" قصة شوجي " .. وما أقـذره من عنـوان .. !

[ترفق بحآلي]

شوجي > شجون الهاجري ممثلــه كويتيه !!

بصرآحــه مآتعجبني .. بس هذا لآيعني إني أقذفهااا .. أو أرتكب ذنب علشانهــا ..

مآتعجبني > أصرف بصري عنهااا وانتهى الموضوع ..

أمــا بالنسبــه للقصــه !!

فيهااا تجاوزات .. بس كل وآحد بيكون مسؤول عن بنآتـه وأخواتــه ..
يعني اللي مــايرضاهاا .. لايخلي اهــلــه يقصونهااا ..

.. وبس ..

!!الله يهدي الجميع !!

[بنت عز وما تنهز]

هههههههههههههههههههههههههههههههههههه

تدرون وش البلا ... البلا وموب بالتقليد
البلا بالعميان اللي مايشوفون القصه

والله اني اقول لصديقاتي (تقل واحد حول قاصن شعره .. واحد طويل والثاني قصير ) << استغفر الله ياربي .. بكرا اقص نفس القصه

[مريااان]

هذا جزاء كل من جعل الستلايت بين ابناؤه وبناته
نقلدهم كالببغاء؟؟؟ياريت لو الامر مستحسن وجميل ولكن كيف يتجمل القبيح باعين اخواتي ؟؟؟ اللهم المستعان
ظهر الفساد في البر والبحر بما كسبت ايدي الناس
المضحك المبكي ان ربعنا يتوقعون اللي يقلد مافي الكفار متطور والرسول صلى الله عليه وسلم اخبرنا عن هذا فقال من حديث أبي سعيد الخدري رضي الله عنه:" لتتبعن سنن من كان قبلكم شبرا بشبر، وذراعا بذراع حتى لو دخلوا جحر ضب تبعتموهم، قلنا يا رسول الله اليهود والنصارى؟ قال: فمن ؟" متفق عليه.

[بنت عز وما تنهز]

اقتباس:  المشاركة الأصلية كتبت بواسطة جلوي الشقير     طيب شوجي هذي من وين ووين ووشلون وصلت هالقصه للعالم ؟

هذي شجون الهاجري
من الكويت
ممثله


اماشلون وصلت هالقصه انا اقولك

ذاك اليوم راحت شجون تقص شعره امر تمسكه فلبينيه حولا
قالتله شجون ابي قصة فكتوريا
امر تقصقص اشعره .. وذيك الله بالخير

يوم خلصت القص وراحت شوجي للبيت مستانسه
امر تقابل خوياته .. امر يهوشنه (وشلون وكيف اخطر بالج(بالتس) تقصين هالقصه)
يوم فطنت على روحه .. امر تقول (اييييييييه .. نرقعه ونقول هذي موضوه يديده(جديده))

عاد حنا عندنا ناس مايصدقون خبر
وباس موضوه .. يازينه من موضوه


بس تدرون من المستفيد في النهايه
الفلبينيات الحولات


<<<<<<<<<<<<<<<< تراه القصه كلها فقش في فقش .. من وحي الخيال فقط

[طقاقة بدون مايك]

لا ابد سلآمتس ي بنت عز :$

بالنسبة لي مايمسك شعرآتي الا سعوديآت..<ي لبيه هن بس :$


قلوي :$

شوجي
ممثلة كويتية عمرها 22... اشتهرت بعد آدآئها أدوآر قوية ويبغاله جرأة..


وبعد اشتهرت اكثر بعد اطلاقها لبرنآمجها المسابقآت (شوجي 1+2)

طبعن لهآ فآنز كبير جدا جدا و مسوين لها موآقع روعة ..وفلة حجاج ...وشلون وصلت للعالم؟<لأنهم يحبونهآ وقصة ستايل والله:$


ع فونكيرآ بنت عز
تعرفين منى أمرشآ تسد أنها في أحد كليبآتهآ قاصة قصة غريبة جدا
و وحدة من صديقاتي حلفت لي يمين قالت هين إن ماشفتي الشعب بآتسر قاصن شعره مثل هالقصة .... ولكن المفآجأة أنه
لحد الحين ماشفت ولا وحدة
حتى لو وحدة أشوفه بالغلط قاصة مثلها...علما أنه أتوقع ل منى جمهور
حلو ...عاد صقيقتي صامت 3 ايام:$


مريان
تحسبين الجيل الحين بهآيم .. أي شئ يشوفونه يتخمعون ويقلدونه
بدون وعي واقتناع...الاغلبية
لجيتي كلمتيه رد عليتس وجلس يجادلتس ل الصبح ..والقلة منهم
الي يقلدون دون وعي...

