[ ثمـــــــــان بيـــوت يا أم بطنيـــــــــن !!! ]

[عاشق الخير]

بما انك اقتبستي تدوينتك فأنا بقتبس تدوينتي عن ام بطنين

اقتباس:المشاركة الأصلية كتبت بواسطة عاشق الخير

عذبة

اقتباس:
اللي عنده تعليق على كلامي يتفضل في غرفة النقاش بدون شوشرة رجاااء لأن قتلتل خابرتها نايمة .

دام قتلتل نايمة وانا ما اعرف اتكلم بدون صجه ولجه بقول الله عندي هنا !!
ترى يمكن كلامي ما يعجب بعض الناس لكن هو الواقع والأفضل بكل الأحوال بنظري ..

هالحين اذا بغى الشاب يتزوج ..
وش دخل العائلة الكريمة برمتها بالبنت يروحون يشوفونها و يتمقلون ويبصبصون فيها ..
لا بعد اذا كانت البنت جميلة ومثقفة يطلعون فيها عيوب الدنيا على شأن ما تأخذ الجو عليهم
عساهم لجوهم اللي يرقشهم رقش ..
يا زين الحريم الفاهمات اللتي ترفض ان أحد غير الشاب يشوف بنته ..
هو اللي بيخطب والا هم !!

يمكن رأأيي ناتج عن شخصية أمي و طريقتها و رفضها المطلق بشوفة أهل البنت
لخواتي الا يوم العرس ان شاء الله ..

عاد أمي تحكي على لسانه وتقول حفظها الله
مره من المراريت جت وحده ومعها بناتها الثلاث لبيتنا وبعد ما تقهوو وتشهوو وت هبسوا من الخيرات ..
قالوا لأمي حنا جايين وطالبين القرب من فلانه لولدنا فلان ..
وودنا تزهمين بنتكم نشوفها ونجلس معها خخخخ
ومير تفقع امي وتبدى تشتش من الحرارة خخخ
قالت اذا صليتوا الفجر بكرا بقول لابو صالح-ابوي- ( الله يرحمه ) يشيل البنت
ويحطه بالصندوق بسوق الغنم والل يبيه يجي يتفرج ..

ومير يهجن الحريم من الخووف
وابشرك بعد اسبوع جاء الولد والحين عندهم صبيان وبنات ..

وووه بس يا اميمتي يا حصة العلي ليت كل الحريم مثلك ..

بس هالحين صايرات الأمهات مخفات و مخليات بناتهن تقل قطعه قماش معروضه بالسوووق
شايلات هم العرس و ما يبن بناتهن يعنسن وما يهمهن شعور بنياتهن من كثره هالحريم اللي يجن ويرمن من هالحلى و الاكل ويمشن ..

هذا والله أعلم