مارأيكم بالمتزوجين اللي يسولفون بالمنتديات؟؟؟

[ابو ضــــرس]

السلام عليكم ورحمة الله وبركاته

صبحكم الله بالخير

ابخش بالموضوع دغرررري


دائما اشوف وتشوفون انتم في المنتديات ان الاولاد والبنات يتكلمون مع بعض عبر الردود او الخاص وربما يحصل بينهم كلام فيه من المزح الزايد والحنان والغزل شي ما


المهم هذا الشيء اغلب الاعضاء يسوونه سواء شباب او بنات بس دردشه وتسليه ووقت فراغ


اللي لفت نظري ان فيه بنات متزوجات وشباب متزوجين من المنتدى



وبعد زواجهم بمده يرجعون للمنتدى ويبدا الشاب المتزوج يسولف مع البنات

والبنت المتزوجه تسولف مع الشباب من خلال ماذكرت سابقا



احسس انه شيء خطا كبير جدآ



متزوجه وتكلم غير زوجها..عن طريق النت

ومتزوج ويكلم غير زوجته .. عن طريق النت

ادري البعض بيقول ماهي خيانه لان مابينهم الا دردشه وسوالف عاديه مو يحبون بعض




بسس ياترى لو زوج هالبنت عرف انها تكلم شباب ع النت بيرضى والا لا.؟



سؤالي للشباب..


اذا تزوجت ترضى زوجتك تتكلم مع شباب غيرك بالمنتديات. او النت عامه؟



وسؤالي للبنات


اذا انتي تزوجتي ترضين زوجك يكلم بنات بالمنتديات او النت عامة..؟










الصراحه الموضوع من زمااان وهو يدور براسي ولاكن للاسف لم تتاح لي الفرصه لكي اطرح الموضوع

فها انا اطرح الموضوع بين يديكم راجيا منكم المشاركه بردودكم وارائكم الصريحه والغير استفزازيه


والسلام عليكم ورحمة الله وبركاته

[ليلـ]

بس يوم اللي أتزوج أعلمك أن شاء الله

[هلاوين]

المتزوجين بشر من البشر لهم مالهم وعليهم ماعليهم


بالنسبة للرجل ما اخذ موافقه من زوجته علشان يدخل


والمرأة لو عندها رجل مادخلت


شكرا لك مجودي

[ابو ضــــرس]

اقتباس:  المشاركة الأصلية كتبت بواسطة هلاوين     والمرأة لو عندها رجل مادخلت شكرا لك مجودي

يعني بكلامك هذا سلمك ربي ان جميع المتزوجااات اللي يدخلن النت رجالهن ماهو رجال (( هذا حسب فهمي لكلامك ))

ارجو التوضيح اذا كنت مخطي

[مــشـآعـر خـــجولہ]

ان ششاء الله

اذا رزقني ربي الرجل الصصالح اقولك

بس وجهت نظري

عيب عيب عيب

تسسولف بموضوع اي بس علئ الخااص عيب

وقلت ادب

مشكور

[شـهـد]

والله اعتبر النت للفائده ياخي ونوعا ما للتسليه ورائي وجهات النظر
وكون ان زوجي يعرف اني اكلم شاب فلو انا متزوجه بكل تـآكيد راح يعرف وراح اخليه جنبي لما ارد كمان على المواضيع بس بشرط قبل لاارد على هالشاب استبق له كلمة ياخي حتى يقطع الشك باليقين ..والحمدلله اكيد بيكون زوجي واثق فيني وانا واثقه فيه اما الحياة الزوجيه الي تكون شك
وعدم ثقه فصدقني ماراح تمشي ...وهو بكل تاكيد راح يستفيد وياخذ معلومات عن طريق النت
تطور ثقافته وحتى لو كلم بنات بالردود انا عندي ثقه انه بيعاملني مثل ماعامله يعني بيرد عليهم
بيـآختي ...واجمل مافي النت المراقبه الذاتيه كل شخص يعرف مدى شخصيته ..ألخ
...وبعدين حنا إلى متى بنكون اشوي جاهلين ونعتبر النت وسيله للفراع وان الشاب يتعرف ويرسل بالخاص وغزل وحب واو انا احبك ؟؟؟؟ لا حنا شعب ناهض وناجح لزم نستفيد من النت بشكل مبااااااح ويرضي الله عز وجل .... ..الخ
لا والله للأستفاده وانا مستعده اني اترك زوجي يرد ع بنات بالمنتدى بس يكون رد يرضي رب العالمين
ويرضي حياتي الزوجيه ....وقبل هذا كما تدين تدآن يعني مدى المعامله الي ابعاملها لزوجي بيعاملني مثلها (مثال ) لو ماخليه يجلس جنبي ولا افتح الكمبيوتر وهو عندي ولا اخليه يطلع على
ايميلي وبريدي هو راح يسوي مثلي فعلشان كذا ابديت رائي
تقبل رائي ...
اشكرك ياخي .....ربي يعطيك العافيه والصحه ....