اجل البلا بالدش :$
اجل رآئيتس نمنع الدش :$
طآيب ما شافو بالستلايت ب يشوفونه بالنت :$
المشكلة مش في الستلايت المشكلة بالتربية الغلط :$


و ايه صآدزة بعض الناس يحسبون تقليد الكفار تطور وتسدآ :$

بس وش مناسبة هالحتسي :$

ليش شوجي كفرت وانا مدري :$
‏


وانا ترآنن أتفق معتس أنه تقليد الغرب تخلف وهكآ :$

مآر التفتي حولتس يمين و يسار بتلقين كل شي مقلد !

[مريااان]

حبيبتي طقاقه انا جلست مع اكثر من فتاة خصوصا داخل الجامعه اللي اغلب شي فيها التقليد الاعمى والله ماشفت ان فيهم ثقافه زايده بالعكس اللي تلاقينه المتزينه اقدر اتحاور معها اما بناتنا الله يحفظهن عن كل عيب اللي يقلدوالله اذا سالته ماتحسين هذا الشي غريب بالمجتمع ؟ وعيب وشكله غير مرغوب فيه تطلع لسانه ولا ترد اي ثقافه اللي ماتقدر تدافع عن موقفها للاسف نعم تقليد اعمى وجهل مطبق
وانا لا قصد شوجي كفر ماكفر امره عند الله شوجي انا اقصد قصه فكتوريا وماادركما ماابي اوسخ لساني بذكر يهود عملوا على اباده اخلاق بناتنا وابنانا
اجل السلاسل من متى يلبسون العيال سلاسل ؟؟؟؟؟
جهل وغباء بعد
وانا للاسف اعتبر اللي يشذ عن اخلاق مجتمعه الاسلامي المحافظ فيه نوع من التخلف حتى لو جمله الشيطان بعينه

[طقاقة بدون مايك]

ايه أنا ماقلت الاغلبية عندهم سالفة
والله ي بعضهم ماتعر تفك الخط بعد وهي كبر الشحط:$

وانا قلت فيه ناس تقلد تقليد
اعتباطي ..يعني مايدرون وش السالفة:$

وفيه ناس لا لما تقلد تكون مقلدة..لانها عاجبها وحابته ومعقتنة وكل حاجة..

//
يختي أذا ع السلاسل وتطويل شعورهم تهون ي شيخة ..:$

الي حارقن رزي وباطن تسبدي ورافعن ضغطي لا لبسو /اللويست/ :$


يعني اوكيه به اشيا نقدر نقول حرية شخصية بس به اشيا تجرح الذوق العام:$

[ناقه فسفوريه]

الحمدلله والشكر عقليات متخلفه ومتحجره لأقصى درجه وش فيها ترى كل السالفه قصة شعر

وأصلا كل قصاات الشعر أسامي ممثلات ومشاهير أجانب وغربيين بعد

شوجي على الاقل مسلمه "ولا تحرمون وتحللون وتكفرون وتلعنون على كيفكم

ههههههههههههههههه أكثر رد ضحكني الي يقول الله يخلف مافيه رجال "يرحم أمك

وش دخل الرجوله بقص الشعر

يالبى شوجي بس وبصراحه أطلق قصه شفتها مرره ناايس وناعمه "مو شرط تحلقون مثلها

كل السالفه انه الشعر طويل من جهه وقصير من جهه

وقفت الدنيا على قصة شعر وهاللي قاعدين يقولون تقليد ترى كل لبسكم وشربكم واثاثكم

وبيوتكم تقليد اجل "الحمدلله والشكر بس

[مريااان]

ايش دراك انها مسلمه شفتيها تنطق الشهادتين وتصلي
واول غلط قص جهه وترك الجهه الثانيه اطول وقال صلى الله عليه وسلم في رأس الصبي: «احلِقهُ كُلُّهُ أو اتركهُ كُلُّهُ» لما حلق بعضه وترك بعضه
فليكن عندنا اعتزاز وثقه في دنينا الكامل الصالح لكل زمان ومكان
ماامرنا به الله ورسوله ناتي به ولا نتوانى
ومانهانا عنه ننتهى عنه ولا نتوانى

