بخلي أمي قطرية وتسوووق بعد...عندكم مانع ؟!

[أشغلتموهــا]

اقتباس:  المشاركة الأصلية كتبت بواسطة كــآريزمآ     سندريلا لازم تكتبين عمرك الصدقي ولو صريحه ماشاء الله عليك ماتنطبق عليك أن المرأة لا يمكن تصدق بعمرها وراتب زوجها هه ..

ماقالت عمري الحين

قلت عمري بعهد فيصل وعليك الحساب

سلملم

[زوجة نصراوي]

جدتي سندريييييييييلا(بسم الله علي)ولا بعد سندريلا ليته مزنه متمنطره هع هع
يقولون الحقران يقطع المصران وتراني ماني من النوع اللي يحب المرادد على خلق الله
مع السلامه

[خربشآت نآعمه]

هه

أبك ذولا مجرمين وعالمٍ منجنة..


>> يارب اسوق .. بس مش في السعودية..!


خلاص كفاية تفلسف زايد.. >>

[ست الستات]

اقتباس: اهل بريده؟؟ اهل بريده مابيدهم حل اذا سمحت الدوله بنسوق غصب عن المتشددين والارهابين بس انت خلهم يسمحون يعنى هنا مناقشتك ماله فايده هذولا لابيدهم لاحل ولا ربط ماعندهم غير القرق والتنقد على خلق الله

وآلله يأنتِ حاااقده بشكــل

يــآهيه الموضوع مايسوى كل هالسب

أنا ماني منهم لكـن وآلله مأرضى عليهم هالكلام

إلا على طاري الحل أجل بيدك شئ إذا عندك أتحفينا


نجي لصاحب الموضوع / مير أنك كسسسرت خاااطري وآلله ودي نسوووق عشان ترتاح من مشاوير أميمتك وأهلك وتروح تفلها عند ربعــك

أدري وآلله أن حنّا ناشبين في حلوقكم

وأدري إن مشاورينا ماتخلص

مير عساكم أنتم تدرون وتقدرون إنّ حالتنا كسيررره ووضعنا مرير ولا ماعندنا إحساس يعني

غصة بالحلق آلله لايذوقكياه ماندري حنا نلقاها من رجالنا ولا من دولتنا المصووونهـ ولا من آيش وآيش

إذا مشكلتك بس تقتصر على أن أمكم أشغلتك عن ربعك حنّا مشكلتنا أعظم ومصابنا أهوووول

<< ودي أصييييح

بس على قولة الشاعر

عفت الحياة ومنوتي ليتنـي ميـت ’’’’’ خلاص يكفي مامضى من غرابيـل

ماعاد اطيق العيش بالسوق والبيت’’’’ لابالنهار ادلـه ولاارتـاح بالليـل

بالعيد والافراح مالي انـا صيـت ’’’’’وابكي باوقات الطـرب والتعاليـل

من كل شيء اقول يانـاس مليـت’’’’’واكثر من اللي شلت عجزان لاشيل

رفعـت يدّينـي لربـي ونـاديـت’’’’’’يالله بعد المـوت ماشـوف تنكيـل

وسلامتكم

[أشغلتموهــا]

ست الستات

والله يا انتي ملقوفه واضح انك مانتي منهم !!


زوجه نصراوي

ذلوووووووووووف (درب يسد مايرد)

[رواسي]

إذآ سمحوآ بالسوآقهـ للنسآء
بكشف وذنبي عليكم
ولن أسآمحكم يوم القيآمهـ

أنآ أتعنى وأنآ أكشخ بس للحريم فمآ بآلكم إذآ كل مآرحت يمين يسآر ألآقي رجآل
أكبر معآنآهـ في الكشخهـ

[ست الستات]

اقتباس: ست الستات والله يا انتي ملقوفه واضح انك مانتي منهم !!

شفتي كيف !

[@اسمـــراني]

اقتباس:  المشاركة الأصلية كتبت بواسطة هنري     لا يمكن أن تقارن قطر بدولتنا.. فالمساحة وعدد السكان يتيح لهم الفرصة للسيطرة على الأمور!! بالمناسبة ماحجم الدوحة؟ .. وكم عدد سكانها؟

أكيد ان مساحة الدولة تعد من اهم ألاسباب للسيطرة على أمن البلد,لكن لا يمنع أن يسمح للمرأة القيادة داخل المدن فقط في المملكة وتمنع من السفر مابينها..

