

كل الاعضاء الثلاثة .... نصراويين ...
ولاهمهم المقال ... همهم انتقام شخصي بعقلية تنك !!
وانا لها !! ان تكررت منهم هالحركات !!!

[عسل كامل الدسم]

[align=center]الف شكر لك أخي يوسف على المواضيع الرائعه،،،

اما عن نايف هزازي أعتقد بأنه من حقه البحث عن مصلحة نفسه ...

واما عن ماقاله مذيع قناة أبو ضبي الرياضيه فكلامه عين الصواب ...[/align]

[يوسف بن تاشفين]

اقتباس:  المشاركة الأصلية كتبت بواسطة لي متى قلبي اسيرك     اخوي يوسف موضوعك جميل وجديد بس بعض الاخوان الله يهديهم ردودهم عجيبه غريبه!! يحاولون يستفزون فعلا !! لاكن ماعليك من احد مادامك لم تسىء لاحد وعلى فكره اخوي يوسف انت مالك الاكم يوم والله انك شعللت المنتدى بمواضيعك الجميله والجريئه والصادقه الف تحيه لك يازعيم والله انك منورنا

مشكور اخوي لي متى قلبي اسيرك على المرور الجميل !!
خلهم يكتبون ويستفزون ...

[الياس]

البلوي مثل أدراة النصر والبلطان أهم شئ الهلال

[فـــارس]

اقتباس:  المشاركة الأصلية كتبت بواسطة يوسف بن تاشفين     الموضوع طازة ///صدرمساءالبارحة صدر سمعناه في قناة ابوظبي ...وين مكرر وتطالب بالحذف !! وش هالعقليات في المنتدى !!! والجهل المطبق !!

رح دور بالمواضيع وتحصله ... والظاهر الي منزله ... .....
على العموم تراك اخويتنا بمواضيعك الغير ضروريه ....
ماعندك شغل انت الا الاتحاد والنصر الي بكل نهائي يصكوكم...

[فـــارس]

اقتباس:  المشاركة الأصلية كتبت بواسطة الياس     البلوي مثل أدراة النصر والبلطان أهم شئ الهلال

من شينكم كل الاندية ماتطيقكم ....
وحتى لاعبين الانديه الاخرى ماسلموا منكم ومن جرايدكم ........

.........

[ابوشامة]

ياشين اللي مكسورة عينه !!

هاللحين الكلام عن الاتحاد والبلوي واللي زعلانين ويدافعون نصراويين !!!
هههههههههههههههههههههههههههههههههههههههههه

والله أضحك من جد لأنهم واضح أنهم ماراح يفلحون وهم صايرين فرع !!

اللهم لا شماتة !!

أما الطريقي فكلامه واقعي ومنطقي حتى لو أزعج الكثيرين ,,

مشكور أخي يوسف على موضوعك والله يعينك على العقليات اللي تشجع ناديين كبير وصغير !!