بنت البدائع لقراءة الرقية الشرعية .. والنفثه بـ 50

[بدرالوابلي]

[type=305589]موضوع أكثر من ممتاز وياليت كل البنات بعلمك وثقافتك ووعيك يابنت البدائع . [/type]

[بنت البدائع]

اقتباس:  المشاركة الأصلية كتبت بواسطة وضوح     [align=center]بنوته .. وظيفه حلوهـ مؤقتاً .. تسلي فيها !![/align][align=center] / اعتقد العلامات الأساسية التي تميز الراقي عن السحرهـ هي المعروفة والواضحه ..! أما عن غيرهـ من الناس ...فلا تختص بعلامة معينة او طريقة خاصة .. سبحان الله القراءة الصادقة ومن قلب نقيّ مخلص هي المؤثرة بإذن الله ولكن أين هي ..؟! لانجدها الا من احبابنا وأنفسنا فـ أين من يقتنع ..؟! أنا ضد الرقية خارج حدود الأهل ..! تحيتي ،،[/align]

وظيفة حلوة .. رأس مالها نفخه بقطرة موية
شرايك بوظفك معي ونتسلى سوا لين نتوظف
>>> بخلي شغلتك للي فيهم بسم الله شكلك أشجع مني

صدقتي قولاً .. فالمريض أكثر واحد يخلص لنفسه بالرقيه
فلماذا لايرقي الإنسان نفسه إذا كان يتوكل على الله حق التوكل ..

حيّاك وضووح ..

[نجمة سهيل]

[align=center]اللي نفثته بقروش لا يقرب ؟؟؟ ليس على الإطلاق

ليش مايقرب إذاكان السعر بحدود المعقول , لأن بعض المرضى يحتاج لشربة عسل مقري فيه ,للتدهن بالزيت مقري فيه
لشرب الماء الذي تمت القرأه فيه القرآن

ولاكن إذا كان السعر بحدود المعقول فلا مانع من ذلك لإن ليس كل الرقاة تجار لتوزع ببلاش
وليس كل من اتى معه عدته ليتم النفث بها
بالتالي يختصر العناء على المريض بدلا من ان يذهب ويشتري ما طلب منه وياتي بها للراقي ويتعب الراقي في النفث بها
ياخذه جاهز من عنده احسن

أما عن الذهاب للرقاة اعتقد ليس احداً ارحم على نفسك من نفسك فإذا لم تستطع فمن من أحب إليك

[/align]

[بنت البدائع]

اقتباس:  المشاركة الأصلية كتبت بواسطة to be     اللهم واشفي مرض المسلمين العافية زينه يا بنت العافية اسأل المولى ان يمتعنا واياك ووالدينا بلباس الصحة والعافية اما عن سؤالك فاعتقد من يخاف الله !! وتعرفين ذلك باجتنابه ما حرم الله شكرا لك

آمين .. والله يحفظك ويرعاك

نعم هولاء موجودون لكن قليلون والله المستعان
ومع طول الزمن تتغير الأحوال والفلوس تغير النفوس

حيّاك .,

[دِيم]

اقتباس: ( وليس القصد تجاوز بعض النماذج المُشرّفه منهم )

بالتأكيد
ولكن هناك فئة كبيرة يتاجرون بأمراض الناس وفي أحيان يتاجرون في أعراضهم
حمانا الله وإياكم

,
يقول الشيخ / العبيد بأنه يسعى أن يُعلم الناس أن يرقوا أنفسَهم بأنفسِهم
ليتنا نصل لهذا الوعي
تحيتي

[وضوح]

اقتباس:  المشاركة الأصلية كتبت بواسطة بنت البدائع     وظيفة حلوة .. رأس مالها نفخه بقطرة موية شرايك بوظفك معي ونتسلى سوا لين نتوظف >>> بخلي شغلتك للي فيهم بسم الله شكلك أشجع مني صدقتي قولاً .. فالمريض أكثر واحد يخلص لنفسه بالرقيه فلماذا لايرقي الإنسان نفسه إذا كان يتوكل على الله حق التوكل .. حيّاك وضووح ..

الله يخلي لي وظيفتي ...!

بسم الله عليّ الحين أقول لكـ الواحد يقرأ على نفسه

<< دليل على ايش...؟!!!