حجم الدوحة صراحة ماسويت له قياس وعدد السكان صعب يا هنري أقعد أعدهم أبي لي وقت عشان أقعد اقول واحد وأثنين

[@اسمـــراني]

اقتباس:  المشاركة الأصلية كتبت بواسطة رحّــال     القيادة في قطر كانت موجودة قبل ظهور هذه الفتن التي أهلكت الكثير من غير قيادة للمرأة ,, فمن الخطأ أن يسمح للمرأة بالقيادة بعد ظهور هذه الفتن والمغريات بالسعودية وتفشيها بشكل كبير ,,, وكما قال هنري من الصعب مقارنة قطر بالسعودية لا من ناحية تطبيق القوانين ولا بالمساحة ,,

الفتن !! هنا المشكلة يارحال الفتنة وجدت في عهد الصحابة الكرام,
تقول مغريات!!

هل المغريات نقاب أو برقع ؟!
من قال أن مثل هذه مغريات فهو يحتاج لطبيب نفسي..الإغراء كلمة ثقيلة لا تطلق الا على الإغراء الفاضح المكشوف..لعلك فهمت مرادي
لم يكن الإغراء يوماً من الايام نقاب فتاة أو أيادي بيضاء الإ لضعاف النفوس,,

[قلم صريح]

اقتباس:  المشاركة الأصلية كتبت بواسطة بدرالوابلي     الله يخلي لك والدتك بس سؤال ؟ هل طلعاتك وروحاتك وجياتك اهم من تودية الوالده ؟؟؟؟؟

والله إنك على نياتك يالوابلي ..موضوع الوالده مدخل للموضوع حاطه المزيون الأسمراني ..قال إيه أتعبتني الوالده هع هع .هو يبي يتحدث عن قيادة المرأه للسياره ومو عارف كيف ..قال نخترع سالفة الوالده .
كل مواضيعه عن الحريم وآخرها كان عن (مشكلة شطوب الرجلين عند البنات) ..أقول رح الله يصلحك إلعب (سوني) أصرف لك .

[@اسمـــراني]

اقتباس:  المشاركة الأصلية كتبت بواسطة سندررريلا     من تهارج انت اهل بريده؟؟ اهل بريده مابيدهم حل اذا سمحت الدوله بنسوق غصب عن المتشددين والارهابين بس انت خلهم يسمحون يعنى هنا مناقشتك ماله فايده هذولا لابيدهم لاحل ولا ربط ماعندهم غير القرق والتنقد على خلق الله اذكر يوم انا عمرى 30 يوم وقت الملك فيصل على ماظن اول مافتحت المدارس ببريده قامت قيامتهم ورفضو ان بناتهم يدرسون وبعدها بكم سنه طالبو بفتح مدارس مسنين واللي يدرسنا بنات الحجاز والاجانب وبنات عنيزه هههه اهل بريده مقاريد يجنون على انفسهم

اي والله خابر مالها فايدة بس شسوي كبدي مشتبة بعد مشاوير ست الحبايب,والنقد والتقليد هذا تخصص عاد مالنا فيه حيلة فعلاً أيام الملك فيصل أذكر كان وقتها عمري 72 وصار اللي قلتي واشوا لحقت على الليلة وقتها كانت في حي العجيبة ,الله يذكر ذيك الايام بخير بس

[@اسمـــراني]

