بريده واللقافه !!

[جمان البحر]

صح اللقافة كريهه .. وتكرهك بصاحبه لكن أحياناً له فوائد ..



واسألني أنا .. كم مرة يسألونن سؤال وأتوهق وأنا أسمع السؤال ماغير أفكر وشلون أبجاوب همن ما أدري الا وأحد متلقّف ومجاوب ..

بس تصدق اللقافة الي تلهدن هي لقافة الي يسألون من الشرافة الي بهم وأفرح لالقيت أحد يجاوب عن ..

يعني مرة وحدة تسألن وين تتسافرون بالعطلة ؟
السالفة مب سالفة جحادة لأن مردنا بنتكلم لارجعنا بس قبل لانسافر مانحب نتكلم لأننا مؤمنين بأنه ممكن يصير أي شيء ونهون فماله داعي الكلام قبل ..
المهم اني توهقت ماودي أتسذب همن لارجعنا درت وزعلت ..
وأشوى الي كانت معنا ردت عليه وقالت وش عليتس منهم , يسافرون وين مايبون ..
اومير ذيك يتغير وجهه وتهجد ..

ولا وحدة قاعدة قدامي وتسب بأمر ما يخصن ومادريت الا والي بجنبي يردن عليه ويهجدنه وبكذا أعفنن من الرد وتجميع الحتسي والانفعال


والمواقف كثيرة ..

يعني بالله هالملاقيف ذولا مايستاهلون اني أحب روسهم على لقافتهم ؟!