القضية حقيقية ( نساء لا يعجبهن العجب ) :(

[الماسة محتاسة]

اقول يانورة العطوي
هذا اكبر همك ؟؟؟؟!!!!
شكل الاعلامية الفاضلة مسوية حفل ولااعجب بعض الحريم
الحمد لله على العافية ......

[عازفة ألحان الليل]

مع احترامي للكاتبة ولك ياتوبي

ولكن هذه الظاهرة او السلوك متفشي في كل الجنسين وليس خاص بذات الأنثى



ثانك يو

[رواسي]

تلآقي الحسود والحقود وألي يحب النقد
أشين مآخلق ربي
لآ ذوق ولآ أنآقهـ ولآ جمآل
يمكن مآيحليهم إلآ جيبهم

سلآآآمي

[أسيل محمد]

احسن شيء تسوي الي يرضي ضميره والباقي بكيفه لانه لو بتناظر لها النوعيه بتتعب

[نبض الوريد]

[align=center]مرحبا بـ شيخ المنتدى

ياسيدي المرأه كتلة من المتناقضات ، تعيش الحدث بوقته وساعته وردة الفعل على طرف اللسان دائماً بسبب أو بدون سبب،،

يقول أحدهم طلعت بالأهل لمحل ملابس،، وبعد ساعات من التسوق شرت الزوجه فستان بما يقارب 400 ريال وكل شوي تقول الزوجه أنها مكسوفه عشانه بـ 400ريال ، الفستان عجبها بس ما ملأ عينها السعر ، يقول الزوج شريناه ، اليوم الثاني زارتها صديقتها قالت لها :هذا نفسه شفته على فلانه،،،وياليل ما اطولك،،،أجبرته يرجعه للمحل ،،،، بعد يومين دخل الزوج محل رخيص شاف فستان بـ145 ريال فقال لصاحب المحل ابشريه بس لو ما عجبهم برجعه، أخذه لزوجته ،وأول ما دخل البيت صار يشتم في حاله ويقول انا انجنيت، تخيلي شريت هذا الفستان بأكثر من 500ريال ابرجعه غالي ،لا والله غالي ، والزوجه تهوشه وتقول والله ما ترجعه ، أخذت الفستان وكان ودها تطير ،، وصارت تقول يالله والله انك ذوق،،أقتنعت فيه ولو عرفت انه بـ145 والله ما تلبسه،، خخخخخخخ المهم الزوج عمل نفسه زعلان وراح ينام ، يقول وعدت المناسبه على خير،،ووفرت على نفسي أكثر من نصف المبلغ،،

هكذا هم ،،ولهذا اقول بأنهم كتله من المتناقضات،،،

[align=justify]شخص آخر: يقول عندي مجلس روعه شريته بالشيء الفلاني وماصار له فتره ،،راحت الزوجه تزور أقارب فشافت مجلسهم مختلف ،،رجعت تهاوشني وتقول مانبي مجلسنا والله انه فشيله ولازم تغيره ،،يقول حاولت أقنعها هذا جديد ،،تقول لا هذا موضته قديمه ، لازم تبيعه وتشري لنا جديد لونه أخضر ،،يقول عجزت أقنعها فقال خلاص نبيعه ،،
أخذه لمحل وقال لهم ابيكم تلبسونه أخضر - خخخخ نفس المجلس،، رجع لزوجته قال خلاص تخلصنا منه ، وشريت مجلس جديد وغالي بعد خمس ايام بيجيني طلب خاص من الرياض،،، بس ياويلك لو طلبتي تغييره،،صارت تدعي له،،وبعد خمس ايام راح وجاب نفس المجلس بحلته الجديده أخضر ،،ولما شافته الزوجه أنجنت وصارت تدعي وتقول،،إي تسذا الرجال ولا بلاش ،، ياحظي فيك،،ذوقك يجنن!! لا ويقول جلست فوقه وقالت شوف المجلس الصح مشدود زين مو مثل الرمه اللي فشلنا قبل ///المهم قال ،،تري خسرت آلآف وياويلك ياسواد ليلك لو فتحتي فمك مره ثانيه بقصة المجلس ،،،عجب يارجب خخخخخ[/align]سلامي [/align]

[شميساوي]

[align=center]عالم النسوان عالم عجيب وغريب ....

فيه من الإختلاف والتناقض ما يشيب بالراس ...

تشوف الوحــدهـ منهن تدعي الدين والإلتزام ...

بس اذا صارت الدعوى حش بأحد الحريم تلقــاهـ أول من يعرمش معهم ...

اذا حضروا مناسبه تحصل كل همهن فلانه وش لابسه ,,, فلانه وش مسويه بشعرها

فلانه وش عليها من جزمات ,,,, فلانه ياحول ماجابت عيال ,,,, فلانه ياكبر بطنها ...

وأنواع الحش والسب ....

واذا قعدت معهن وقلت شئ بأحدخوياك قالن حرام عليك ,,, الغيبه حرام ...

شف أكثر من التناقض ...

أكيد ما شفت ولا راح تشوف ...