[العرجون]

ملعيش وشي شوجي

[ناقه فسفوريه]

اقتباس:  المشاركة الأصلية كتبت بواسطة مريااان     ايش دراك انها مسلمه شفتيها تنطق الشهادتين وتصلي واول غلط قص جهه وترك الجهه الثانيه اطول وقال صلى الله عليه وسلم في رأس الصبي: «احلِقهُ كُلُّهُ أو اتركهُ كُلُّهُ» لما حلق بعضه وترك بعضه فليكن عندنا اعتزاز وثقه في دنينا الكامل الصالح لكل زمان ومكان ماامرنا به الله ورسوله ناتي به ولا نتوانى ومانهانا عنه ننتهى عنه ولا نتوانى

وأنت وش دراك انها موب مسلمه؟؟؟!!!!

وبعدين الرسول قال في رأس الصبي مو البنت!!!! والا انت مافيه فرق عندك بين الصبي والبنت؟؟

والرسول بعد قايل الحرير والذهب حررام للرجال يعني حرام للنساء بعد؟؟؟

جب لي نص ودليل شرعي على ان القصه حراااام ذيك الساعه أقتنع وأغير رأيي

[نيوتن]

اقول الله يهدي المسلمين

[مدير خبرة]

اقتباس:  المشاركة الأصلية كتبت بواسطة د / ماسنجر     لا يقل أحدكم : لقد اغتبتها ! لقد خرجت أمام الملأ بشكلٍ متسخٍ وبقصةٍ سافلةٍ تنمّ عن داخلها .. بناتنا اللاتي ذهبن إلى المشاغل من أجل " قصة شوجي " .. ! قصة شوجي وأي شوجي ؟! هل هي إحدى مناهج الإسلام القويم ؟! أم قدوة من الصحابيات الرائعات .. هي صورة من صور السفور وبداية من بدايات الانحلال الإيماني الروحي .. هي موضة للعهر وعنوان للدناءة .. ما تمثلت بها فتاة عاقلة ، لا يتمثل بها إلا إمعة .. ولا يقلدها إلا من لم تجد وسيلة من وسائل الجمال .. الجمال .. ! وهل وقف جمالكِ أيتها الأخت على " قصة شوجي " .. ! هل انتهت القصّات السليمة الأخرى .. إلا تلك القصة .. ! هل انعقد تفكيرك وأصبح لا يتجاوز إلا هامة شوجي كيف تكون اليوم ؟! وماذا ستصبح في الغد ؟! .. وكم من شوجي وشوجي تم تقليدها .. ! المعذرة أيها المتابعين على العنوان .. عاتبني هاجسي .. وعاتبني قلمي .. كيف أن أجعل من إسم تلك الساذجة عنواناً بين مقالاتي .. وفي مجموع أوراقي .. ! بل هو الظرف الطارئ .. والحديث الضروري .. فائق التقدير والتبجيل .. أترك لكم الحوار .. علق هنا مباشرة | زوايا

اشوف أنك حملت الأمر أكثر مما يحتمل..!!
وشوجي ليست الأولى التي يتم تقليدها..
ولو سألت النساء.. ممن يرتدن المشاغل
ستجد أنها تحوي على مجلات لفتيات معروفات وغير معروفات
كعرض لتسريجة الشعر...

وليس الأمر لأن شوجي كما قلت... مثيرة أو ملهمة..
ولكن لأن شكلها أعجب البعض..
وباعتبار أن هذا الاعجاب لم يقترف محرما ولم ينتهك عقيدة..
فهو سلوك....
يجب أن نتعامل مع النية فيه
وهي البحث عن الجمال والمظهر الحسن...

[ياحــلاتـي]

الي تقهر انها هاجريه من اكبر فخوذ قحطان,,شوهت سمعتهم
بس الله يصلحها ويبدل حالها الى حال افضل

[متعاااليه جداا]

حشرتوا الدين حتى فالشعر!!

لاحول ولاقوة الابالله... ليش التزمت ؟

حببوا الناس فالدين ولاتنفروهم...