آخت خطيبي !

آلعمر : 19
آلحآله الإجتمآعيه : عزبآء


آلسلآم عليكم ..

انآ مخطوبه لولد عمتي .. وهو رجل وآلنعم فيه
فيه أغلب الصفآة اللي تتمنآهآ كل بنت , دين وأخلآق ووظيفه و معجب فيني شكلاً وخلقاً <من كلآم أمه وكم مره قآبلني باالصدفه في بيتهم وشآفني بدون غطآء ..

أمه قآلت لأمي آن فلآن يبغى فلآنه ( يعني يحجزونني لأن فيه 3 بنات أكبر مني , مآفيهم عيوب بس هم مآيبغون يتزوجون) ها الكلام قبل سنه بس آللحين كلمت أمه امي وقآلت انه يبغى يتزوج آلحين شوفي رآي البنت بعدين يصير الموضوع رسمي وفيه رجآل ( حنآ عآدي عندنآ يزوجون البنت سوآء فوقهآ اخت وحده وإلآ عشر وهذآ كثير بعايلتنا )
آلمهم آمي مقتنعه وتقول فلآن منآسب لك وإنتي مفصله له ..

بس المشكله أن أختي اللي أكبر مني تحبه ! وصآرحتني بهآ الشي !
من قبل لا يتكلمون أهله , وقآلت انهآ تحبه من يومهآ صغيره ..
وقآلت انهآ تتمنى تتزوجه ولو تزوجة غيره مرآح تنسآه و مستحيل تحب زوجهآ!
لكن من بعد ما سمعت أنه يبيني بدت تقول ترآني أمزح عليك انا مآ أحبه للحين انا اللحين ناسيته !
<- انا ماأصدقهآ لأنهآ تغيرت علينآ وصآرت مآتاكل وبس منعزله وما تهتم بنفسهآ وضعف مستوآهآ الدرآسي....

أنآ قلت لأمي اني ماأبيه و اصّـرت علي اني أصلي صلآة الإستخآره ..
استخرت ومرتآحه له !!
بس أنقهرت من نفسي و حسيت اني أنانيه !

كلمت اختي المتزوجه وسألتهآ قآلت : فلآنه لا تدخليهآ باالموضوع .. انتي عليك من نفسك وهذي قسمه ونصيب ! وفلآن مايناسبهآ أبداً ( تقول لأن أفكآرهم مختلفه وأعمآرهم بعد ولأن الولد أصلاً يبيك إنتي )
وتقول ان المشكله مو في انه اختك تحبه المشكله ان خوآته مو كويسين أبد واخته الكبيره عآدي لو تطلقك منه لأنهآ حقوده و تتدخل بكل شي يخصهآ أولآ وتنقل كلآم وتكرهنآ وتكره آمي وتغآر من أي إنسآنه أعلى منهآ !
تقول شوفيهآ السبب بطلاق اخت زوجهآ ! وسوت مشآكل كبيييره بين ام زوجهآ وخوآته !
وتحب أخوهآ بجنووون وتقول مآ جآبتهآ أمهآ أللي بتسرق قلب أخونآ عننآ .

<-- خوفتني أختي وبنفس الوقت حسيتهآ تبآلغ ! قلت لهآ : هي تعآمل الناس كيذآ لكن أحس معآملتهآ لأخوهآ وزوجته بتكون غير, أخوهآ يحبني وشآريني .. هي ممكن بتكون تحآول تتقبلني عشآن سعآدة أخوهآ ! وخآصه انو أخوهآ ذآ وحيدهم و تحبه مره
يعني أتوقع تجيني منهآ مشآكل لكن طلاق مو متوقعه ؟
ردة علي اختي : مسيكينه انتي تحسبين الناس طيبين مثلك ؟!


مدري وش أسوي ؟ هل أختي على حق ؟
إذآ فكرت بيني وبين نفسي أقول أمي أدرى بمصلحتي , وأنآ بتزوج الولد مو متزوجه أخته !!
وأحس أنه أهم شي تكون أمه طيبه وعآآآقله وهو أمه وأبوه كـلن يشهد لهم بخير ..
عمتي مثل مآقلت لكم وتحبني بقوه.. وفيه وحده من خوآته مره حبوووبه وعآقله مو كلهم مو كويسين ! مشكلة البنات الباقيات انهم يسمعون كلام أختهم الكبيره باالصح والخطأ ..لكن كلهم متزوجآت مآبآقي إلآ وحده ! ( البنت اللي لسآ مو متزوجه كبري ويوم كنآ صغآر كنآ دآيم هوشآت وتغآر مني كثير , ومرآت كثيره لمآ كبرنآ صآرحتني انهآ للحين تغآر مني )

ولمآ أتزوج رآح أسكن جمبهم مو معهم والبيت ملك ,
وهذآ اللي يريحني شوي ويخليني أفكر اني أوآفق .



أبغى رأيك ..
وعذراً إذآ مآكآن الموضوع مرتب أو كلآمي ملخبط :$

[احمد السعيد]

وعليكم السلام ورحمة الله وبركاته ...
ابنتي الكريمة أهلاً بك في منتدى الاستشارات الاجتماعية ، الزواج مشروع حياة وارتباط ، وفي اعتقادي أنك تستخيرين ربك وتطلبين أن يكتب لك مافيه الخير ، ومادام أن ابن عمك يملك هذه الصفات الطيبة ولديه الرغبة والميل إليك والموضوع له أكثر من السنة ، وقد ذكرت أنه لا إشكال في عائلتكم من زواج البنت الصغرى قبل الكبرى ، فرأيي أن تتوكلي على الله وتوافقين ..
ابنتي ماذكرتيه في موضوع اختك فالأمر قسمة ونصيب ولعل الله أن ييسر لأختك شاباً يعوضها خيراً ، وموضوع أخته وتصرفاتها فأنتي قادرة بعلاقاتك وتعاملك أن تتخطي مثل هذه العقبات ..

أتمنى أن تستمعي لشريط سنه أولى زواج د علي الشبيلي
وأوصيك بحضور دورة البداية الرشيدة لحياة سعيد والتي تقيمها جمعية أسرة ببريدة للمقبلين على الزواج من الرجال والنساء ..

يسر الله أمرك وبارك الله لك وبارك عليك وجمع بينكما في خير ..

يمكن التواصل مع برنامج استشارتي سر راحتي التابع لجمعية أسرة ببريدة

063233336

أو البريد الالكتروني

a063233336@hotmail.com