ياهلي الروح تعبانه ..... جيبولي دكتور نفسيه

[مشاغبة]

اقتباس:  المشاركة الأصلية كتبت بواسطة قـتـالـه     ياعزي عنتس ياحيي تعلمي تدمحين اللي مايجوزلتس تعرفين وش معنى تدمحين يعني تتجاوزين وتنسينها قبل ماتخلي بقلبتس وسوم واثار ..! ان خليتي من ام كنها سد مأرب ماتطلع سود السواليف وبيضها على خواتتس لاتظنين ان غيرها لك سد حنا مانبي غير حضن نرغي فيه لضامنا لسان وزمان ومانبي غيروه شوفي ياعين ابوي ترا وسادتس هي بيرك وسدك وغطاك لفاض جوفتس ادفني وجهتس بين محانيها وصيحي ولا تسكتين الا لصفا راستس وبعدها قومي تروشي وصحصي بكوب قهوه واثرتس ناسيه وتضحكين مع الناس وساليه بلافضايح ولا قيل وقال .., عاد الله الله بالوسايد الطيبه اضربي فيها غالي الاثمان تراها ام وابو

شكلك انسانة حنونة..خلاص بافضفض لك..ههههه
والله كلامك اطبقه بحذافيره.. علاقتي بالدموع علاقة وطيدة حتى مخدتي كلها تقوطر دموع مايمديها تجف..
بس بعد ماتنتهي الحالة الحمد لله ماكأن شي صار...

بس برضو حلو يكون في واحد يسمعك.. بس وين نلاقيه بهالوقت..؟!

[قـتـالـه]

اقتباس:  المشاركة الأصلية كتبت بواسطة مشاغبة     شكلك انسانة حنونة..خلاص بافضفض لك..ههههه

لو الف الكون ماراح الاقي احن مني علي ..,
ان ماصار الواحد حنون على قليبه ومحانيه من يصير حنون عليه ؟؟
ياعوينتي الله الله بقليبتس حوفيه
ترا ماحاس بنيران لواهيبه غيرتس
انت اللي بتسهرين ..,
وتونين ون الكسيري
مانافعتس احد ياعين حيي ..,
حني وحنحني عليتس وعطين شوي تراي بحاجه

[انتظرتك]

اقتباس: المشاركة الأصلية كتبت بواسطة قـتـالـه حني وحنحني عليتس وعطين شوي تراي بحاجه

حتى الحنان صار شحاذه يادافع البلا !

[انتظرتك]

اقتباس: المشاركة الأصلية كتبت بواسطة مشاغبة بس برضو حلو يكون في واحد يسمعك.. بس وين نلاقيه بهالوقت..؟!

اثاري الناس كلها تعاني ... !