خطيبي دمر نفسيتي بماضيه

[شقرديه]

ضحكت اضحك الله سنونكم


شوفي بنيتي

انتي قريتي ردود بنت ربما ما بعد تزوجوا او مادري عنهن

لكن اسمعي مني وطيعي شوري

الماضي ماضي وانتي حرثتيه

انتي بعظمة لسانك تقولين انك طلبتي منه انكم تصيرون اصدقاء ولا بينكم اسرار

قعد يسولف عليك بقصصة ومغامراته

ويوم صرح لك بماااااضي انتهى ما تحملتي !!! دامك منتي قد كلمة صديقة لزوجك ليه تسحبين فيه !!

تدرين بنات الرجال كثيررر ومنهم :

وحدة مطوووعة تزوجت شاب اكتشفت انه يسكر

يعني هذي رد على اللي يحاجونك بالآية

المهم لما لقته هذا حاله وش سوت ؟؟

احسنت ثم احسنت ثم احسنت معاملته لأنها لقته يستجيب ويقدر لها هالشيء وتاخذه كل يوم وهو بين وبين وتمسكة قدام الغسالة وتوضيه للصلاة وتمسكة وتقرا وهو يرد وراها الين يصلي الفجر

صبرت عليه وجاهدت فيه وهو الآن إمام مسجد وياحظها بأجره

والقصص كثيررررر

هذا فيض من غيض كل ما شفتي عليه غلطه تحطمتي!!!

من هالحين الله يعينك ويعينه عليك مادري بتصبرين على الحياة الزوجية والا لا!!

عموما هذي ردود اعجبتني جدا :
عزيزتي...

اقتباس: خطيبك وقع (بخطأ) كبير جدا!!! واجزم بان ذلك من طيبته او ربما يريد ان يكون لك كتاب مفتوح لان (ماضيه) ملك له فقط و(لايحق ) لك محاسبته ابداااا اين انت من حديث الحبيب عليه الصلاه والسلام"كل ابن ادم خطاء وخير الخطائين التوابين" (أنت) ستقعين بنفس الخطأ وستدمرني حياتك معه؟؟ اذا فكرتي بالماضي ومثل مايقول المثل المعروف(الحكي بالماضي نقصان بالعقل) وماذا ستجنين بالتفكير بماضيه وان كان على قولك(أسود) وهل تتوقعين هناك رجل (بلا ماضي)!! قليل جدااا من هم بلا ماضي... لا تقحمي نفسك بعالم (التعب) خذي بنصيحتي من أخت محبه وناصحه فدعي شئان ماضيه والتفتي الى حياتك القادمه وخططي لها بروئيه ولا تنسي ابدا(الدعاء) بان يسخره الله لك ويجنبه الفواحش والفتن.. تقدمي واحتضنيه بدفء الحب والثقه وقفه/ انتبهي انتبهي انتبهي من ذكر ماضيه مستقبلا في نقاشاتكم انتبهي فبتصرفك ذلك ستدمرين حياتك.. اغمضي عينيك وتجاهلي وكوني مع الله حتما سيكون معك ولا تلتفتي لغير صوت الحب والثقه فيما بينكما وليكن ماحدثك به (بينكما) ولا تزعزي ثقه من حولك به وابدي صفحه بيضاء نتاجها باذن الله الذريه الصالحه ..دعواتي الصادقه بان يتم زواجك على خير ومحبه وهدى دمت برعايه الله

اقتباس: يابنت الحلال اغفري له وانسي الموضوع وعيني من الله خير ولاتسمعين كلام العوانس يبغون يخربون بيتك تزوجي وانبسطي ونسيه ابو ابو الي جاب الحريم باسلوبك وذوقك وانا واثق من قدراتك طيعيني يانور المنتدى والله يوفقك

اقتباس: لم يعترف الا لانة يحبك ! ............................ ماضي يارونا ماضي وانتهي

والا تدرين من هالحين كل واح\ عنده بنت ياخذ له ولد حموله يربيه هو عشان يتأكد من ماضيه !!

[أحب نفسي]

اقتباس:  المشاركة الأصلية كتبت بواسطة المتزن     هههههههههههههههه هالحين انت يقالك تدافع عنها ؟؟!! هذا مثل اللي يجي يفك بين اثنين ويقول لحداهم : يا رجال خلك انت العاقل <<< وراه يعني الثاني مهبول ؟؟!!

