تبقى السعودية سعودية .. والشامية شامية ...!!

[" TWIX "]

عذبــة ..

اقتباس: مت وانا اقولهن لا تلططن من هالخرابيط لأنه ماراح يفيدكن بشي ريجيمات وخلطات واكلات عشان يصيرن زينات بس ماش هذا جلدك ياخال لو سفته بخال مايعقلن ويهجدن ويعرفن ان هذي خلقة الله لهن لو يبتلن يعدلن ويبدلن مهب صايرات شاميات لازم تتحملون مابلاكم الله فيه وتتزوجونهن على بلاويهن وابد ان شاء الله انكم مأجورين وابد اذا وصلتو سن الخمس واربعين اتزوجوا شاميات سامحين لكم بس لاتخلونهن يعنسن مالهن الا الله ثم انتم تضفونهن الله يضف عنكم الشر

شوفي قولي لهن ..
حطن بالبريس أميه باردة .. إحنا مالنا إلا أنتن وأنتن مالكن إلا إحنا
مهما طهبلن وكتبنا كلها مجرد أماني وخيالات تطاردنا ولا جت الحقيقة تبقى
بنت الوطن هي الأكثر أخلاصا ووفاء وثقة ورغبة من غيرها
عندما أخرج عن حدود هذا البلد وأجد بنت بلادي أجد نكهتا تفوق النكهات
وجاذبيتها تتجاوز جاذبية نيوتن .
من يهايط هنا وهناك .. قولي لهم وليه لا طلعت برا ترك بنات سوريا ومصر والمغرب
وجلست تراكض وراي .. !!
أنتن علامة فارقة بين كل البنات .. يعني وفرن هالسرميك والأجباس والتعتيق وتفرغن
ومارسن حياتكن بكل ثقة وبعيدا عن الفاصوليا والكزبرة والكوسة..

[عذبـــــة]

اقتباس:  المشاركة الأصلية كتبت بواسطة ..twix..     عذبــة .. شوفي قولي لهن .. حطن بالبريس أميه باردة .. إحنا مالنا إلا أنتن وأنتن مالكن إلا إحنا مهما طهبلن وكتبنا كلها مجرد أماني وخيالات تطاردنا ولا جت الحقيقة تبقى بنت الوطن هي الأكثر أخلاصا ووفاء وثقة ورغبة من غيرها عندما أخرج عن حدود هذا البلد وأجد بنت بلادي أجد نكهتا تفوق النكهات وجاذبيتها تتجاوز جاذبية نيوتن . من يهايط هنا وهناك .. قولي لهم وليه لا طلعت برا ترك بنات سوريا ومصر والمغرب وجلست تراكض وراي .. !! أنتن علامة فارقة بين كل البنات .. يعني وفرن هالسرميك والأجباس والتعتيق وتفرغن ومارسن حياتكن بكل ثقة وبعيدا عن الفاصوليا والكزبرة والكوسة..

مايعرف لهم الا انا
شفتوا ؟ خليته يعترف لكم انهم مالهم غناة عنكم مهما سافروا وراحوا وجو ..
عاد هالاعتراف منه المفروض يعطيكن دافع نحو الأفضل
نطيتن به وكسرتن مجاديفه وهو يستفزكن يبيكن تعدلن وتصيرن حريم بلا هالخرابيط اللي تلططنهن
يالله عاد كل وحده تجي تستسمح منه ترى هالشاب الوسيم ابو سكسوكة له معارف وواصل .. يعني مايجي دور اليوم الا والخطاطيب عند الباب
بس بالدّور مانبي زحمات .. ولا خلنن انظمكن احسن .. اعرفكن مطافيق اذا جاء طاري العرس

[" TWIX "]

اقتباس:  المشاركة الأصلية كتبت بواسطة عذبـــــة     مايعرف لهم الا انا شفتوا ؟ خليته يعترف لكم انهم مالهم غناة عنكم مهما سافروا وراحوا وجو .. عاد هالاعتراف منه المفروض يعطيكن دافع نحو الأفضل نطيتن به وكسرتن مجاديفه وهو يستفزكن يبيكن تعدلن وتصيرن حريم بلا هالخرابيط اللي تلططنهن يالله عاد كل وحده تجي تستسمح منه ترى هالشاب الوسيم ابو سكسوكة له معارف وواصل .. يعني مايجي دور اليوم الا والخطاطيب عند الباب بس بالدّور مانبي زحمات .. ولا خلنن انظمكن احسن .. اعرفكن مطافيق اذا جاء طاري العرس

موافق أنا ..
بشرط ندخل مع الكشف الطبي كشف الجمال المزيف ...!!
لأن الحريم مثل السيارات المسمكرة ..
لما تكون السيارة مسمكرة ويجي شريطي يدفها بحلق حدا هالمساكين
يبتلش فيها ولا يبيعها إلا بعد ما يفقد 3 أرباع القيمة ..
كان اللي عندك كله مسمكر تراي أنسحب من الآن وأسكر مكتبي من صباح الله خير ..