أهـــــــــــــنننننننن وسهـــننننن ...
طبعا كلنا ما نصدق متى يدق جرس الفسحة لكن كل واحد عنده طريقته اللي يقضي فيها الفسحة ......
نبدا أول شي مع البنات ::::
- تشوف شلة بنات داخلين الحمام .. اللي تعدل شعرها والثانية تعدل كحلها وكل وحدة منهم تسولف عن اللي سوتا في اخوها الصغير امس ..
- وفيه بنات يلبسون نظارات شمسية جديدة (توهم شارينها من أبو ريالين) يستعرضون فيها وإذا زلت بنت لا قدر الله وسألته عن ماركة النظارة تقول والله من كرستيان ديور أو شنل و تلاقونها أصلاً هي شارتنها من (بسطتهم اللي عدال الدكان )
- كل بنت تمشي وفمها كافي واذا عطيتها شبس تقولك : سوري .. انا مسوية ريجيم .. ( الله واكبر ) .. اول ماترجع البيت على طول الا وداقه على المطعم
- والبنات الاذكية ( اللي مهتماااااااااااات ) اول مايرن الجرس تشوفها داخلة غرفة المدرسات تبي الاستاذه تشرح لها الدرس اللي كانت هي متغيبه فيه
- وبعض البنات اتشوفهم متحذفين ورا اللوكر يحلون واجب الرياضيات اللي ماحلوه في البيت ..
- اما الاهم .. تشوف بعض البنات يستأذنون من الحصة قبل البريك بثلاث دقايق ويربعون للكانتين -يحجزون لهم مكان -واول مايرن الجرس الاكل كله مخلص مافيه الاعصير يتهاوشون البنات عليه واخرتها يطلع منتهي ......
و ألحين دور الشباب::::
- تحصل واحد منهم نايم طول الحصة واول مايرن الجرس يلعن اليوم اللي دخل فيه المدرسة ( لان حلمه انقطع بسببهم )
- واثنين من الشباب يتريون متى يروح المدير اللي استواله له واقف ساعة عند الصف واول مايتحرك خطوتين يشلون شلايلهم وينقزون من السور ويشردون من المدرسة ويمرون على كم محل في طريقهم وبعد نص ساعة يرجعون المدرسة ..
- وشلة تروح ورهـ المدرسة يدخنون لين ما يقولون بس و توهم مساكين يشفطونها الا واحد كشخة ساير يفتن عند المدير وما يوعون الا المدير حابسهم في غرفة الاحتجاز ويتصل بأهاليهم
- اما واحد تشوفه فارش غترته على الارض ويكمل النوم ( لان طول الليل مارقد يشوف فلم وجالس ع المسن والا يتضارب مع اخوانه إلا يلعب بليستيشن)
ودي لكم
دق جرس الفسحة...البنات والشباب ...
العرض العادي