وأنت تسنك عمي صالح ,, يمووووووووووت ع الشرّ ,, وتفسير الكلمآت ,,, ولو يحصل له تسآن بدآ يصفق ويغنّي ,, هوووشة هوووشة هو هووو

[أحب نفسي]

طيّب رونآ وش صار عليتس .. ؟؟؟؟؟؟؟؟؟؟؟؟؟؟؟؟
زوجك ع أنه دلخ مع أحترآمي إلآ أنه سهل التعامل معه ,,
أتوقع لو تقولين له يآأبضآي ,, يذوب ويروح فيهآ ...


ربي يوفقك ويختار لك الصالح يااااااااااااااااااااااارب

[قرنااس الشمال]

[align=center]السلام عليكم ورحمة الله وبركاته


هلابك اختي

أول شي لو تبين نصيحة اخ لأخته راح أتكلم بكل صراحه واريحيه

هذا الأانسان فاهم الدنيا غلط مع أحترامي لشخصك الكريم فاهم الصراحه أن كل شي ينقال ....
عن نفسي ونصيحه أخويه أتركيه لأنه بجد مايفهم شي وعقله صغير مره...واحسه توه بزر يمكن عمره بين 19 الا 23 في عز مراهقته وفاهم أن كلامه صراحه..
لأنه بجد الي المفترض بيتزوج وبيكون أسره ينسى الماضي كله ويقول بسم الله الرحمن الرحيم ..حياتي أبتدة من اليوم وانا اليوم مولود للانسانه هذي والماضي أنتهى ...

أما لو حدث وجا كلام من برا فعمر كلام الناس مايكون كويس بكل حالاته ولا راح أسمح لأحد أنه يتدخل ويشوه صورة الانسان أو الانسانه الي اختاره القلب قبل العين ...


هذا رأيي أختي بكل اريحيه وصدق ....... وانتي أستخيري وربك يكتب الصالح لك ......والله راح يكتبلك أبن الحلال الي يصونك ويحفضك

اخوك بندر[/align]

[رونا]

شاكرة مروركم وجزاكم الله خير

تحيتي لكل من تفاعل مع موضوعي

[آآآآآآهات صامته]

هههههههههههههههه حرام والله شبيتو على الرجال ياناس هو صارحك عشان يبدا مع معك صفحه بيضا خايف لا بعد الزواج ينكشف المستور ويقول ياليت وغالبية شبابنا ايام المراهقه صفحاتهم رمادي واسود وعفا الله عما سلف الله يغفر للجميع اهم شي حاضره وحياته معك بعد الزواج انا من رايي ان كانت اخلاقه الحين ممتازه وصايم وصوام هذا اهم شي وانسي الماضي وعطيه فرصه

[المتزن]

اقتباس:  المشاركة الأصلية كتبت بواسطة أحب نفسي     وأنت تسنك عمي صالح ,, يمووووووووووت ع الشرّ ,, وتفسير الكلمآت ,,, ولو يحصل له تسآن بدآ يصفق ويغنّي ,, هوووشة هوووشة هو هووو

أجل سلملي على عمك صالح كثير السلام , وقل له يجي يتقهوى عندنا له يوم علشان نستفيد من بعض ونتبادل خبرات اللعانة

[الاخطبوط المرقط]

اقتباس:  المشاركة الأصلية كتبت بواسطة رونا     ايه هين لو انا الي قايلة كانت انقلبت الموازييين زمن غريب الرجل دايما هو الصح كانه ملاك مو بشر والسفينة ماراح تمشي الا براي رجل الي هو ابوي تطمئن مابتغرق دام فيها رجال يشوفون بعض ملائكة شاكرة مرورك

رونا يابنت الناس .. الرجل مايعيبه الا جيبه ولا تبي تغيرين سلوم القبايل
انا قلت رأي وانت حرة تبي تمشين عليه .. ولا تنسفينه في اليم نسفا
لكن يكون بعلمك ..
الاخطبوط داهية في التنبؤ ودراسة مسار القضية في المستقبل .. ولا ماتابعتي كاس العالم!!!
فتك بعافية يارورو

[Miss Tala]

على حسب ..يعني يفرق الماضي ...فيه اشياء صعب تتقبل ..
حتى لو ماعرفت منه وعرفت من غيره وكان شي كبير ماراح تتقبله ..
وانا ضد التصريح ...الله ستار على عبيده..واذا كان ذابحه الاخلاق والامانه كان ماسوا اللي سواا..

