كاشيره ولاخادمه في البيوت....!!!

[بلزاك]

أفاااا
يالله إن الشكوى لك
هالحين ياخيتي الشعب مطفر ومصفر وداجين ماغير نسمع زيادة الميزانية وارتفاع البترول و.. و.. الخ
والأشياء الاعتيادية صارت تتحول لأحلام ..
السيارة .. التعليم .. الزواج .. الوظيفة .. السكن .. السفر ( للمذنب ).. كلها صارت أرقام من ضمن أحلامنا ..
تجين يالعالمية هنا وتفتحي نافذة لشق جيوب الشباب ..
من الأصل و ( المخباة ) صايرة منخل مايبقى فيها شيء فواتير وآجارات و..
وخبرك ربعنا مايبون شيء طال عمرك من أصل ( الترزز ) جبلة فينا الله يخلف ..
والدليل لما يسافر الواحد لبلاد ماوراء النهرين وتبتسم له وحدة يقول ( أبك الملعونة حبتني ) ثم يجلس يطارد وراها يبي يرقمها شغل محلي وكل شوي يلتفت يقول لاتصير الهيئة ورانا
وإذا أعطته وجه قام خرط لها النون وما يعلمون يبدأ من قوله رحمه الله ( أنا والله ابن شيوخ وولد عز وسياراتنا 30000 أرداهن بنوراما معطينها سواق الشغالة حقتنا )
وهي تبوسم لكشرته اللي لاضحك طلعت صفّة أسنان صفر منكسر الوسطي منهن لأن شاة من غنمهم رفسته يوم جاء يحلبها
ثم يخرط لها كل اللي بمخباته المروحة = ( الرائحة الشينة ) ويقول ( آآآه أبك والله إني حبيتك يالطخمة) وهي ترد عليه وتقول ( شو حبيبي شكلك مهضوم )
لعنبو إبليسك شلون مهضوم ومقعده متعرفط من كثر ما مسك خط مع الباص وريحة مروحة وحالته حالة وكله كوم وإذا لبس بنطلون وتي شيرت كوم ثاني تعالي شوفي التنسيق وفتحة الصدر توم كروز على غفلة أو براد بيت ..
أقول يالعالمية مايخفاك ذرابة ربعنا وما يعقبها من فشخرة وانتفاخ وفزعة ( طبعا لله ) خاصة لما يكون الطرف الآخر بنت مزيونة ومخصرة يزود إخلاصه
ومن كثر الإخلاص ماوده طال عمره إن هالكاشيرة تكون أقل وحدة مبيعات فيروح يتسلف ويظف لها 10 عربيات وينثرهن قدام الكاشيرة ماصدق إنه يوقف قدام حرمة وما يخاف من الهيئة
لذا من باب توفير جيوب الشباب فقط لا أكثر ولا أقل أرى عدم دخول الكاشيرات بأي حال من الأحوال ..
حتى نقضي على مصطلح ( الخقة ) من دون سبب والمنتشرة بين الشباب السعودي للأسف ..
لأنها مدعاة للفقر وفي النهاية يبي يستفيد كارفور وهايبر بندة والعثيم إذا لحقهم ..
أجل ماشفتي شلون يخرفن جيوب الشباب بشحن سوا وهو صوت شلون لاشافها قدامه

إيه شلونكم بس

[جبل السكر]

اتخيلو يابنات ماتروحوا لأي مكان
إلا ومعك المحرم
لو سوبر ماركت تحت بيتكم ايدك لازم تكون بإيد المحرم هه

بفهم العالم كيف عايشه

دحينا يخرج لنا واحد
من الناس يلي (تسمع) بدون فهم
وإدراك للمعنى
ويستدل
بالآيه الكريمه (وقرن في بيوتكن)

[العالميه]

اقتباس:  المشاركة الأصلية كتبت بواسطة جبل السكر     اتخيلو يابنات ماتروحوا لأي مكان إلا ومعك المحرم لو سوبر ماركت تحت بيتكم ايدك لازم تكون بإيد المحرم هه بفهم العالم كيف عايشه دحينا يخرج لنا واحد من الناس يلي (تسمع) بدون فهم وإدراك للمعنى ويستدل بالآيه الكريمه (وقرن في بيوتكن)

هلا وغلا بجبل السكر..
حتى المحرم يقول فكونا ...نترك أشغالنا
ونركض وراكم
أتصور تواجد المحرم في الأمور اللي تستدعي وجوده

شرفتيني ياست الكل

[العالميه]

اقتباس:  المشاركة الأصلية كتبت بواسطة بلزاك

اقتباس: لذا من باب توفير جيوب الشباب فقط لا أكثر ولا أقل أرى عدم دخول الكاشيرات بأي حال من الأحوال .. حتى نقضي على مصطلح ( الخقة ) من دون سبب والمنتشرة بين الشباب السعودي للأسف .. لأنها مدعاة للفقر وفي النهاية يبي يستفيد كارفور وهايبر بندة والعثيم إذا لحقهم .. أجل ماشفتي شلون يخرفن جيوب الشباب بشحن سوا وهو صوت شلون لاشافها قدامه

هلا بلزاك
واااي كل هالشيء يبي يصير وربي مسكت رأسي...
مشكلة(الخقه) أتصور فتره في البدايه بس يعني ماراااح تطول
ماأشوفهم بالمستوصفات أو المستشفيات يجيون يعالجون ومافيهم شيء
علشان يشوفون (موظفات الإستقبال)تركوا هالشيء من زمان
ونفس الشيء راااح يكون مع الكاشيرات في البدايه إستعراض وخقه
بعدين خلااااص ...
( شعبنا شعب العجه والطفه)
حياك وتواجدك شرفني