[align=right]
الفتور في الحياة الزوجية شيء طبيعي .
والإنسان عندما يضجر لا يتذكر إلا اللحظات السيئة وتوهمه نفسه بأن شعوره هذا من بداية الزواج .
أقترح أن يغيب عنها لفترة ، لتتجدد المشاعر ..
الارتباط بثانية غالبًا هو مصيبة وليس حل ، ولا أتحدث عن الحكم الشرعي بل عن تصرفات ذكورنا !
وإذا مارتاح لزوجته الثانية رغم إنها خلوقة و...و..
وش بيسوي ؟
يتزوج ثالثة !!
سبحان الله رازقه الله الخلق الحسن والولد والحين فطن إنه مايحبها
ياصبر الأرض على بعض الرجال !
اقتباس:
تبي تحط العيــــب على الرجـــــــــل بـ كل شئ ,,,, وكأنهــــا نازلـــه من السمـــاء ...
وهذا الواقع ولا احنا مانبيه !
يخوي في ذمتك شوف الدنيا حولك ..
الولد يغازل والأهل عادي مصيره يعقل ويترك هالحركات ، البنت المسكينة مايتذكرون الشرف والقبيلة وسوالف الجاهلية إلا معها !
الولد إذا طفش من حياته وبغى يستقر يختار البنت اللي يبيها من العائلة اللي يرضاها .. البنت مسكينة مالها إلا النصيب وغصب ترضى به !
إذا تزوج يصارخ .. يهزئ يسب يشتم .. من حقه .. هو رجال البيت ..
يبيها تكشخ وترتب البيت وتهتم بالعيال وتصير رومانسية وتحشم أهله ، باختصار (آلة ) وفي المقابل هو مهمل وشين ويلوع الكبد وتصرفاته تذبح ومايقدر!!
المره لو ترفع صوتها حتى لو كان من غير رايها عطاها كف وتشكاها عند أهلها !
إذا عصب طلع بسيارته للي يبي وهي مالها إلا أربع جدران !
إذا لاعت كبده .. الطلاق أسهل مايشوف ويقعد يذلها ويعذبها بعيالها !
أتعببببببببب وأنا أعدد ..
وعمري حياتي ماشفت رجال يضحي ويتنازل !!
أو يتفاهم حتى !
تهون العشرة .. ويهونون العيال وكلش يهون !!
الرجال ظالم ظالم ظالم ( ويختلف حجم الظلم) .. واللي يقول غير الكلام هذا يلعب على نفسه ..
وألف تحية لقوانين المجتمع الغبية الفاشلة الجاهلية اللي تساعده على ظلمه .
بس ربك حي ومامات .. وللظالم يوم .
[/align]
العرض الشجري