تــم التهـكيـر

[الأسترليني]

^^^^

يا حبيلك انت يا نيوتن اقول بس وش صار على رفيقك احمد

[Miss Tala]

اقتباس:  المشاركة الأصلية كتبت بواسطة الأسترليني     مرحبا نجداوي صدقني قبل شوي انا و واحد من العيال نسولف عن هكر مجرم سوى معاه حركة يقول فتحت الماسن حقي عيا يفتح و توقعت فيه مشكلة بسيطة و رحت و فتحت الماسن الثاني و جالس اطقطق فيه و فجأة جتني اضافة ..!! قلت مرحبا قال اهلا معك فلان الفلاني قلت و النعم قال خذ هذا الايميل الظاهر تبعك و هذا الرقم السري يقول طلعت عيوني ..!! قلت وش القصة قال مهوب هذا ايميلك قلت إلا قال و عيا يفتح معك صح قلت ايه لكن توقعت المشكلة تقنية قال الايميل مسروق منك و خذ بعد هذا ايميل لك ثاني و هذا الرقم السري قلت وش دراك ان هذا لي قال يا ابن الحلال السالفة طويلة قلت والله ما تطلع الا انت معلمني ..!! قال يا ابن الحلال انا والله خبير بالتهكير لكن والله ما اقرب احد و كنت اعلم اخوي الصغير عن التهكير علشان ينتبه من حركات التهكير و تفاجئت انه داخل من جهازي و على برامج معينه و مخترق اجهزة ناس و ساحب اللي عندهم من ايميلات و صور ..!! قلت ايوه ..!! تدري انت هالحين اني بداخل جهازك ..!! قلت نعممممم قال جهازك ما فيه برامج حماية و مليان ثغرات فانصحك تشتري اجهزة حماية لانها تحمي بشكل 95% انتهى الحديث ...

طيب يااخي افيدونا ايش برامج الحمايه مثلا اللي المفروض احطها بجهازي مثلا ,,؟؟

[الأسترليني]

^^^^

والله ما اعرف بالبرامج لكن يقولون البرامج الجيدة عند جرير تباع

[نيوتن القبه]

اقتباس:  المشاركة الأصلية كتبت بواسطة الأسترليني     ^^^^ يا حبيلك انت يا نيوتن اقول بس وش صار على رفيقك احمد

مدري والله ياخي هالعجز هذولي شر منزل ( بعضهن )
والا كل عمر هالتنح أحمد يأخذ رأيي في النون وما يعلمون بس هالمرة مصروف جعله للساحي الماحي اللي مايخلي بقلبه شجرة خضراء
والله ياحنا وسيعين وجه نسولف بموضوع مشرف بس خل عنك لو هو غير نجداوي كان ماعتبنا عليه

[الأسترليني]

عز الله و النعم بنجداوي ..

اللي لا يقربك يا نيوتن ذاك و ذاك اللي راح عن هناك <<< ترا لا غيبة لمجهول

[زين نجد]

نجداوي موضوعك قيم ولكن..

صدقني مهما تسوي ومهما تحمي ( مع إنه لا يوجد برامج لحماية للهكر ) لا ينفعك بشيء.

آخر تهكير هو التهكير بالتشفير وياساتر..

عموماً ليس هناك طرق للحماية الا عدم وضع أي شيء في الجهاز وخاصةً ما يخص البنات من صور وغيرها.


أيضاً وضع لا صقة على الكام..

أمر آخر هو عدم فتح أي رابط وخاصةً من الأشخاص الذين لا تعرفهم فهناك أناس يضعون روابط على المسن

أو يرسلونها برسالة ثم يعلقون عليها أنه رابط للقرآن أو أي شيء فإذا تم فتحه تم تهكيره.


وإذا سرق الايميل ولم تستطع اعادته فغالباً يكون الجهاز كله مخترق..


ودي لك،،،

[عذبـــــة]

احس موضة التهكير صارت قديمة وصار كل من جابته امه صار يعرف يهكر
وغير هذا العالم تذهنوا ومو اي احد يلعب عليهم بفتح رابط مو معروف او غيره
وبرامج الحماية على أفى من يشيل كل واحد يقول للثاني انا أقوى منك
مايطيح بالفخ غالبا الا اللي ماله الا يومين طايح بالنت

[الأسترليني]

^^^^^^

الروابط و الصور موضة قديمة يا عذبة بالتهكير ..


هالحين يخترقون الجهاز بدون أن يفتح الضحية اية روابط او صور ..

لكن كما يبدو من مفهومي الخاص عن التهكير الجديد هو عندما يقوم الشخص بفتح اي موقع نتي تنطلق الى الجهاز كمية معلومات مثل صفحة المنتدى و المواضيع و الاعلانات ووووو الى ان تكون الصفحة كاملة كما تبدو للمتصفح العادي و في زحمة هذه المعلومات ربما تحتوي تلك المعلومات و البيانات عدد معين من ( الباتشات ) التي تكون نوافذ يدخل من عندها الهكرات على اجهزة الضحايا ..

يعني بالعربي ان لو يجي واحد ما عنده لا مسن و فيس بوك مجرد تصفح عادي ممكن يكون جهازه مخترق ..!!

و اذا كنت مخطئ ممكن احد يصحح لنا او يشرح لنا شرح اوفى ..

[نجداوي]

استرليني + نيوتن

حياكم الله والموضوع للجميع وشاكر تواجدكم

زين نجد

اقتباس: أيضاً وضع لا صقة على الكام..

