[ ثمـــــــــان بيـــوت يا أم بطنيـــــــــن !!! ]

[أحلى ابضايه]

اقتباس:  المشاركة الأصلية كتبت بواسطة قـتـالـه     دامنا اعتمدنا التنسبل مبدأ أياً كان المتنسبل .. فمطلعين قيمة الضيافه من عيونهم مطلعينها الله لايعوق ويحمدون ربهم مااخذنا حق الفتاشه من يحصلوه يقزقز دله بغداديه وهو يعلفج فطاير ويشرب نعناع

وه بس فديت السنع انا
يالبا السفاحين كلهم

عذبه بسرعه اسدحي وصف بيت قتاله
لابغينا نبرد تسبودنا باحد نكزه لمهم يخطب

[عذبـــــة]

اقتباس:  المشاركة الأصلية كتبت بواسطة أحلى ابضايه     عذبه بسرعه اسدحي وصف بيت قتاله لابغينا نبرد تسبودنا باحد نكزه لمهم يخطب

ترى قتلتل ارسلت لي تقول بلغيهم اني مااشتغل بلاش ورجااء خلوا الصداقة على جنب حنا في مجال عمل الآن

[عذبـــــة]

اقتباس:  المشاركة الأصلية كتبت بواسطة أحلى ابضايه     ياقتالة القتلى اللي ماتجوزون لهم تاخذون مقدم الضيافه وتطلعونه من عيونه هو وامه طيب واللي مايجوز لكم انتم وتنسبلون عنه وش تسوون به عسى ماهو يدفع حق البلع بعد ؟؟

بكل الحالتين ام القتاتيل تضمن حقها

[عذبـــــة]

اقتباس:  المشاركة الأصلية كتبت بواسطة قـتـالـه     حنا خواتي تسع واذا جا احد يشوف نصف كلنا تقل دلال بغداديه همن لشفنا تشابيه الام والاخت وساعاتهن وخلاقينهن ودهرتهن يانبدا نتناهبوه يانتصدد وندفدفوه على بعضنا ونتنسبل وحده وحده لين تصفى على امي لحالها بالمجلس تسولف عن امجاد اهلها بالشمال يوم كلشن يحتسي

طيب وان صادفت هالعريس صار نفس المواصفات المطلوبة بكتوف منهي اللي تبي تاخذه منكن !
وكيف تتفقن انه لوحده منكن قدام امه ؟
ولو ماجازلكن كلكن ماتظفن الضيافة على دريكن وانتن متنسبلات ؟؟

[كــفـايــة]

اقتباس: هذي طريقة الشوفه عندنا .. عاد مادري عنكم بكندا وش طريقة الشوفه عندكم ..

وش قصدك ان جلوي من اليونااان


اجل المنتدى جايب مدير محترف

[عـــــســـــولــي]

طيب ليش تسمينها (أم بطنين) ؟؟ ماتنلام أم بطنين تدور لولدها الزينه والحلوه لكن الجود من الموجود ولا لقت إلا كسر وشينات .
هذا إعتراف منكن إنكن تهايطن بهالمنتديات وصور رمزيه تخقق وخلف هالمعرفات ولبات يوحشن (ياتلقاها عصلى مصلى تقل مسطره أو تلقاها مثل الدبابه الروسيه هرشة توحش ) والوجه كشبار .
ويلومون عسولي إذا قال (تؤبر البي ) فديتها وفديت خفة دمها وجمالها وبياضها ونعومتها.
أقول عسى الله يرزقتس ياريا ومعتس سكينه بليلة وحده ويجبر عزى اللي يبي ياخذكن.

