صبولي الفنجال وارهولي من الدله *** البن الأشقر يداوي الكيف فنجاله

[قـتـالـه]

اقتباس:  المشاركة الأصلية كتبت بواسطة التنين الصيني     بالنسبة لي ... افضل قهوة " ام حبال " ....مع هيل هندي ..... الهيل الأمريكي يعطي نكهة " فقس " هههه ..................................... الملقمه الهاجرة " مثل ما قالت قتاله " لازم تطبخ به قهوة وتكبه عشان تزبط ......[/center] سي يو ...

اذا التنين الصيني وهو تنين عارف قواعد القهوه الصاحيه
تعلمن ياامهات قناصيع يقولكن ام حبال الزينه مب ام الخير
اللي حباته تقل صتم !
مزيداً من احراج النسوه لعلنا نهنأ بفنجال يعدل الراس !

[انتظرتك]

اقتباس:  المشاركة الأصلية كتبت بواسطة جلوي الشقير     القهوه كيف وخلف يوم يقول البن الأشقر ما اخطأ مهوب خرابيط هالوقت قهوه بالخلطه وقهوه بريه ومادري وشو لا اعتقد ان الزمزيه تؤثر على طعم ومذاق القهوه لكن الشكل والصبه تختلف بينها وبين الدلة

جلوي الشقير


مو خرابيط قصدك مطاريس هالوقت
وإلا ماخبرنا أن الصفار يحط مع القهوة !!!!


ربما إختلاف الزمزميات وجودتها له شأن في ذلك ,,

[انتظرتك]

اقتباس:  المشاركة الأصلية كتبت بواسطة قـتـالـه     الصبايا يبن من يثبرهن ويعلمهن السنع ! عرف سوا القهوه والشاهي مو لكبير او صغير هو تعويد ..لاحظ نساء بعض البيوت ماتروى من قهوتهن لان امهن سنعه والعكس ! عند البعض ولأني ادري بمستوى قهوتهم اصير ودي ربي بذيك اللحظه يقلبن مصريه علشان يشربوني أزوزه واسلم من مصاويل قهاويهم!

ياقتاله
المشكلة أن كثير من الناس
يستهينون بالقهوة والشاي وكنها سلق بيض !
حتى حمس القهوة له فن وأصول
كثير منهم مايعرف كيف يحمسها
يشتريها ابوهم ويمر بها على أقرب محل
ويحمسها له ويجيبها يركض ....

[عذبـــــة]

اقتباس:  المشاركة الأصلية كتبت بواسطة انتظرتك     عذبه هنا ! الحمد لله على السلامه قتاله امسكي لك دله وقهويها ... هذا ما اخشاه أن تقتحم القهوة التركية والفرنسية والكابتشينو البيوت فتقدم بدلاً من قهوتنا !! فتخيلي صينية مملوءة بالأكواب تُساق على الضيوف ! ومالعب بحسبة العادات إلا الحريم الله يكفينا شر تاليها ..

الله يسلمك
اي مابي يقهويني الا قتالة تخبرها راعية فن وكيف بالقهوة
والله بإجتماعاتنا مثل مالزمزميات القهوة نصيب .. ايضا لزمزميات الكابوتشينو والموكا والقهوة التركية نصيب .. بس انهن مو بأكواب .. نحطها بزمزميات لأن الكووب الواحد مايكفي راعيات طويلة .. ويكون مع البيالات والفناجيل أكواب قهوة
الزبدة .. الحين ماتفرق بين القهوة الأصيلة الأولية وبين مطاريس الكبت شينو على اسم واحد من الأعضاء هنا .