كوني قارئة جيدة واتركـِ وضوح اخاف

تطير الزباين منكـ ...!!

تحيتي،،

[بنت البدائع]

اقتباس:  المشاركة الأصلية كتبت بواسطة ريـم العبد الله     كلام لا يُعلى عليه .. طيب .. مُشكلتنا لا صار القريب عقرب ..! وهذا واقع أراه في من حولي .. استغلال وطمع وادعاء أنهم خير وهم شر لا خير فيه وصدقيني لا أقول هذا الحديث إلا بناء عن تجربة شخصية

ولتجنب المكر والإستغلال من قرايب وغيره الأفضل والصحيح
أن الواحد منا يستعين بالله ويرقي شخصه بالرقية المشروعه

حيّاك ريم ..

[بنت البدائع]

اقتباس:  المشاركة الأصلية كتبت بواسطة وضوح     [align=center]^^[/align][align=center] ياقلبي القريب المحب لكـ ِ وليس المخصص للقراءة على العائلة او بقية الناس..! العقرب لا ينفع للقراءة عليك ابحثي عن من يحمل لكـ العطف والاخلاص والحب والحنان واخص بذلكـ نفسكـ ثم والديكـ ثم اخوانكـ وهكذا .. اذا اجتمعوا مع القرآن الذي هو شفاء بإذن الله ... فللأمل كبير بالشفاء مع بذل الأسباب ... تحيتي،،[/align]

إضافه جديرة بالإهتمام

حيّاك وضووح ..

[بنت البدائع]

اقتباس:  المشاركة الأصلية كتبت بواسطة ريـم العبد الله     أها , فهمت الآن جُزيت الجنان أنتِ وابنة البدائع والبقية وكفانا وإياكم الأمراض

آمين -- وشكراً للتواجد ريم

حيّاك ..

[بنت البدائع]

اقتباس:  المشاركة الأصلية كتبت بواسطة قطوف     والله ماكثرمن الدجالين ومستغلين ظروف الناس و بحثهم عن العافيه باى ثمن الله يعافيناويااكم ولايحيجنا الالو جه الكريم اللى يطلب فلوس ابعدى عنه هههه<< فيه واحد قرى على مريض من اهلنا عندكم ببريده < يعنى باحد القرى يوم دارى انه مومن بريده وبيسافر قاله لاجيت باتسر جب الفلوس معك ههههههههههه خوش قراي لاوخذا عمله موسعوديه بعد المهم فلوس

قطوف اللي يطلب فلووس مقابل رُقيته للمريض مهضوومه
لكن من يطلب الفلووس تعويضاً للبنزين أثناء قدومه لبيت المريض
وش تقولين فيه !!!!!!!!!!
جد الثقه أصبحت معدومه إلا من رحم ربي ..
الله يشافي مريضكم ومرضى المسلمين !

ماشاء الله عليك تضبطين اللهجه القصمنجيه
حيّاك قطوف ..

[بنت البدائع]

اقتباس:  المشاركة الأصلية كتبت بواسطة منتهي علاجه     من عاش بالحيله مات بالقهر >>> بس المصفي قدام 00 ذكرتيين بسالفة شايب يبيع قدور وبعض الاواني المنزلية راعي بسطه بدون طياس والطياس مخليهن مع ولده واي واحد يشتري يقوله الزبون وين الطاسه يقوله شف الي بجنب راعي البسطه المسكيين تلاقي شي يركب على الي اخذة ويروح وياخذه بافلوس >>> عاد مخه نظيف لازم نصفقله على الحركه

لعنبوذا ياهالشايب

من جد شايب نصاااب
بس في قمة الذكاء

حيّاك منتهي علاجه ..

[مخاوي القايله]

احيانا تضطر الى هذا الامر ولاتستطيع ان ترقي نفسك..!

اما الاستغلال موجود وملاحظ اسال الله العفو والعافيه ولكن اتمنى ان يكونوا قله ..،

شاكر لك اختي بنت البدائع ،،

[بنت البدائع]

اقتباس:  المشاركة الأصلية كتبت بواسطة الورده النديّه     اكثرهم نصابين لا وعيونهم زايغه بعد انا مدري ليش يلمّس يد المرأه وكتوفها اثناء القراءه ؟ يمكن الجن يتركزون بهالمناطق !! اختي بنت البدائع اهم شي نية هذا القارئ بغض النظر عن علامات اسقامته في الشكل الخارجي دمتي 0

بل بعضهم يتعدى تلك المناطق على ذمة من قالت لي !!!
وبكل تأكيد العمل الصالح تتحدد قيمته بنيته الحسنه ..