تشكرات أخوي توبي ... والله يصبرنا عليهن [/align]

[To Be]

اقتباس:  المشاركة الأصلية كتبت بواسطة شرقية الهوى     وهل هن متفرغات للحقد

اقتباس:  المشاركة الأصلية كتبت بواسطة شرقية الهوى     صغيرات العقول هن من يفعلن ذلك صدقتي شرقية الهوى لكن لي تعقيب على جزئية وفي المقدمة تقول سبحان الله

ســــــــــــبحانك يارب

لكن لا عليك مهما بلغ حجم ( الكثير ) فأنه لا يصل الي ( التعميم )



تحياتي لنقدك الجميل

[To Be]

اقتباس:  المشاركة الأصلية كتبت بواسطة وضوح     نعم أتفق معهم ... أرأيت اننا أفضل بكثير من غيرنا ممن يعارض اي امر ضد بني جنسه ولو كان حقيقة واضحة وضوح الشمس ..!!! / ليس على كل حال فقد يكون ما تدعون به يزول لكم بانه صابا وهو عن الحق بعيد كما ان جوابي هنا بخصوص ظاهرهـ بين النساء فقط.... وحالات معينه ومريضة اعتبرها .... دون تعميم !!! وكذلك نحن بعيدين عن التعميم ولكن نتعامل معن نسبة وتناسب قد تفوق احد النسب على الاخرى التجريح بينهن تفسيره ماذكرته ...(برأيي طبعاً).. تفسير كان رائعاً / أما عن تجريح النساء لأمور أخرى وجنس آخر رأيي فيه يختلف تماماً.... لأن الأسباب والمسببات تختلف ...!! وانا اوافقك !! / توبي ...لا بأس أن يكون الجواب شافياً مؤقتاً ... لأن التجريح بينهن مؤقت ومجرد تعبير عن شعورها في نفس اللحظه.. قد تكشف عن الحقيقة لكن بعد جرعات من( المسكنات) التي تتناولها بمرور الأيام ..! وكيف يتم اعطائهن تلك ( المسكنات) ؟ لذا لاتدقق...

بعيدين عن التدقيق

شكرا لعودتك الثرية

تحيتي لك

[To Be]

اقتباس:  المشاركة الأصلية كتبت بواسطة الورده النديّه     المشكله مايتطنز بالناس الا ارداهم !! وفيه ناس بصراحه يستاهلون النقد لأنهم هم اللي جنوا على انفسهم 0

حياك الرحمن الوردة الندية

صدقتي لا يتطنز في الناس الا اقلهم

وفي الضيافة لا اعتقد هناك جناية بقدر ماهي كرم ضيافة

تستحق التقدير

شكرا لحضورك الكريم

[To Be]

اقتباس:  المشاركة الأصلية كتبت بواسطة صاحيـ و رايـقـ     عنصر النساء مشكله بصراحه أن طلعت مشكله وأن جلست بالبيت مشكله هذي فطره فطرت عليها وليس لها حلول مهما قلنا وذكرنا وطبقنا طبعها الحسد النقد بصفة الذم النغاره الشر ووووووو ... إلخ , رأيي تجلس في بيتها وتنثبر ولا تطلع عشان ما تفشلنا صحيح جلستها في البيت مشكله لكن أقل بكثير من طلعتها وراح يكون سمننا في دقيننا وراح نتحمل مشاكلها اللي ما تنتهي , , , عوافي على قلبك

حرام عليك صاحي ورايق

وش هالحل النهائي لك ؟

اعتقد انك اخطأت في صيغة التعميم اولا

وكذلك في السجن المؤبد لهن


فمن الاجد رفع مستوى الوعي لديها وتقدير حجم اي عمل مقدم !!

وذلك عن طريق نقدها في الاعمال التي تقوم فيها بالبيت وعدم تقدير اعمالها حتى تحس فيما يحس فيه الاخرين عند تجريحهم

وعوافي على قلبك

[To Be]

اقتباس:  المشاركة الأصلية كتبت بواسطة الماسة محتاسة     اقول يانورة العطوي هذا اكبر همك ؟؟؟؟!!!! شكل الاعلامية الفاضلة مسوية حفل ولااعجب بعض الحريم الحمد لله على العافية ......

كل شئي وارد

شكرا لحضورك الماسة محتاسة

[To Be]

اقتباس:  المشاركة الأصلية كتبت بواسطة شمس الصباح     مع احترامي للكاتبة ولك ياتوبي ولكن هذه الظاهرة او السلوك متفشي في كل الجنسين وليس خاص بذات الأنثى ثانك يو

حياك الرحمن شمس الصباح

قد يكون ذلك

لكن حديثنا هنا مع ماجاءت به الاخت نورة

جل احترامي لك

[To Be]

اقتباس:  المشاركة الأصلية كتبت بواسطة فتاة نادرة     تلآقي الحسود والحقود وألي يحب النقد أشين مآخلق ربي لآ ذوق ولآ أنآقهـ ولآ جمآل يمكن مآيحليهم إلآ جيبهم سلآآآمي

بما انك من جنس النساء

سأجعل رأيك قاعدة لي في ذلك

شكرا لك

[To Be]

اقتباس:  المشاركة الأصلية كتبت بواسطة جندوانا     احسن شيء تسوي الي يرضي ضميره والباقي بكيفه لانه لو بتناظر لها النوعيه بتتعب

عين العقل
جندوانا
زيادة الوعي الثقافي لدى صاحبة المناسبة جزء مهم في حل المشكلة

شكرا لك جندوانا

[عازفة ألحان الليل]

اقتباس:  المشاركة الأصلية كتبت بواسطة to be     حياك الرحمن شمس الصباح قد يكون ذلك لكن حديثنا هنا مع ماجاءت به الاخت نورة جل احترامي لك

إذن ما جائت به ليس سوى تقديراتها او ربما حادثة مرت بها وأرادت ان

تكتبها بعد زمن من حدوثها

وهذا لا يعني إن كلامها او مقالها صحيح وهذا ما كنت اقوله في ردي

الاول ولو ان الكاتبة متحدثة عن سلوك النقد بشكل عام لكل

الجنسين من دون تحديد جنس عن جنس لكان مقالها اشمل واقرب للواقع واكثر استصاغة للقراء

وحياك ربي

,مع إحترامي وتقديري لك