زعلان مع زوجته وتارك لها البيت ينام وحداني

[القلم الصريح]

اقتباس:  المشاركة الأصلية كتبت بواسطة ۩ ســٌـمــُـو ۩     مرحبا ،، حضور ابليس اللعين هو من كبر المشكلة ولا فيه دخان من دون نار يا اخي يعني اكيد انه غلط عليها بعدين عددت افضالها والا ماراح تعددها بدون سبب لو فيها بلا هي كان ماصنعت هذا اللي محسوب عليه اسم رجل ! قل لخويك اولا : يتعوذ من ابليس وهو رجال يقدر يتحكم بعقله عند عواطفه يعني هي تحكي بمشاعرها وعشان كذا جابت سيرة الطلاق تبي تهزه تبي تحرك شعوره لها ياحياتي .. ثانيا : قل له يجلس مع نفسه ويتذكر كل الاشياء الحلوه وينسى المشكله الاخيره ، وانا متأكده ان هالشي بيأثر عليه لان الحلو اكثر من المر اكيد .. ثالثا : خله يروح يدق عليها ويعتذر ترى والله الحريم حنينات يعني كلمه تراضيها .. ويروح للبيت اذا ناموا العيال وياخذها ياخذ فيها دوره بالسياره ويقولها ان غيابي هذا ماكنت مرخصك لكن اببعد عشان الامور تهدا شوي .. وانت راس المال وانت وش الدنيا بلاك .... الخ وخلك انت سبب اصلاح لعل الله يكتب لك الاجر ان شاء الله .. وترى التنازل للاحباب مب عيب بالعكس فخر واخلاص ، غير هذا ابليس حصل منفذ وهو فتح له الطريق .. مو كل ما طق عود بعود طلع وترك لها البيت ! خير ترى هذا زواج مب لعب دور ! ، يعني لو انه بوقتها راد عليها ومتناقشين ومنهي الموضوع احسن بكثير من الهجران ، وعموما ترى اذا قالت انا سويت وجبت مو معناه انها تذله ! لا !! يمكن خويك هذا ماقد قدرها يعني يشكرها ويبن لها ان اللي تسوي معه مو اي مره تسويه مع زوجها ! وماتنلام ابد اذا هو ياكل وينام ولا تسمع منه كلمه زينه اكيد تنفعل بس مشكلته مافهمها ! كل اللي تبي تقدير بس يالله كل اللي نقدر نقول الله يجمع شملهم وترجع المياه لمجاريها ان شاء الله .

ماخاب ظني فيك سمو ورايك طيب مره بس المشكله قلت له وقلت له وقلت له
ويرد علي ويقول لو رجعت خلاص بتذلني زود
مارجع الين تعتذر برسالة ولا مكالمة ولا انا بطريق وهي بطريق

ابي خطط مرسومة من وراه يعني اكلم اخوانها ولا اخوانه ولا صديقة لها ولا حدا خواتها
ومثل هذي الامور

[| ~ ســمــو ~ |]

اقتباس:  المشاركة الأصلية كتبت بواسطة القلم الصريح     ماخاب ظني فيك سمو ورايك طيب مره بس المشكله قلت له وقلت له وقلت له ويرد علي ويقول لو رجعت خلاص بتذلني زود مارجع الين تعتذر برسالة ولا مكالمة ولا انا بطريق وهي بطريق ابي خطط مرسومة من وراه يعني اكلم اخوانها ولا اخوانه ولا صديقة لها ولا حدا خواتها ومثل هذي الامور

لا قل له زي ماعندها ايجابيات اكيد عندها سلبيات ، والناس اشكال وانواع ومعادن

ليييييش يكبر راسه خلاص هو بهجرانه الفتره هذي يرجع يقول انه متضايق من كلامها وراح يكون درس لها ، واذا كررتها ( بدون سبب ) لكل حادث حديث ..

يعني يتوقع انه اذا طلقها وتزوج بيلقى ملاك يعني ؟! يطيح له بوحده تعلقه مع اذانه والله مب محصل نصها هاللي تكد عليه

الخطط المرسومه مالك الا تكلمه لين يقتنع لاننا حنا سمعنا منه هو ولا سمعنا منها ه يعني ماندري اذا خويك صادق والا لا
يمكنها ماتذله بس هو كذا مزاجي !!
ويمكنها ذلته لانه تكلم عليها او غلط على اهلها ..

يا اخي الصريح البيوت اسرار ، حتى خويك هذا ماتدري اذا هو عطاك العلم كامل والا لا !

،

وكانه صادق مايبي انها تجيب سيرة هالاشياء خله هو يقوم باللي عليه وهي تقوم باللي عليها ، وصلى الله وبارك

[القلم الصريح]

اقتباس:  المشاركة الأصلية كتبت بواسطة ۩ ســٌـمــُـو ۩     لا قل له زي ماعندها ايجابيات اكيد عندها سلبيات ، والناس اشكال وانواع ومعادن ليييييش يكبر راسه خلاص هو بهجرانه الفتره هذي يرجع يقول انه متضايق من كلامها وراح يكون درس لها ، واذا كررتها ( بدون سبب ) لكل حادث حديث .. يعني يتوقع انه اذا طلقها وتزوج بيلقى ملاك يعني ؟! يطيح له بوحده تعلقه مع اذانه والله مب محصل نصها هاللي تكد عليه الخطط المرسومه مالك الا تكلمه لين يقتنع لاننا حنا سمعنا منه هو ولا سمعنا منها ه يعني ماندري اذا خويك صادق والا لا يمكنها ماتذله بس هو كذا مزاجي !! ويمكنها ذلته لانه تكلم عليها او غلط على اهلها .. يا اخي الصريح البيوت اسرار ، حتى خويك هذا ماتدري اذا هو عطاك العلم كامل والا لا ! ، وكانه صادق مايبي انها تجيب سيرة هالاشياء خله هو يقوم باللي عليه وهي تقوم باللي عليها ، وصلى الله وبارك

نفس كلامك الاول ماتغير شيء بس الصياغة على العموم كلامك طيب والنعم فيك