لاتشتكي للناس لوكنت مطعون!!!!!!!!!!

[شدو البلابل]

اضحك وفلّ حجاجك اشفيك محزون
دنياك ماتسوى وخذها نصيحه..
,,,
مادام مالك ميت ولا انت مديون
ارم الهموم وخل نفسك مريحه..
,,,
لو كانوا اصحابك يضاهون مليون
نق الكفو منهم وخل السطيحه..
,,,
ولا تشتكي للناس لوكنت مطعون
والذم من بعض الخلايق مديحه..
,,,
ولا تنحني للهم وتعيش مغبون
ترا المريح اهل العقول الصحيحه..
,,,
لاصرت صادق قالوا الناس مجنون
مايمدحون الا النفوس القبيحه..
,,,
وخلك صمود بوجه الايام دندون
وما حرم الله اثم لا تستبيحه..
,,,
والكبر لو به فايده فاد فرعون
ومن ذاع سرّه بشّره بالفضيحه..
,,,
والله لو يعطون لك مال قارون
ماشفت نفسك بالغنى مستريحه..

[(*§ حـــــور §*)]

شدو البلابل


صح لسان القائل
وسلمت انااامل الناااقل
ابيااات رااااااائعة حد الوجع
فعلا الشكوى لغير الله مذلة
تسلمين وتسلم أحاسيسك
لك من الرقة شفافيتها
اسلوب راااقي وذووق ارقى
دمتي بحفظ المولى

[ناريمان]

شدو البلابل انتقاء رائع

سلمت يداك

[وشاح الذكريات]

قصيده في قمة الرووعه
صح لساان الشااعر وصح نقلك وذووقكـ

تحيآآتي لكـ ..