اقتباس:  المشاركة الأصلية كتبت بواسطة زوجة نصراوي     أختي سندريلا قلتي(اذكر يوم انا عمرى 30 يوم وقت الملك فيصل) هاذا عمرك على عهد الملك فيصل أجل اللحين كم عمرك؟؟هع هع ولا بعد تبين تسوقين وتبين تتحررين؟؟؟توقعتك من ال15وتحت على كلامك المراهق!! اقول بادري بالأعمال الصالحه قبل ان توافيك منيتك وتبحثي عن حسنه واحد!! وانتي يوم تردين ماقريتي اللي فوق المربع(لاتكتب بيمينك إلا مايسرك أن تراه يوم القيامة لانك ستسأل عنه) أبي أعرف ناس بهالأعمار وين عقولهم المفروض يصيرون أعقل منا وأفهم منا لاصاروا بها العمر الله يحمينا من الفتن وهالبلاوي اللي كل يوم نسمع عنها ####إن الساعة لقريبه#إن الساعة لقريبه#إن الساعة لقريبه#

بالعكس اللي بعمر الخالة سندريلا لو بيدي بخليها واسمح لها من بكرا بالقيادة اللي مثلها بهالعمر من بيناظرها او يحاول يعاكسها

[نادر بزمن غادر]

لا ماعندي انا اي مانـع
وبالعكس اقوللك مووفق خير
متى يجي اليوم اللي اشووف فيـه كلن بحالـه

[رحّــال]

اقتباس:  المشاركة الأصلية كتبت بواسطة @اسمـــراني     الفتن !! هنا المشكلة يارحال الفتنة وجدت في عهد الصحابة الكرام, تقول مغريات!! هل المغريات نقاب أو برقع ؟! من قال أن مثل هذه مغريات فهو يحتاج لطبيب نفسي..الإغراء كلمة ثقيلة لا تطلق الا على الإغراء الفاضح المكشوف..لعلك فهمت مرادي لم يكن الإغراء يوماً من الايام نقاب فتاة أو أيادي بيضاء الإ لضعاف النفوس,,

هههههههههه من قال أن المغريات نقاب أو برقع ,,

ربما أنا أخطأت بقولي مغريات لكن لا أعلم ما اسميها

ما أقصده

أن الزمن الآن مختلف عن سابقه بوجود القنوات الفضائية الداعية إلي الرذيلة وكذلك توفر الإنترنت والجوالات ناهيك عن غياب الأمور وأهمالهم لبناتهم ,,,

[مادموزيل]

اقتباس:  المشاركة الأصلية كتبت بواسطة @اسمـــراني     بعد جهد وجهيد..قضيت اليوم الجمعة كما هي عادتي في كل إسبوع مع والدتي ومشاويرها المملة التي لا تتعدى سوق الجردة واللي يبعون الـ ( بيزة ) وإن طالت وصلتها لإم صالح !! في كل يوم جمعة تشتغلي الوالدة وترهقني الله يحفظها بمشاويرها..وقتها تمنيت اليوم تحديداً أن يُسمح للمرأة بالقيادة في المملكة ,, لا لشي غير أن أريح بالي بإستغلال يوم عطلتي ما بين الشلة ومابين طلعة أو كشتة او جلسة إستراحـــــة .. دعونا نناقش الموضوع بكل آريحية ونتجادل بعيداً عن التعصب الهمجي الارهابي ( المتشدد ) تقاليدنا لا تختلف عن تقاليد أهل قطر,,طبيعتنا هي مــــــــوال تلك الديار لا تبتعد عن نقاب أو برقــــــع! قبل فترة كنت زائر خفيف على العاصمة القطرية الدوحـة وهالني ماشاهدت!! كانت ( المنقبة و المبرقعة ) تقود سيارتها دون مشاكسة دون معاكسة ,لم يكن هناك متشدد ولم يكن في تلك الديار متطفل يمانع على قيادة المرأة.. كان الجميع في آمان كان الامن مستتدب على قولتهم مع تواجد المرأة القايدة لسيارتها ! تمنيت أن أكون قطري الجنسية وقتها تكون الوالدة ( تسوق ) وتذهب حيثما تريد ومنها أتمتع بيوم عطلتي مابين حبيب وصديق,

ليه هم كل شي ماشي طبيعي لأنهم من زمان وهم مسموح لهم بالقياده ,, يعني حتى لو ظهرت الفتن مالها تأثير كبير على المرأه اللي تسوق , لكن عندنا بعد هالزمن هذا وبعد الفتن يبي يكون تأثير كبييييييير وخصوصا انه شي جديد
وزياده على هذا المساحه ماتساعد وعدد على السكان..