فـاشـل بـ الـزواج , أنـا وزوجـاتـي الـثـلاث .....!

[صـاحي و رايـق]

اقتباس:  المشاركة الأصلية كتبت بواسطة سارة عبدالعزيز     عفوا ردي السابق كان تعقيب ع الموضوع فقط لم اقراء الردود تعليقي على هذا الرد اخي الكريم خاف الله في نفسك وفي بنات المسلمين تتزوجها لمجرد بروفات تطبيقيه ؟!! ثم اعلم يا هذا! ان الشياطين لا تصفق الا لفعل المنكر اعانك الله وشفاك وجميع مرضى المسلمين

وش سويت أنا في بنات المسلمين
ممصع أرقابهن أو ناشر غسيلهن على صفيح ساخن

وزواجي من هذه المسيار
أنا مخبرها قبل الإقتران بها عن سبب زواجي منها
يعني اللي أوله شرط آخره نور
هنا أنتِ تكوني خارج السالفه لو سمحتي

والشياطين سبب ذكري لها
يقولون والعلم عن االراوي : (( أنه كل ما جامعت زوجتك ذبحت شيطان ))
وصرت بزواجي للمسيار أذبح مجموعة شياطين
شكل أنتِ اللي فيك مس عفانا الله وأياك يارب يا كريم
أو أن أهالي هؤلاء الشياطين شاكين لك




مشكوره الله يعافيك
وعافيه عليك

[صـاحي و رايـق]

اقتباس:  المشاركة الأصلية كتبت بواسطة عبدالله الحلوه     صاحي ورايق رهيب انت اكيد شغالتكم عاجبها شكلك ومسويه لك عمل يبعد عنك كل الحريم راجع نفسك وشف اي الشغالات معجبه فيك وتراها على فكره قديمة شوي لأنها اكيد جايتكم قبل يطلع زواج المسيار والا كان كاتبته بالعمل العلاج بسيط مطرقين حمر على العلبات وتطلع حصان مابك الا العافيه وزين لو تخلي السمنسي يمسك وقتها تحياتي

هلا بعبدالله

هذا من بعض ما عندكم
يعني هذا قدري تكون شغاله معجبه بي
زين والله باليد كسره .. أهم شيء أنا ما أعجب فيها
يعني لو كلامك صحيح
وين بحصلها ذي الشغاله الحين
تلاقيها الحين تتسدح بشوارع أندونيسا لا بارك الله فيها ولا في أصلها

تكفنا فكنا من هذا المعتوه سمنسي
هو محتاج أكثر مني
لكنه خايف من التصريح
وكل يوم حالته تسوء أكثر من أول
يعاني معاناته كما هي معاناة الأم المكلومه
اللهم زد وبارك عليه



عوافي أبو العبد

[نبض الوريد]

[align=justify]

المعذره أخي صاحي ولكن ودي أطرح تسائل :

كلما اصاب شخص ما ، شيئاً ما ، قال انا مسحور او صابتني عين ؟؟؟أو قالوا له الناس انت محسود ، أو أنت مسحور ؟؟عجيب هنا بالذات اشوف الوسوسه تدخل في قلوب الكثير ويحولون مشاكلهم كلها إلى هذه المسأله في حين قد يكونون بعيد عنها ، وكأن السحر والعين منتشره مثل الهواء،، غريبه والله؟

[/align]

[صـاحي و رايـق]

اقتباس:  المشاركة الأصلية كتبت بواسطة عجوز سمنسي     الله يستر ابو فهد لايجي الحين صاحي ويقول شغالاتنا مغربيات اجل انا ابمسك وانت شد حيل دبل كيك على العلبات خل العلبات تصير زرقاء ويبي يتعدل حاله ان شاء الله

أبشرك ما عندنا شغلات يا روح أمك
نحنُ خدم لـ أنفسنا
وش نفعك إذا شغالاتكم حولك وحواليك وكرشتك ناطه مترين قدام
خل المكوى لك .. أنت أكثر مني حاجه لها
مستغنين يا بابا



منورني

[صـاحي و رايـق]

اقتباس:  المشاركة الأصلية كتبت بواسطة عجوز سمنسي     الله يعافيك هنا ملعب ولا كل الالعاب لعب على السرير والشياطين تصفق والفريقان يلعبان لكن للاسف فريق يبدع والاخر اطرش ولايرى ومتكسرة مواصيرة ونساء ثلاث وبينهم مسيار ؟ آآآآن لي ان امد رجلي واضحك واقول فعلا ردود العضوات عاطفية

