الحرس الوطني في بريده متى ؟

[احاول]

اقتباس:  المشاركة الأصلية كتبت بواسطة (خيال الروح)     [align=center] المارينز وش زينلولك هذولا من خدمه الامن والامان في البلد الحرس الوطني الي تستهتر فيهم كانو رجال واشناب في الجبهه وقاتلوا واستشهد بعضهم وانت تلصق سماطات وجرايد على الدريشه خايف من الكيماوي يدخل عليكم ولا انك بظهر ابوك ما بعد ولدت ولاشاهدت الحادثه على شان تعرفهم زين اما قولك يفسدون با الديره!!!!!! انا ما ادري هل انت منزه ملك ولا بشر حاول انك تعرفني على شخصيك الفذه 100 شخص او200 شخص ثلاثه ارباعهم متزوج بل ونصفهم من اهل القصيم وتقول هذولا راح يفسدون في الديره عطني اثباتات او تصاريح انهم مفسدون العسكر الذين يسهرون لتنام اعينك انا عاشرت وتعلمنا من العساكرالقدماء معنى الرجوله وكسب اللقمه الحلال . اغلب العساكر من ملتحين وصالحين ولاكن لا انكر انهم يوجد قله قليله من الذين ابتلاهم الله ببعض المنكرات وهذي عموما في جميع اي دائره حكوميه او شركات او دائره عسكريه سؤال لك يا احاول ؟ هل مدينه القصيم مسجله بأسمك ؟؟!! [/align]

اللي أعرفه ان الحرس الوطني يتواجد دائماً في الخطوط الخلفية وليس على الجبهة ومشكلة اذا كنت من نفس الجهاز ولاتعرف الفرق بين عمل وزارة الدفاع والحرس الوطني
ثانيا انا كنت الصق سماطات لانك كنت مكلف غصباً عليك وبحسب عملك بحمايتي بدون منه واول مره اشوف عسكري يمن بعمله وكأنه تطوع منه او لا يتقاضى عليه أجر ومن صميم عمله في الوقت الذي كنت أقوم بعملي وبخدمة مواطني هذا البلد غصباً علي ولكن بدون منة
ثالثاً : خيال الروح بالله عليك أين تقع مدينة القصيم هذي ؟؟؟؟؟؟؟؟؟!
لاني اول مره اسمع فيها هي مدينه جديده عندنا وحنا مادرينا
رابعاً : واخيرا الحرس الوطني جهاز من أجهزة الدول قائم بعمله ويشكر عليه ولكن لا تنسب فضل غيرك لك
أما سمعة العسكريين فهم من الصقوها بهم ولذا لا تلومونا ولوموا أنفسكم ولا يعني ذلك خلوه من أهل الخير والصلاح ولكن الشر يعم والخير يخص