وزن وقوافي ( لراغبي الإستشاره فقط ).

[حسين فرحان]

السلام عليكم ورحمة الله وبركاته

مشكور أخوي فهد على الفكره الممتازه اللتي لطالما بحثنا عنها

انا كتبت رد قبل شوي ومو عارف القاه ما ادري وين راح ههههه


بصراحه انا بالمنتديات مو زياده وما اعرف لها

وكتبت كم بيت من قصيده وحبيت انك تشوفهم وتعطيني رأيك علشان

استفيد واعدل فيها

يازين خذ روحي وحطها بيمناك . . . . واللي يعجبك فيني ياصاحبي سوّه

يفداك عمرٍ راح والجاي يفداك . . . . يا امل خفوقي ونوره وضوّه

جيتك أبي نورك حصلّت ظلماك . . . . وخدي من دموع المحاجر تكوّه

ماصدقت اني في دنيتي ألقاك . . . . وشلون يطريلك بسرك أتفوّه

يا متلفٍ روحي علمني وش جاك . . . . ترفق بروحي ماعاد بي مروّه

خليتني مابين ياسك ورجواك . . . . وحاربتني حرب العدو لعدوّه

وسلامتك

[فهد الطويان]

اقتباس:  المشاركة الأصلية كتبت بواسطة حسين فرحان     السلام عليكم ورحمة الله وبركاته مشكور أخوي فهد على الفكره الممتازه اللتي لطالما بحثنا عنها انا كتبت رد قبل شوي ومو عارف القاه ما ادري وين راح ههههه بصراحه انا بالمنتديات مو زياده وما اعرف لها وكتبت كم بيت من قصيده وحبيت انك تشوفهم وتعطيني رأيك علشان استفيد واعدل فيها يازين خذ روحي وحطها بيمناك . . . . واللي يعجبك فيني ياصاحبي سوّه يفداك عمرٍ راح والجاي يفداك . . . . يا امل خفوقي ونوره وضوّه جيتك أبي نورك حصلّت ظلماك . . . . وخدي من دموع المحاجر تكوّه ماصدقت اني في دنيتي ألقاك . . . . وشلون يطريلك بسرك أتفوّه يا متلفٍ روحي علمني وش جاك . . . . ترفق بروحي ماعاد بي مروّه خليتني مابين ياسك ورجواك . . . . وحاربتني حرب العدو لعدوّه وسلامتك

ــــــــــــــــــــــــــــــــــــــــــــــــــ ـــــــــــــــــــــــــــ

الأخ حسين فرحان.
.
حياك وحي إستفسارك ,
وآسف لتأخر الرد لظروف ثلاثة هي:
الإجازه.. والسفر.. وغيبة غالي..
بالنسبة للأبيات التي سألت عنها:
1: القافيه جيده وإلتزمت بقافية الصدر والعجز.
2: المعاني لابأٍس بها وتسلسلها جيد.
3: أما الوزن وهو من أهم ركائز كتابة القصيدة ::
. فقط البيت الأخير صدره وعجزه موزون بطريقة ممتازه ..
وصدر البيت الثاني موزون ‘إن كنت قصدك تقول ( يفداك عِمْر(ن) راح ).
وكذلك عجز البيت الثالث موزون..
رغم أن الهاء أظهر مايعرف بالشعر العسف لكلمة ( تكوه ) لأن القصدبالكلمة( تكواَّ..
.
وليتك ركزت على بقية الأبيات ولحنتهما ووزنتهما بطريقة البيت الأخير .
ولاأعرف كيف وزنت البيت الأخير وصدر البيت الثاني وعجز البيت الثالث ولم تتمكن من وزن بقية الأبيات...
.
فبقية الأبيات بحاجة لإعادة نظر بالوزن فمثلا وزن البيت الأول والثاني ممكن بهذه الطريقة وبطرق أخرى ..مع الإحتفاظ بالمعنى الذي تريده أنت::

يازين هاك الروح حطــَّه بيــمــناك** واللي تبي ياصاحبي فِيْ سوِّه
يفداك عمر ٍ(ن )راح والجاي يفداك ** أمل خـفـوقـي أنت نـوره وضوِّه
,
,
أخي العزيز:
أنت لديك ملكة شعرية تحتاج لتركيز فقط على العنصر الأٍساسي للقصيدة وهو الوزن وبعدها ستتمكن من كتابة القصيدة المكتملة(وزنا وقافية ومعاني)
تقبل خالص تقديري...