[فوشيا]

اقتباس: وسؤالي للبنات اذا انتي تزوجتي ترضين زوجك يكلم بنات بالمنتديات او النت عامة..؟

تختلف الاهداف والاسلوب في المنتديات

هناك من عنده ثقه بنفسه ولا يهمه ااقرأ وش يكتب ويتعامل بحترام مافيه مشكلة

نا شخصيا مستقبلا اذا انا واثقه فيه ماعندي مشكلة اما اذا خربط ياويله هههه

بذكر لك مثال
مثال اختي تدخل منتديات هي وزوجها واوقات يقرا وش تكتب وهي تقرا وش يكتب يعني فيه ثقه وعادي جدا الموضوع

اما اللي بيخربط هذا بيكون عنده الف طريقه وطريقه حتى لو حاولت تمنعه بيدخل محد يقدر يمنع احد الا الانسان ذاته

[ابو ضــــرس]

اقتباس:  المشاركة الأصلية كتبت بواسطة فوشيا     تختلف الاهداف والاسلوب في المنتديات هناك من عنده ثقه بنفسه ولا يهمه ااقرأ وش يكتب ويتعامل بحترام مافيه مشكلة نا شخصيا مستقبلا اذا انا واثقه فيه ماعندي مشكلة اما اذا خربط ياويله هههه بذكر لك مثال مثال اختي تدخل منتديات هي وزوجها واوقات يقرا وش تكتب وهي تقرا وش يكتب يعني فيه ثقه وعادي جدا الموضوع اما اللي بيخربط هذا بيكون عنده الف طريقه وطريقه حتى لو حاولت تمنعه بيدخل محد يقدر يمنع احد الا الانسان ذاته

طيب اليست الثقه المفرطه ربما تودي صاااحبها الى المهالك

والموضوع يخص على اللذين وثقوا فيهم ازواجهم وماصارواعلى قد الثقه
يعني خانوا ازواجهم بكثر الكلام مع الرجال وربما بالخضوع بالكلام وهذا مشاهد ماحد يقدر ينكره فكم من عضوه متزوجه ردوده فيها خضوح
والزوج ماهو صاااير عند زوجته 24 ساااعه

[دِيم]

اقتباس: احسس انه شيء خطا كبير جدآ

فعلاً خطأ كبير .. جـــداً ..


+

أكيد يبين المحترمة من غيرها ..
تحية لطرحك الغيور ..

,

[ابو ضــــرس]

اقتباس:  المشاركة الأصلية كتبت بواسطة دِيم     فعلاً خطأ كبير .. جـــداً .. + أكيد يبين المحترمة من غيرها .. تحية لطرحك الغيور .. ,

والله لم اطرح الموضوع الا عندما رايت خضوع بعض العضوااات في بعض الردود والممازحه مع بعض الاعضاء بل والضحك بل ومدح العضو بل تلقينه تدلله باسمه وتلقين هاذي العضوه متزوجه
والله قهر

[جراحة قلب]

من المفروض إنه لما يجلس الزوج أو الزوجه أمام النت يكون كل منهما بجانب الأخر ويشرف ع الردود


........

[ابو ضــــرس]

اقتباس:  المشاركة الأصلية كتبت بواسطة جراحة قلب     من المفروض إنه لما يجلس الزوج أو الزوجه أمام النت يكون كل منهما بجانب الأخر ويشرف ع الردود ........

اذا كان كذا لازم الزوج يجلس بجنب زوجته صار مافيه ثقه بينهم وربما يزود الامر بينهم تعنت وعناااد خاصه اذا رات الزوجه عدم ثقة زوجها فيها

ليش ماتقولين المفروض الزوجه تحترم الامانه التي في عاتقها وتكون قد الامانه وهو عدم خيااانة زوجها بالسواليف والخضوع بالكلام مع الاعضاء

[الاجعد]

ياأخي اي شي تسويه مع بنات غريبات
يجيك في بيتك.

[ابن المجمعه]

الزواج لايمنع الدخول والمشاركات الايجابيه في المنتديات


تقبلي مروري

[ابو ضــــرس]

اقتباس:  المشاركة الأصلية كتبت بواسطة ابن المجمعه     الزواج لايمنع الدخول والمشاركات الايجابيه في المنتديات تقبلي مروري

انا الله يسلمك لم اذكر ان الزواج يمنع دخول النت
بالعكس لاكن يجب على الزوج والزوجه احترام الاخر بعدم خيانة احدهما للاخر بالسواليف بالمنتدياات او خضوع احدهما بالكلام
سواء خضوع الزوج مع عضوات المنتدى
او خضوع الزوجه مع اعضاء المنتدى

وللأسف هذا اللي حال ولا أحد ينكر هذا الشي