توك صغير أنت عن هذه الحركات اللي أكبر منك
إذا كبرت بعدين
تعال لمي أعلمك أصول اللعب على جراح الأخرين

ومد رجلك يالعجاز عساها للغرغرينا اللي تمشي فيك حتى تقضي على خشمك اللي كنه حبحر بارد

[صـاحي و رايـق]

اقتباس:  المشاركة الأصلية كتبت بواسطة حكاية إحساس     للآسف اشوف البعض اخذ الموضوع بأستهتآر رجـــــــــــــاء يكون فيه قليل من الجديه والاحساس أستآذ صــآحي ... اولآ عليك بقراءة القرآن والاكثآر من الدعاء فالله سبحانه وتعآلى بيده كل شي .. ولازم تنسى تجآربك السآبقه ..وتبداء من جديد يعني لاتقول فشلت 3 مرات مراح انجح وعليك بالاستخآره قبل الزواج لا أملك لك سوى دعـــاء يا من اذا دعي اجاب يا سريع الحساب يا رب الأرباب يا عظيم الجناب يا كريم يا وهّاب رب لا تحجب دعوتي ولا ترد مسألتي إن عبدك تحير في امره وانت العالم سبحانك بسره وجهره المالك لنفعه وضره القادر على تفريج كربه وتيسير عسره اللهم يسر امرهـ وسهل له طريقه تحياتي لكـ

هلا فيك .. حكايه


لا عليكِ منهم
سيشربون من كاس المر بيوم من الأيام

والفشل لمره وحتى لعشره ليس هو آخر المطاف
تكرار المحاوله مرات عده دليل على أن النجاح أتي لا محاله
اليأس والتذمر والتشائم هو الفشل بعينه
بروكتي على هذه النقطه
وشاكر لكِ على هذا الدعاء الشافي


عوافي على قلبك

[صـاحي و رايـق]

اقتباس:  المشاركة الأصلية كتبت بواسطة صريح جد     اقول ها الموضوع ذكرنا با الكاميرا الخفية ايام خالد الرفاعي الحين الواحد اذا جاء يخطب يجلس لة فترة طويلة يعني اذا خطب بنت يجلس ابو البنت لة شهر او شهرين وهو يسئل عن الولد يسئل الامام ويسئل في عملة وربعة وما يخلي احد الا ويسئلة وبعد مايسئل ويوافق تجي الشوفة وتبي لة وقت واستعدادات ثم تجي الملكة وتبيلة وقت ثم يجي الزواج وتبي البنت لة اقل شي 4 شهور وهي دور ملابس لة همن يجي الزواج وحجز قصر او استراحة يعني وانت ماشاء الله 4 زوجات خلال سنتين المسيار العالم يدورون من سنين وهم ما حصلو وانت ماشاء الله يعني با اسبوع حصلت ولاتنسى ان اكثر المجتمعات يرفضون الي مطلق

هلا فيك صريح جد

شكلك متوحم بكميرا خفيه
لا يهم تصدق أم لم تصدق
ما عليك هو التعقيب على حروفي
أما غيره فـ أنا المسؤال أولاً وأخيراً

ومن حيث تفصيلك هنا
أنا حسبت المده من دخولي عليها من حيث زواجي الأول
وليس من بداية خطبتي لها
وشهرين وأنتهى أمري معاها
وزواجي الثاني كان عائلي
بعني غير مكلف .. وشهر ونصف حتى دخلت عليها
ومثلها الثالثه في كل شيء

ومن يقول لك بـ أن المجتمعات يرفضون المطلق ؟
هذي من وين جبتها الله يعافيك .. أو تخمين منك
إذا أنت مطلق تعال وياي أدلك على عوائل تعطي ولا تبالي
أهم ما عليهم المتقدم هل هو يستحق أم لا
حتى بنات مطقلات تزوجن شباب لم يسبق لهم الزواج
وخبرك عتيق في سؤالهم
كان يا مكان في قديم الزمان
هذاك أول وزمان أول تحول أيام ما كانوا يسألون عنه
الحين أول سؤال يخطر في البال هي الوظيفه
أصبحت مجتمعاتك يا صريح ماديه تبحث عن المال وتترك مضمون الشخص

وإذا لم تصدق كلامي هذا فبالطقاق

عوافي على قلبك

[صـاحي و رايـق]