[قـتـالـه]

اقتباس:  المشاركة الأصلية كتبت بواسطة عـــــســـــولــي     طيب ليش تسمينها (أم بطنين) ؟؟ ماتنلام أم بطنين تدور لولدها الزينه والحلوه لكن الجود من الموجود ولا لقت إلا كسر وشينات . هذا إعتراف منكن إنكن تهايطن بهالمنتديات وصور رمزيه تخقق وخلف هالمعرفات ولبات يوحشن (ياتلقاها عصلى مصلى تقل مسطره أو تلقاها مثل الدبابه الروسيه هرشة توحش ) والوجه كشبار . ويلومون عسولي إذا قال (تؤبر البي ) فديتها وفديت خفة دمها وجمالها وبياضها ونعومتها. أقول عسى الله يرزقتس ياريا ومعتس سكينه بليلة وحده ويجبر عزى اللي يبي ياخذكن.

اعسيلان انت اخر واحد يحتسي بالمعرفات وانت مسمي روحك عسولي !
وانت اقرب مالك قار حار
مير انا عارفتنبه وحاطه اسمي الصدتزي لاني فعلاً قتالة لسان وروح ومظهر
انا وسكينه اقصد عذبه فعلاً بيصير عرسنا بليله وحده على كيس الوليد
بجزر المالديف ولاانت طابوه ماعلينا عايز مشافيح
ضيوفنا من طقة خاشقجي وصالح كامل والوليد آلبراهيم
يسمعون بوكالة تويوتا سماع
مو عسولي جل احلامه امتلاك دقسن

[عذبـــــة]

اقتباس:  المشاركة الأصلية كتبت بواسطة كــفـايــة     وش قصدك ان جلوي من اليونااان اجل المنتدى جايب مدير محترف

ماتشوف المنتدى ماشي زي الألف !
هذولا الكنديين ماعندهم ياماما ارحميني
لاتخاف عليه شوي شوي ويبدا يعرف اطباعنا

[جلوي العتيبي]

اقتباس: هذي طريقة الشوفه عندنا .. عاد مادري عنكم بكندا وش طريقة الشوفه عندكم ..

عنا بكندا الرجال مايقعد مع امه ويبلع في مثل هالمناسبه عندنا فنجال قهوه وجلسه محترمه مع الاب والاخ وتجي البنت تقدم اي شيء وبس .

توي افهم سبب نظرتك المتشائمه للرجال..تحسبينهم كلهم من هالعينات اللي تشوفين بالجزر المحيطه بكم في المالديف

[عاشق الخير]

اقتباس:المشاركة الأصلية كتبت بواسطة جلوي الشقير

عنا بكندا الرجال مايقعد مع امه ويبلع في مثل هالمناسبه عندنا فنجال قهوه وجلسه محترمه مع الاب والاخ وتجي البنت تقدم اي شيء وبس .



وانا لي سنين احسب نفسي قصمنجي من القصيم
وبالاخير طلعت كندي من كندا ..

يعني صرت كندي لان اهلي ما شاف زوجتي الا ببيتي ..

[عذبـــــة]

اقتباس:  المشاركة الأصلية كتبت بواسطة عاشق الخير     اقتباس:المشاركة الأصلية كتبت بواسطة جلوي الشقير عنا بكندا الرجال مايقعد مع امه ويبلع في مثل هالمناسبه عندنا فنجال قهوه وجلسه محترمه مع الاب والاخ وتجي البنت تقدم اي شيء وبس . وانا لي سنين احسب نفسي قصمنجي من القصيم وبالاخير طلعت كندي من كندا .. يعني صرت كندي لان اهلي ما شاف زوجتي الا ببيتي ..

والله يا أبو نورة خطير .. ظافن كل الخلق اللي بكندا وجايبهم لمنتداه

[سَـاكنة القـلب]

هذا غير الثمان بيوت اللي بتدخلهم مستقبلا !!
معروفين هالفئة .. ما يعجبهم العجب ولا صيام رجب ..
والمشكلة تلاقين ولدهم ما يستاهل هالشقا .. !
فرجاء بدل ما تحرجون بنت الناس وتكلفون على الأهل ؛ لا تتركون عرس ما تروحون له ؛ ومن جهة ثانية بتشوفون 700 بنت وعسى تعجبكم وحدة .. !