حيّاك يالورده ..

[راصد جماعته]

اقتباس:  المشاركة الأصلية كتبت بواسطة بنت البدائع     السلام عليكم ورحمة الله وبركاته طرأ على بالي كتابة هذا الموضوع بعد ليلة الأمس عندما أغلقت سماعة الهاتف من صديقتي والتي كانت تحدثني عن حال والداتها " شافاها الله " ومرضى المسلمين أجمعين .. أخبرتني عن تجاربهم مع القُراء الممارسون للرقية الشرعية .. وقد اُجبرت على رؤيتهم وتعجبت من بعض تصرفاتهم !! في الأونة الأخيرة كثرت بيننا أبو فلان وأبو علان للقراءة الشرعية والعجيب إن رأيته لاترى فيه أي صفة تدل على أنه رجل راقي .. فالبعض رأى من عمله هذا إستغفالاً لبعض النساء والخلوة بهن وغيره وغيره ممن نرى ونسمع .. لن أبدأ حديثي عن حكم الرقية الشرعية ومشروعيتها .. فالجميع يدرك وجودها في الإسلام وقد ورد ذلك في الكثير من الأحاديث النبوية وهذه حقيقه لاتُنكر .. ولكن أردت أن أُشير إلى بعض سلبيات ممن هم يمارسون الرقية الشرعية .. ( وليس القصد تجاوز بعض النماذج المُشرّفه منهم ) إتخذوا هذا السبيل لإستغفال الناس بإسم الدين فمن سمح لهم بذلك !! فالكثير منهم حوّل هذه الشغله إلى تجارة رابحة بعد حفظه لآيات محدده وكل ماعليه هو الإعلان عن مكان تواجده عبر لوحة يعلقها على باب الإستراحه .. مايحصل الآن في بعض أماكن الرقية عبث كبير أيعقل أن تباع علبة المويه الصغيره والتي لايتعدى سعرها ريالين بـ 70 ريال وعلبة الزيت بـ 10 ريالات الى 100 ريال أين الخلل هنا ؟؟ يسعون إلى تصفير جيوب هؤلاء المرضى بغير وجه حق .. أصبحنا لانفرق بين الراقي والمُدّعي .. كي لايتشعب الموضوع سؤال : هل يوجد شروط وعلامات معينه نعرف بها الراقي من غيره ؟ وماهي !! ( اللهم أشفي جميع مرضى المسلمين ) و ( من توكل على الله فهو حسبه )

********************

اختي بنت البدائع ......... وانتي ليش زعلانه !!!!!!!! ؟؟؟؟؟؟؟؟؟؟؟؟

( هيك شعب بده هيك حكومه)

يعني بالله مجتمع وشعب متخلف ...... وش ترجين منه ؟؟؟؟؟؟؟؟؟؟؟

تذكرين (طاش ما طاش) لما جاب سيرة هؤلا النصابين والدجالين ..... وش حنا

سوينا ؟؟؟؟؟؟؟؟؟؟ صار ولد القصبي علماني ابن علماني وضد الدين وبعضنا اخرجه

من ملة الاسلام .

اختي بنت البدائع خذيها قاعده براسك

(كل تربه تنبت بها النباتات المناسبه لتلك التربه ولا يمكن تنبت بها نباتات اخرى)

كل مجتمع *تنبت* فيه الاوهام والخزعبلات ويظهر فيه الدجالين والمشعوذين

المناسبين له .... تماما مثل التربه)

تحياتي

[الــــــــهرم]

موضوع في غاية الاهمية عزيزتي

افضل القراءات قراءة المرء على نفسة

بشرط الإيقان بإن القران شفاء

قيل ان عمر بن الخطاب اتى الية يهودي ليقراء علية

فقراء
(خذوة فغلوة ثم الجحيم صلوة )

فشُفي اليهودي
قال عمر ايقن لعنة الله