اقتباس:  المشاركة الأصلية كتبت بواسطة سفيرة الانسآنيهـ     لا اجد بعد هذا الكلام تعليق لي بهذا الموضوع عليك به ولا تهتم اللهم لاتحرم كل من اضاف هنا للاستهتار والضحك والشماته بهذا الشاب اللذي طرح مشكلتهـ ليجد حل بيننا وقابلهـ البعض بالقسوهـ والنكران اللهم لاتحرمهم حوبتهـ ..اللهم اشفهـ .. وابتليهم فقد قال عليه الصلاه والسلام فيما معنى الحديث لا تستهتر في اخيك فقد يشفيه الله ويبتليك وقد قال الله تعالي فيما معنى الايه(واذا جائكم فاسق بنباء فتبينو ) ماقال فكذبوه اذا لم تصدق فتأكد او اخرج عن الموضوع قل خير او اصمت

هلا فيك .. سفيرة الكلمه وقول الحق

أحترم رقي حرفك وكلماتك التي تعبر بـ إنك إنسانه أصلها طيب ومعدنها ذهب
وهذا المضمون من الناس هم مضرب المثل من حيث سمو أخلاقهم وعُلي مستواهم
من يتشمت بكلامي هنا .. هؤلاء لم تُصبهم عقوبة ربي بيوم من الأيام
لكن الله على كل شيء قدير وسيبتليهم بشر أعمالهم بسبب رقصهم على جراح الأخرين


بارك الله فيك
وكثر الله من أمثالك
لا حرمك أجر كلماتك
عوافي على قلبك

[صـاحي و رايـق]

اقتباس:  المشاركة الأصلية كتبت بواسطة قمر نجد     يؤ يؤ يؤ الله يكون بعونك ...... ويرزقك الزوجة الصالحة.... بس يمكن مثل ماقالوا الاخوان والاخوات يكون نفس...... طيب جرب اقرأ مرة ثانية عند الرقاة الثقة وان شاء الله تنحل امورك...

هلا فيك قمر نجد

اللهم آمين وعافاك الكريم الأكرم
لعلى البحث عن العلاج فيما تبقى من الأيام تأتي الحلول


عوافي على قلبك

[صـاحي و رايـق]

اقتباس:  المشاركة الأصلية كتبت بواسطة العباس الشنقيطي     أخي صاحي ورايق إن الألم يعصرني عصراً وقلبي قد تفقد من الكمد فلا حول ولاقوة الا بالله العلي العظيم ،من المفترض اخي الكريم ان تخبر اولياء امور زوجاتك السابقات بالامر وتذيع الخبر بينهم حتى لاتضيع بنات الناس بحملهم لقب مطلقات وانصحك بمراجعة عيادة نفسية لكي يكشفوا عليك فربما لديك عاهة نفسية منذ الصغر لاحول ولاقوة الا بالله لا حول ولاقوة الا بالله

هلا فيك العباس

لماذا تقول من المفترض
هذا واجب وعليك أن تبوح لولي الأمر عندما تتقدم إلى خطبة أبنته
وهذا ما جرى يالعباس
سوى الثاني أو الثالثه .. جرى أخبارهم بـ أني مطلق

عاهه نفسيه !!
وأيش هي هذه العاهه الله يعافيك ؟؟


عوافي على قلبك

[صـاحي و رايـق]

اقتباس:  المشاركة الأصلية كتبت بواسطة كاترينا     [align=center]خلاص لقيت الحل لك [/align][align=center] لا تتزوج واقعد عند اهلك وريح بــــــــــــــــــــــــــالك ليه الخساير وانت مو مستفيد راجع المسيار اللي سلكت معاها وخله لليوم الاسود,,,,,,,,[/align]

هلا فيك .. كاترينا

حلك رهيب وصعب على الغير أنه يحله مثلك
والمسيار حاطها للحاجه اللي أنت تخبرها
الزواج لابد منها حتى لو كُنت ضده


عوافي على قلبك

[صـاحي و رايـق]

اقتباس:  المشاركة الأصلية كتبت بواسطة وضوح     [align=center]لا أملكـ بعد هذا التفاعل الا الدعاء لكـ عن ظهر غيب ...![/align][align=center] رفع الله عنكـ ماأصابكـ .... تحيتي ،،[/align]

هلا فيك وضوح

بارك الله فيك
وجزاك الله خير


ما قصرتي الله يعافيك

[صـاحي و رايـق]

اقتباس:  المشاركة الأصلية كتبت بواسطة زمن الغرباء     الله يشفيك ويعافيك .. جرب تعرض مشكلتك على الشيخ عبدالله الخليفة او الشيخ يوسف الدوس وان شاء الله يساعدونك .. لكن اهم شي الرجاء بالله يكون كبير وتذكر اذا كنت ظلمت احد او هضمت حق احد حاول تستسمح منه .. لان دعوة المظلوم مستجابة .. الله يكتب لك الشفاء ..

