انا مع القلم الصريح وايضاً مع ام الغلا
يعني ماندلعهم وكل شوي نلفز بيدينهم فلوس
ولا نحرمهم ويصيرون حراميه
لكن تدرون نقدر نعادل بين الرايين
يعني نعطيهم مصروف اسبوعي
واذا خلص هالمصروف مايعطون ولا رايال الا بعد مايشتغلون
نخليهم يشتغلون بالبيت
يعني ببيوتنا للاسف وش نشوف ؟
الولد يدلع لاخر حد من الام والبنات تقل شغالات عند اخوانهن <-- وبهالنهايه البنات يبلغن عقلياً قبل الرجال الي يوصل الثلاثين وهو توه مراهق
تلقى الولد يحوس غرفته وينظفنه خواته او الشغاله
يطلع متسبح من الحمام وكل الدنيا حوسه
ومن ينظف وراه ؟؟؟
ياكل ويمشي
من يسبع وراه ؟
من هم صغار المفروض مانفرق هذي بنت وهذا ولد
كلهم لهم مسؤوليات بالبيت
يوم كنت صغيره
اذا راحت الشغاله كانوا اخواني يشتغلون معنا
يوم علي ويوم على اختي
حنا يالبنات نسبع
وهم يالاولاد ينشفون ويدخلون المواعين
لحد الان برمضان يساعدوننا
هذا يقلي وهذا يلف
والحمد لله طلعوا
والحين تزوجوا وكونوا اسر وماصاروا راعين استراحات وشلل
لحد الان اخواني الصغيرين مربيهم ابوي على اشتغل وطلع فلوس واذا نقصك ميخالف ساعدتك وزدتك سلف (عاد اتوقع انه سلف تلف)
لكن على الاقل خلاهم مسؤولين
ويخافون على اغراضهم
هذا رايي
وتقبلوا تحياتي
العرض المتطور