فعـلا هالنقطه راحت عن بالي خآصه ان جميع الاب توبات تحتوي على كامات ملزمه بالجهاز

وكثير من الناس مايبي يكسرها او يفكها لان شكلها جمالي اولا وثانيا ممكن تستخدم باحد الاوقات

وفعلا التشفير شغال على طول الوقت وقليل يسلم من هالموضوع

وايضا ميسس تالا باعتقادها ان التشفير يكتشف من برامج الحمايه

للاسف مافي شي يكشف مثل ماذكر اخوي زين نجد

والي يبي الراحه والضمان يشتري جهازين

واحد للعب والثاني للخصوصيات التامه زي المسنجر الشخصي المضمون من ناحيه المتواجدين


وايضا اذا كان يدير موقع او منتدى للحفاظ على عدم قتل الانجازات

المتزن زين نجد شرفت .

[عذبـــــة]

والله يالعمدة لو كلامك يطلع صحيح كان 99% وتسعه من عشرة من اللي يفتحون نت أجهزتهم مهكرة
مااعتقد تصل الى هذا الحد !!
يعني حتى الدابة السليمة ينخلون جهازة نخل !
عز الله ماكدينا خير وراحت اجهزتنا وطي .. مع ان مافيها الا صور جرابيع وضبان وكناغر

[نجداوي]

اقتباس: احس موضة التهكير صارت قديمة وصار كل من جابته امه صار يعرف يهكر وغير هذا العالم تذهنوا ومو اي احد يلعب عليهم بفتح رابط مو معروف او غيره وبرامج الحماية على أفى من يشيل كل واحد يقول للثاني انا أقوى منك مايطيح بالفخ غالبا الا اللي ماله الا يومين طايح بالنت

هههههههههههههه

شكلك شابكه من جوال

عموما التهكير مو موضه لانه ملزم بالتقنيه ومثل ماقال الاسترليني الوضع ماله علاقه بالاستقبال فقط

انما ذكاء قاتل من قبل المهكرين وطريقه وصولهم ك الصفحات الملغمه وغيرها

ولاتنسين ان بعض المحترفين يهكرك عن طريق الاي بي

شرفتي ياخت عذبه .

[لعيون دودي]

نجداوي..

الهكر خفافيش الظلام..شراً طاااال البشر.. وان بدؤ للغير عمالقه الا ان الضعف يستوطنهم...
والفراغ قائدهم.. اهدافهم ابتزاز ية خاصة النساء أو انتقامية والاخر تحدي..

ابطالهم مراهقين وضعاف نفوس .. وظفوا امكانياتهم في غير محلها حتى اصبحوا افاعي بشرية وطاتهم اشد من فحيح الافاعي الحيوانية
نسأل الله السلامة منهم ومن شرهم..
دمت بود

[سَـاكنة القـلب]

طيب أخي الكريم ؛
شرايك باللي حاطه صورها في تجوري أبوها من الحرص ؛ وانسرق التجوري ؟!
صراحة أنا أقول الواحد يعيش حياته ويحط صوره وين ما يبي ..
واللي لازم يتغير ؛ قضية الفضيحة .. !
مو أي صوره يشوفونها الناس منتشرة ع النت ومألفة قصص لها يصدقونها !
احتمال كبير تكون مسروقة .. خصوصا إن المسألة ماعادها تهكير أجهزة وبس
إلا سرقة بيوت اللهم يا كافي ..

لكن على قولتك الواحد ما يستهين ويفعل الأسباب ..
الله يرضى عليك .. شكرا نجداوي .

[عذبـــــة]

اقتباس:  المشاركة الأصلية كتبت بواسطة نجد1وي     هههههههههههههه شكلك شابكه من جوال عموما التهكير مو موضه لانه ملزم بالتقنيه ومثل ماقال الاسترليني الوضع ماله علاقه بالاستقبال فقط انما ذكاء قاتل من قبل المهكرين وطريقه وصولهم ك الصفحات الملغمه وغيرها ولاتنسين ان بعض المحترفين يهكرك عن طريق الاي بي شرفتي ياخت عذبه .

واتسبدية لايكون طالع وجهي ترى مابقى الا كام الجوال اللي ماحطيت فيه شطرطون
الهكر مايتحارشون ابد .. على قولة المصريين امشي عدل يحتار عدوك فيك
بيدخلون للجهاز واذا مالقوا فيه الا منتدى بريدة ومنتدى حواء وماسنجر خربان بيطلعون عنه
وقبل مايطلعون بيصلحون الماسنجر من رحمتهم بي .. يدرون اني اباري الساس !

[نجداوي]

اقتباس:

اقتباس: نجداوي.. الهكر خفافيش الظلام..شراً طاااال البشر.. وان بدؤ للغير عمالقه الا ان الضعف يستوطنهم... والفراغ قائدهم.. اهدافهم ابتزاز ية خاصة النساء أو انتقامية والاخر تحدي.. ابطالهم مراهقين وضعاف نفوس .. وظفوا امكانياتهم في غير محلها حتى اصبحوا افاعي بشرية وطاتهم اشد من فحيح الافاعي الحيوانية نسأل الله السلامة منهم ومن شرهم.. دمت بود

هالجزئيه كان تنقص نص الموضوع وانتي اضفتيها ك تعريف لهم

فعلا فراغ قاتل ونفسيه مفروغه من الاخلاق والقيم

وليتها على التحدي والاختراق وضحكه وينتهي الوضع

بالعكس يوصل للاستفزاز ومحاوله كسر وضخ اوضاع بعض الضعفاء

شكرآ لتواجدك لعيون دودي

احترامي .

</b></i>