(المديرية العامه للشؤون الصحية بالقصيم في سطور)

[الخاطف]

[align=center]

اقتباس:  المشاركة الأصلية كتبت بواسطة مجتاز     المديرية العامة للشؤون الصحية بمنطقة القصيم. -تعريف المدير: شخص مغلوب على امره يخاف الله في عمله يؤدي مسوؤليته على اكمل وجه وقع ضحية حرب احزاب الموظفين وفي النهاية يكون في وجه المدفع يلام على اخطاء وتقصير غيره ويتعرض للشتم والتهزي من المواطنين والمسؤلين اعلى منه مع العلم انه الوحيد الملتزم بالنظام داخل دائرته وطبعا عايش على ادوية السكر والمهدئات.(اعلم اخي المواطن ان الذي تشتمه هو الوحيد الي قاعد يخدمك). -تعريف الموظف المثالي: هو شخص خجول يوزع ابتسامات وتلقاه بكل مكتب ولو تعطيه المعاملة يخلصها لك باي شكل وهو ماله دخل فيها يعني بالمختصر (يمطرس). -تعريف الموظف غير المثالي: هو شخص من سنه ما طب الدوام او بالشهر مره يوقع ويمشي و لا احد يدري عنه والمشكله ماانحلت مشكلته ولا فصلووه... ــــــــــــــــــــــــــــــــــــــــــــــــــ ــــــــــــــــــــــ *تصنيف احزاب الموظفين: 1-حزب البدو: يستهل دوامه اليومي بعد التوقيع باخذ فنجال قهوة مع جماعته من الموظفين واخذ علومهم ثم بعد ذلك يتفرغ لتخليص معاملات الجماعه المتوقفه في جميع انحاء المديرية واحيانا خارج المديرية من باب الفزعة وبعد الظهر يتفرغ للاتفاق مع الجماعه على وليمه دسمه مع تقسيم الدور كل يوم على واحد واثناء الوليمه يتم مناقشة الاخطار التي تواجه هذا الحزب من الاحزاب الاخرى . 2-حزب العبيد:طبعا من الاستراحه للدوام مواصل وبعد التوقيع الاستمتاع بغفوة قليلة على المكتب وبعد مايصحى النفس براس الخشم ثم يستاذن الى بعد الظهر واحيانا عليها على حسب المزاج واذا حضر بعد الظهر متغدي يستمتع ببراد الشاي من يدين بنقالي مع اصدقاء حزبة ويتم تلطيف الجو باطلاق التعليقات على الحزب السابق يتخللها تحليل لمباريات اليوم واحيانا تنتهي الجلسة بالاتفاق على سفرة مشتركة وبعد توقيع الانصراف الوعد الفراش الى بعد المغرب. 3-حزب الملتزمين(مطاوعة):يوقع بعد صلاة الفجر ثم يذهب للبيت يتناول الافطار مع المدام بعد ذلك يتم اخذ فره على سوق الخضار والتمور وسوق الانعام للاطمئان على مجريات السوق ثم العوده للعمل والاستمتاع بالشاي عند مدير ادارته وتقديم النصائح له وبعد صلاة الظهر تبدا مهمت دعوة الموظفين اما لزواج للموظفين العزاب او التدخل بالشؤون الخارجية لجميع الموظفين باختصار (هيئة المديرية). 4-حزب الشريطية(اصحاب الملايين): يضم هذا الحزب كبار تجار العقار والسيارات والامور التجارية بالمنطقة باختصار(قالبين المديرية حراج في كل شي ) وهذا مستحيل ياخذ اجازات لانه تتعطل مصالحه ويستهل دوامه بعقد صفقات رابحه مع الموظفين ومن ثم يقوم بعمل اعلانات تجارية لجميع الموظفين من تقسيط مريح وتسليم مفتاح للعقاريين منهم وشراء سياراتهم واستغلال الموظفين الاجاويد وغمتهم ببعض الصفقات المغشوشة وبعد الظهر يحصل على استأذان بدون عودة بحكم ان مدير ادارته متسلف منه وهو طالع ياخذ كم موظف معه للوقوف الميداني على المشاريع المقامه ومراقبة سير عملها . 5-حزب النفسيات: عزيزي صاحب المعاملة هذا الحزب خارج عن ارادتنا فتحمل مايجيك يعني عادي تسمع (انقلع . مالي دخل . تراك اشغلتنا .....الخ) وهذا الحزب يمتاز بانه يقفل على المعاملات بمكتبة يعني عادي جدااا ياخذ منك المعاملة وتجي بكرا تلقاه باجازه شهر وساحب على العالم واذا كان موجود مهما كملت اوراقك تعتبر ناقصه فلذالك تعال مكمل علشان تستعد للركض من مكتب لمكتب والمشكله مايقابلك الا اشكاله لانه خطر يداوم الى الليل الدوام عنده هو الحضور فقط وبعثرت الاوراق في كل مكان يعني لو تحط مليون زباله تحته مايفيد . 6- حزب طايرن بالعجة: هذا الحزب مميز جداا وتقدر تعرفه بسهولة تلقااه يجي للدوام سبع ونص بس مايوقع الا ثمان ونص لانه يقعد بالسياره بالمواقف نص ساعه يتكدكد ويضبط الكوبرا ويتعطر ويشيك على الحلاقه ومن هالقبيل واذا دخل يمر على كل الاقسام يوريهم كشخته بعدين يوقع ومايعطي المدير وجه واذا جلس على مكتبه تحسبه الامير فيصل بن بندر على غفلة واذا سالته عن معاملتك يقعد يتنافض ويعرق ويحمر لونه ولسان حاله يقول مادريت عنك وعن معاملتك واذا طلعت من عنده جلس يسب العمل ويتملل منه والي مثل هذا مايطول كلها شهر او شهرين ويدبر قبول باحد الجامعات ويروح بعثة او دورة هربا من العمل. ــــــــــــــــــــــــــــــــــــــــــــــــــ ــــــــــــــــــــــــــــــ -المستخدم او السائق: هو شخص سيارته مليانه معاملات العالم ودوامه من سبع الى تسع وبعدها جواله مغلق لذلك لا تستغرب ان شفته يحرج بسوق الغنم او يكد بالخبيب . -البنقالي: بدونه لاتسير الامور فهو اعلم من في المديرية بالمعاملات وطرق تخليصها ويقوم بالمهمات التاليه: 1-اصلاح القهوة والشاي حيث يتلقى دورات تدريبية متخصصه عند بداية عمله. 2- احضار الفطور وهي المهمه الرئيسيه ويحصل على انتداب مقداره ريالين. 3- التغطية مكان الموظفين في حال خروجهم وتصريف المواطنين. 4- عقد صفقات مع الموظفين المحتاجين لخدمات خارج العمل. 5- التسكع بالاسياب وتبادل الحديث مع اصدقائة البنقالية. 6- يقوم بمهمة تصوير الورق للموظف الي مكينة التصوير بجنبه. -الفريق الفني(الصيانه): مبناهم خارج المبنى العام لايوجد منهم احد اثناء الدوام الرسمي الا واحد لذا لا تستغرب استجابتهم لك بعد اسبوع واحيانا الى الابد. - اخيراا قسم الصادر والوارد(الاتصالات الادراية): مدخل ومخرج المعاملات واهم نقطه في الدائرة ابشركم التلفون مفصول يعني لو تنقز ماحد رد عليك هذا عوضا لو انك رايح لهم اعتبر نفسك بشقة بالخالدية . - هذا الموضوع يعبر عن وجهة نظر كاتبه قد يحتمل الصدق وقد يحتمل الخطاء . (موظف بنفس القطاع) والى اللقاء في سطور اخرى.