هلا فيك .. زمن الغرباء

مشكور على حرصك وإهتمامك
وأن شاء الله سأحاول التواصل مع من ذكرتهم
ولعلي أسعى بيوم من الأيام لـ أحدهم أبحث لديه حلول تُفيدني بـ إذن الله

الظلم وارد وأحنا لا نعلم
الله يهدينا ويصلح سرائرُنا


بوركت أستاذ
وعوافي لك

[صـاحي و رايـق]

اقتباس:  المشاركة الأصلية كتبت بواسطة ذات     اخوي صاحي .... كرؤيه للردود ....جمعت شوي اسئله ....مدري يمكن صح تخميني او غلط ... اول شيء ... عندكم شوفه شرعيه والا ماتشوف الا ليلة الزواج ...يعني نظام حظك ونصيبك ..؟؟ ثاني شيء اذا كان زواج المسيار تم هل هو بعلم الاهل والا بينك وبينها ...يعني سكاتي ...؟؟؟؟ اذا مافي شوفه شرعيه ...فااتوقع لو بتتزوج مره ثانيه ..اطلب شوفه شرعيه وهذي سنه عن الرسول صلى الله عليه وسلم ولها حكمه ...في القبول او الرفض ... اذا زواج المسيار تم ومشت اموره طبيعيه ...وكان بغير علم احد معناته في احد اذا سمع بزواجك يتمناك فا يتعقد الموضوع عندك ... نصيحه ..خذ من برى المنطقه ...ولا احد يدري ..واجلس اربع شهور خمس ...سكاتي ...وشوف ..يمكن تتيسر امورك ...لمن تبعد عن المكان ...وتبني حياه جديده ... اذا كل الحلول ما نفعت ..ماعندك الا تلتجئ الى الله ....وتتوكل عليه مع جلسات نفسيه لدراسة التاريخ النفسي لديك ... والله يرزقك ويسهل عليك ...ويجي يوم تكتب لنا عن السعاده الزوجيه وتعزمنا على العرس ... هذا اجتهاد شخصي ...محمول على الصواب والخطاء ... تحياتي لك ...

هلا فيك ذات وحياك من جديد

أكيد فيه شوفيه شرعيه في كل زواجاتي
لو ما فيه شوفه كان أجلس عازب طول حياتي

زواح المسيار بيني وبينها سكاتي
حتى الجن مو عارفه أني تزوجت
لـ أني أدخل عليها وانا متنكر بشخصية شفاط النمل << عاد هذي من عندي من قوه أن ما فيه أحد يدري
بـ أمكاني أن أدوم وياها (( المسيار ))
لكن تبعد عن بريدة 160 كيلو
وطرحت عليها النقل إلى هنا
لكنها رفضت
وهذا ما خلاني أنفصل منها

فكرتك رائعه من حيث الزواج السكاتي (( سكتم بكتم ))
لكن خبرك عارف أن البنات خرارات (( ستر عنز ))
ولابد من تخبير أهلي ومن ضمن الأهل خواتي
يعني إذا وصل الخبر لـ أحد خواتي
فـ أن زواجي منشر وواصل صيته حتى قلايع وادرين

طريقة حلك رائعه بخليه أخر الحلول إذا لم أستفد من الحلول السابقه


أشغلناك يا ذات
بيض الله وجهك وأكثر الله من أمثالك
وكل عام وانتِ بخير

[صـاحي و رايـق]

اقتباس:  المشاركة الأصلية كتبت بواسطة علشانك بس     انت اذا فيك شي فهو يمكن عين من الاعضاء ,, راز صورة ابو نظارة سودا وكل من شافها انهبل ,, وطقوك عين قوية ,, حط عند باب المتصفح سطل موية ,, وخل الأعضاء كل من يمر يقرا فيه شوي ,, وان شاء الله بترجع مثل الحصان ,,

هلا فيك .. علشانك

والله إذا فيني عين فهي منك
أحس أن عينك قويه شرانيه طاغيه في نظراتها
حتى إذا شفت مسماك يجيني أهتزاز
وهذا اللي خلاني أخمن أني فيني بلاء أساسه أنتِ
ورزتي للي تقولين هذا شين
ما أحب أثير أو أفتن فتيات المنتدى .. تعرفين هذا وقت الكل قابل للإنحراف
أجل لو أنا منزل صورتي الحقيقيه .. وش رايح يجيني منكم يا شهبان ؟

بما أن معك نسخه من مفتاح باب المنتدى
ليتك والله تحطين السطل بدالي
مابي جهد أشيل سطاطيل مويه
ولك الأجر عشان أكون كـ الحصان الذي تريدينه



عوافي عليك