[انتظرتك]

اقتباس:  المشاركة الأصلية كتبت بواسطة التنين الصيني     اللي اعرف .... ان الفناجيل ثلاثة 1- للراس 2- عن العماس " النوم " 3- مع الناس لاباس ......................................... بالنسبة للزمزميات .... ما تغير القهوة ولا طعمة الا اذا فتحت ودخلها الهوا ..... اكره ما اشوف الخلطات ..... بالنسبة لي ... افضل قهوة " ام حبال " ....مع هيل هندي ..... الهيل الأمريكي يعطي نكهة " فقس " هههه ..................................... الملقمه الهاجرة " مثل ما قالت قتاله " لازم تطبخ به قهوة وتكبه عشان تزبط ......[/center] سي يو ...

التنين الصيني


الأقاويل كثيرة ...

والخلطات أصبحت عالم من لا عالم له
حتى أن بعض بائعات الخلطات
تركن أعمالهن الأخرى واكتفين بربح الخلطات ...!

ومابعد ام حبال شي ,,

[محارهـ]

اقتباس:  المشاركة الأصلية كتبت بواسطة انتظرتك     يتجرأ ويقدم القهوة بـ ( زمزميه ) بدلاً من الدلة ...؟ والشكولاته بدلاً عن التمر ...؟

مرحباً ..


, ,


حلوه يتجرأ , حسيت انه فيه أحد راح يقدم مشروبات روحيه بدلة


شوف ..

الليدي زمزميه حلت بديل عن الشيخه دله لأسباب منها


الليدي زمزميه عصريه وتناسب حياتنا العصريه أكثر

حياتنا تغير الأيقاع فيها

والشيخه دله ماتقدر تواكب هذا الأيقاع

لانها لا تستطيع أن تحتفظ بحرارة القهوة لمدة طويله مثل الليدي

زمزميه وتحتاج الى {حال ومحتول } عشان تظل الرشفه ساخنه


, ,


أعشق الجلسه العائليه في المغربيه

حوالين صينيه

فيها دله أو زمزميه

وصحن حلى وتمره سكريه

ولكن

العشق الحقيقي عندما تكون القهوة

قهوة غنيه أجتماعياً وحتى وان كانت فقيره أقتصادياً

بمعنى

ليس مهماً نوع القهوة وجودتها مقارنة بما تحدثه تلك القهوة

من تقارب عائلي وجلسه لاتمل خصوصاً اذا صنعتها

أيدي قد زاد حسنها عندما تجعدت وأرتسمت خطوط

ولادتي وتربيتي وحياتي عليها ( أمي )


, ,


مافائدة القهوة الغنيه أقتصادياً والفقيره أجتماعياً !

[انتظرتك]

اقتباس:  المشاركة الأصلية كتبت بواسطة قـتـالـه     مب ام الخير اللي حباته تقل صتم ! مزيداً من احراج النسوه لعلنا نهنأ بفنجال يعدل الراس !

انتي كنز مليء بالمعلومات والخبرات
ياليت تطلعين خبراتك للصبايا
علشان يستفيدن ...

[التنين الصيني]

اقتباس:  المشاركة الأصلية كتبت بواسطة قـتـالـه     اذا التنين الصيني وهو تنين عارف قواعد القهوه الصاحيه تعلمن ياامهات قناصيع يقولكن ام حبال الزينه مب ام الخير اللي حباته تقل صتم ! مزيداً من احراج النسوه لعلنا نهنأ بفنجال يعدل الراس !

هههههه ... وتراي احمسه بالنار اللي تطلع من خشتي !!!!

............................

المفروض انك تسوين لهن " برزنتاشن " كيف يصلحن قهوة

[التنين الصيني]

اقتباس:  المشاركة الأصلية كتبت بواسطة انتظرتك     التنين الصيني الأقاويل كثيرة ... والخلطات أصبحت عالم من لا عالم له حتى أن بعض بائعات الخلطات تركن أعمالهن الأخرى واكتفين بربح الخلطات ...! ومابعد ام حبال شي ,,

صدقت .. الاقاويل كثيرة

.............