بحكم أنك موظف بنفس القطاع فمن أي الأحزاب أنت ؟؟ أو أنت مثال للموظف المثالي المخلص والمنزه من الأخطاء ؟؟ !!

- الشي الثاني عدد مشاركاتك 13 مشاركة وقت كتابتي لهذا الرد وجميعها ردود على مشاركات الأعضاء في هذا الموضوع يعني مسجل من أجل كتابة هذا الموضوع ؟؟؟ !!!!
[/align]

[مجتاز]

اقتباس:  المشاركة الأصلية كتبت بواسطة الخاطف     [align=center] بحكم أنك موظف بنفس القطاع فمن أي الأحزاب أنت ؟؟ أو أنت مثال للموظف المثالي المخلص والمنزه من الأخطاء ؟؟ !! - الشي الثاني عدد مشاركاتك 13 مشاركة وقت كتابتي لهذا الرد وجميعها ردود على مشاركات الأعضاء في هذا الموضوع يعني مسجل من أجل كتابة هذا الموضوع ؟؟؟ !!!! [/align]

ياهلا ومرحبا فيك استاذي العزيز اما عن حزبي وانني منزه عن الاخطاء
فاحب اقولك انه لايوجد انسان منزه من الاخطاء ولكن هناك اخطاء غير مقصوده وتكون قليله واخطاء مقصودة اذا كثرت تدمر من حولها .وانا خريج احد هذه الاحزاب لاشك .
واما مسجل علشان اكتب الموضوع فاحب اقولك انا مسجل علشان اكتب مواضيع.
تقبل تحياتي .....