[النجم المضيء]

[align=center]اختي الفاضله رونا .. تفائلي بالخير وابدئي بالتغيير للافضل من فينا المعصوم لاكن ان كان زوجك ابتعد عن الامور السيئه يجب ان تنسي الماضي لانه لايفيد .. اختي بيدك ان تجعلينه عبدا صالحا من تعاملك باللين معه وان تتجنبين ذكر ماضيه حتى تعيشين حياتك بطمئنينه
اتمنى ان لكم حياه سعيده[/align]

[فديكا التميمي]

اقتباس:  المشاركة الأصلية كتبت بواسطة الاخطبوط المرقط     رونا يابنت الناس .. الرجل مايعيبه الا جيبه ولا تبي تغيرين سلوم القبايل انا قلت رأي وانت حرة تبي تمشين عليه .. ولا تنسفينه في اليم نسفا لكن يكون بعلمك .. الاخطبوط داهية في التنبؤ ودراسة مسار القضية في المستقبل .. ولا ماتابعتي كاس العالم!!! فتك بعافية يارورو

من قال؟؟ بالعكس الوحده تتمنى انه داج ولا يكون من هالنوع ...

[محب الفضيلة]

اقتباس:  المشاركة الأصلية كتبت بواسطة فديكا بريده     لايهمتس هالهرج المالغ...واتجهي لاخوتس...

حقيقة بمثلك نفاخر
أدام الله عليك حفظه وحفظ لك من تحبين
ووفقك لخيري الدارين

[محب الفضيلة]

رونا
أنت تعيشين مرحلة إقدام وإحجام ولذا تفرحين كثيراً بمن يشجعك ثم تترددين عندما يخوفك أحد الأعضاء

هنا ومن بين الردود ستجدين تباينا كثيراً بحجم فروقات توجهات وثقافات الأعضاء
تخيلي لو طرحت أحد العضوات طلب رأي الأعضاء في خطيب تقدم لها وهو مدخن
ستكون الردود متباينة فالعضو المدخن سيشجعها ويقول لها قد يكون أفضل من غيره وكذلك المتزوجات من مدخنين أو البنات اللاتي يعشن في بيت أهله يدخنون
بينما ستجد من بعض الأعضاء والعضوات من لا يشير عليها بذلك

أرجو أن تكون الرسالة وصلت

شخصياً لوعلمت أن خطيب أختي له علاقات سابقة لما رديته فقط بل لعنفته أن تجرأ أن يخطب أختي العفيفية الطاهرة

نعم ابن آدم خطاء لكن هذا الشاب مثل مايقول المثل العامي ( سارق ومعاه سراج ) ولو كان يريد التوبة لستر نفسه بستر الله ولذا شدد الرسول صلى الله عليه وسلم فقال ( كل أمتي معافى إلا المجاهرون ) فهاهو رسول الله صلى الله عليه وسلم يوجه لمثلك نصيحته أن المجاهر لا يعافى وهوالأقرب أن يستمر في غيه وسفاهاته

أختي لا تجعلي من نفسك مركز ابحاث فهي حياة طويلة وسيأتي اليوم الذي سيجبرك أن تعيدي ذلك التأريخ الأسود الذي علمتيه حتى وإن كانت زلة بسيطة

نعم قد يوجد متزوجون ومتزوجات لهم سوابق لكن الطرف الآخر لا يعلم ولذا لن يعيش كعيشتك
وإذا كنا سنحسن الظن لنقول إنه صريح فلماذا لا نحتاط لأنفسنا ونقول إنه سيروضك على مثل هذه الأشياء
ولماذا لا نقول إنه سيهزبك في رومانسيتك وعطائك فهو متشبع من غيرك ولماذا لا نقول إنه سيستخف بك ويخبرك في يوم ما أنه مرغوب من غيرك وأنه تفضل عليك وإلا فهو شخص الكل يتمناه

أنت الأن أمام خيار متأرجح حسب علمك فلماذا لا تتركيه إلى من هو أقل تأرجحا

وعليك بصلاة الاستخارة بصفاتها وسأنزلها موضوعاً مستقلاً
تحت عنوان استخرت الله أبتزوج

[محب الفضيلة]

اقتباس:  المشاركة الأصلية كتبت بواسطة رونا     هالرد كثير استوقفني بالرغم من قلة حروفه الا انه مادري ليش وقفت عنده شكرا

حكمي عقلي واتركي عاطفتك فالقرار مصيري

[رونا]

شاكرة مروركم