يربحن من الخلطات بلاهن من هاللي يشرون على بالهم " الظلماوي"

[eivl girl]

[align=center]ياذي القهوه الي معطينها اكبر من حجمها
انا عندي رجال نكفه مايشربون الا من دله ياما حاولت اغريهم بالزمزميات وعجزت
صراع انا وهالقهوه مع اني من اول نظره لدنيا وانا اصلحه الا ان قهوتي للحين ماطابت لهم
ان خففت قالو ماء وان ثقلت قالو تجيب الضغط وان زينت شنفر قالو الهنديه وان زينت الهنديه قالو الخير وان صبيت شوي بالفنجال قالو امليه وان مليته قالو يقلل
تصدقون مره عندنا رجال رجعو الفناجيل يقولون يافناجيل السيف يامانبي القهوه
ترا راس مالتس قهوه ولولا الجالكسي ولا تسان للحين ببيت الطين[/align]

[نـور]

في ضل وجود السيارآت تستطيع التنقل على حصآن؟؟

لم تعد لدلآل معى آو ثقآفه هي شي من الترآث فقط

تخيل معي تذهب لمكآن ويضيفونك قهوه بدلآل لن تستسيغ بعد الفنجآل تكون بآردة وبعد مآيكتشف المضيف آن القهوه بآرده رآح يذهب بهآ للمطبخ بعدهآ يرجع لك بالقهوه مسخنه وهي به هيل<لك آن تتخيل طعمهآ
وأضف الى ذلك لن يكون هنآك سآلفه إلآ عند إذنك أبسخن القهوه عند إذنك أجيب إبريق الشآي

[تـولين]

ماشاء الله ياوحده من جيران أمي لاجت بتجينا

تتشرط تحطون القهوه بالدله ولامب جايه ماتحقر روحه؟ عادي تمون هماه بس تجي توسع صدر أميمتي

----

أنا مب راعية كيف ولا راعية قهوه عادي أجلس شهور ماذقت القهوه

بس ألاحظ فرق بطعم القهوه بين الدله والزمزميه

بالطبع العنقاء ألذ

وخصوصا لاصارن دلال النحاس القديمات عليهن طعم يسمرن الراس وانا مب راعية قهوه

[عذبـــــة]

اقتباس:  المشاركة الأصلية كتبت بواسطة قـتـالـه     اذا التنين الصيني وهو تنين عارف قواعد القهوه الصاحيه تعلمن ياامهات قناصيع يقولكن ام حبال الزينه مب ام الخير اللي حباته تقل صتم ! مزيداً من احراج النسوه لعلنا نهنأ بفنجال يعدل الراس !

ياخيتي فشلتينا
استعرضي خبراتك عندي في بروفايلي وانا اضمن لك تجمع البنات
لكن تعرضينها هنا وتفشليننا وتخلين اللي مايشتري يتفرج لا
كذا لايمكن نستفيد بين هالرجاجيل
خوذينا بمعزل عنهم واشرحي لنا القهوة اللي مثل الصتم والقهوة اللي مثل الطرطعان بكيفك .. بس هنا لا
والله قهر صرنا فرجة للي يسوى واللي مايسوى عشان قهوة

[قـتـالـه]

اقتباس:  المشاركة الأصلية كتبت بواسطة عذبـــــة     ياخيتي فشلتينا استعرضي خبراتك عندي في بروفايلي وانا اضمن لك تجمع البنات

وشو عقبوه استعرض عندهن خبراتي !
عقب (ماموعن) قولوني بقهوتهن اللي تقل طايحنبه قعره !
مابهن رجا وشوفة عينتس قهاوي الدوام لصبتلتس تحلفين ان قهوته مضاد من لون الصفار والعصفر اللي هي حاطه !
شوفي الشهبان الله لايضرهم يعرفون ام حبال والهيل الامريكي وطعم هجر الدلال وامهات قناصيع مشغلهن طعم هجر القلوب

[محمد الدحيم]

موضوع جميل الله يعطيك العافيه