ماأدري ليش ذكرت الزوجة اللي كل صباح تشوف غسيل الجيران ملوث
وتتشمت فيهم عند زوجها .. وجاء يوم إلا الغسيل نظيف وقالت لزوجها مستغربه ..
قال الزوج أنا اللي صحيت بدري ونظفت زجاج نافذتنا .. !

يعني بجد ياليت من يقول للبنات اللي دارت عليهم ؛ إن المشكلة من عيونهم مو منكم .. !
ثمان بيوت يا الظالمة .. ؟!
يا ناس كلش إلا كسر الخواطر .. !
حطي بنتك مكان بنت الناس اللي جايه تشوفينها !!
واللي يقهر تلاقين الموكب الملكي كله جاي .. أم وخالة وأخت .. !!
وقسم بالله قلة ذوق وأدب .. !

وبالأخير يذمونها عند أخوهم لأنها أحلى وما يبون مرة أخوهم تصير أحلى منهم .. !

عمومًا .. من جد كلش إلا نفسية البنية ؛ وأتمنى من الأهل اللي تعرضوا لهالموقف يجيبونها للبنت بطريقة تبين إنها بالعكس مرغوبة كثير لكن التحليل الطبي ما ضبط ..
أو الولد عنده مشكلة .. إلخ ..

شكرا يا عذبة ..

[عذبـــــة]

اقتباس:  المشاركة الأصلية كتبت بواسطة جلوي الشقير     عنا بكندا الرجال مايقعد مع امه ويبلع في مثل هالمناسبه عندنا فنجال قهوه وجلسه محترمه مع الاب والاخ وتجي البنت تقدم اي شيء وبس . توي افهم سبب نظرتك المتشائمه للرجال..تحسبينهم كلهم من هالعينات اللي تشوفين بالجزر المحيطه بكم في المالديف

يامديرنا العزيز انتم بكندا عندكم فنجال وعلوم رجال
حنا هنا بالسعودية ماعندنا الا الدنفسه وكل شغلنا علوم حريم بحريم لين يصدر القرار من المجلس السامي اللي هو البنت ( جس نبض )
اذا وافقت يصير الكلام بفنجال وعلوم رجال .
انا حديثي هنا عن الشوفه وليست الخطبة .. والشوفة ياتكون تدخل البنت بشي تقدمه للعريس مع ابوها .. أو تدخل البنت على العريس وامه متعنقطة فيه تخاف يندفق عقله من الروعه
بعدين يجتمعون على البنية وعلى ضيافتها على فشوش
امنيتي يكون للشاب نصيب من التعب النفسي اللي تحس فيه اي بنت يحصل لها هالموقف .

[ندى بنت سليمان]

.
.
.

اقتباس: ياحيي كانها صادقة وتبي تضف كل البنات لعيالها ليتها تجي انا اضيفها على حسابي البلا باللي يجون يشوفون ويبلعون ويمسكون الباب

ما فهمتي شكلتس ودي أقولتس إنهم هونوا عن الكبيرة
و قالوا ميخالف ننتظر الكبيرة تروح عشان ناخذ الصغيرة

[عذبـــــة]

اقتباس:  المشاركة الأصلية كتبت بواسطة طوق من زهور     . . . ما فهمتي شكلتس ودي أقولتس إنهم هونوا عن الكبيرة و قالوا ميخالف ننتظر الكبيرة تروح عشان ناخذ الصغيرة

صدق لاقالو كل شي اهون من اللي اعظم منه
ودك تحطين لهم ضيافة من اكبر فندق بس لايشوفون البنت ويروحون يخلونها ولا ياخذون اختها اللي اصغر منها وهي عيونها طايرة
تلومون قتلتل يوم تقول بربط ام الولد بالنخلة واخذ حق الضيافة قبل لاتطلع من البيت !