ليت هالسبعة بنات !!؟

[زمن الغرباء]

تقول ....
اخواني سبع وكلهم رجال وشباب وامي كبيرة في السن
واذا بدوا يتهاوشون وتشابكوا بالأيادي
المسيكينة ترتاع وتبدأ تقول ليت هالسبعة بنات ..

وانا أقول ...
سبحان الله فعلا
بعض هوشات الرجال تطيح القلب من الروعة
ويروح ارواح بسببها احيانا اذا وصلت الذروة وكثيير من الامهات دايم قلبها على ايدها من الخوف

الصراحة
انا ماأدري ليش توصل هالمواصيل
هل بعض الرجال اذا تنازل يحس بالهزيمة الانكسار ؟
أو يبي يثبت انه رجل موب ضعيف ؟
او وش القصة ؟
أليس فيهم رجل رشيد ينهي المشكلة بلا اصابات ولاضحايا ويحتسب الأجر عند الله سبحانه وتعالى

ارجوكم ..
ارحموا الأمهات والأخوات والصغار اللي تقطع قلوبهم وهم يستغيثون ويطالبون بفك الحرب الطاحنة واحتسبوا الأجر من الله وتعوذوا من الشيطان ماراح يستفيد الاهو

اللهم لاترينا مكروها في قريب ولا حبيب

[| ~ ســمــو ~ |]

فعلا ..
اصلا الرجال مجرد اصواتهم اذا تناقشوا بموضوع وصار حامي
يتصرقع قلبي !

شلون لو تصير مضاربه !! يمكن ادوخ هه



اشكرك

[زمن الغرباء]

اقتباس:  المشاركة الأصلية كتبت بواسطة | ~ ســمــو ~ |     فعلا .. اصلا الرجال مجرد اصواتهم اذا تناقشوا بموضوع وصار حامي يتصرقع قلبي ! اي والله صادقة يختي تقل زئير ماشاء الله شلون لو تصير مضاربه !! يمكن ادوخ هه زينة الدوخة انا أخاف أموت اشكرك

ولك الشكر عزيزتي ..

[فديكا التميمي]

غير هذااااا كل مااكثروا كل ماقل نفعهم وكلن يتكل على الثاني
ياااكثر اللي تمنن ان عيالهم بنــااااات ,,,,

[زمن الغرباء]

اقتباس:  المشاركة الأصلية كتبت بواسطة فديكا التميمي     غير هذااااا كل مااكثروا كل ماقل نفعهم وكلن يتكل على الثاني ياااكثر اللي تمنن ان عيالهم بنــااااات ,,,,

يافديكا يابنت الحلال
موب الموضوع عن كثرة العيال او البنات
العيال هم الخير والبركة
عن هوشة الرجال
بس انا جبت هالقصة استشهاد على الموضوع

منوورة عزيزتي

[اميرة الابتسامه]

كثر العيال شين وكثر البنات شين
بس كثر البنات احسه افضل من كثرت العيال
والعمده على البركه

[زمن الغرباء]

اقتباس:  المشاركة الأصلية كتبت بواسطة اميرة الابتسامه     كثر العيال شين وكثر البنات شين بس كثر البنات احسه افضل من كثرت العيال والعمده على البركه

مافيه شئ شين
اللي من الله حياه الله

والموضوع عن هوشة الرجال ياعزيزتي

منوورة ..

[هنري]

لغة الأيدي تعبر عن صاحبها أنه إنسان " أجوف" خصوصاً إن كانت صفة متكرره

........

حتى لو برر ذلك بسرعة الغضب وغيره

هناك مبررات للتغيير باليد ونحن نعرفها ولكن أن يكون النقاش والرأي سبباً لذلك فذلك ضعف شديد

........

حديثك عن الإخوة السالفين نابع من التربية ولاشك، فحينما يفرض الأب منطق القوة فلاعجب أن تكون لك لغة المنزل.

[زمن الغرباء]

اقتباس:  المشاركة الأصلية كتبت بواسطة هنري     لغة الأيدي تعبر عن صاحبها أنه إنسان " أجوف" خصوصاً إن كانت صفة متكرره مافهمت هالكلمة ؟؟ ........ حتى لو برر ذلك بسرعة الغضب وغيره هناك مبررات للتغيير باليد ونحن نعرفها ولكن أن يكون النقاش والرأي سبباً لذلك فذلك ضعف شديد ........ حديثك عن الإخوة السالفين نابع من التربية ولاشك، فحينما يفرض الأب منطق القوة فلاعجب أن تكون لك لغة المنزل.

هو مافيه شك ان التربية لها دور
لكن تبقى الظاهرة موجودة عند بعض الشباب حتى لو تربيتهم سليمة

موفق

[| ~ ســمــو ~ |]

اقتباس:  المشاركة الأصلية كتبت بواسطة زمن الغرباء     هو مافيه شك ان التربية لها دور لكن تبقى الظاهرة موجودة عند بعض الشباب حتى لو تربيتهم سليمة موفق

آسفه ع المداخله ..


اجوف = فارغ من الداخل !

[هنري]

اقتباس:  المشاركة الأصلية كتبت بواسطة | ~ ســمــو ~ |     آسفه ع المداخله .. اجوف = فارغ من الداخل !

(:
الاخت الكريمة سمو اعفتني من الاجابة

[زمن الغرباء]

اقتباس:  المشاركة الأصلية كتبت بواسطة هنري     (: الاخت الكريمة سمو اعفتني من الاجابة

جزيل امتناني
لك ولها

[زمن الغرباء]

اقتباس:  المشاركة الأصلية كتبت بواسطة | ~ ســمــو ~ |     آسفه ع المداخله .. اجوف = فارغ من الداخل !

مشكورة عزيزتي عالتوضيح ماقصرتي

[فـــارس]

هي من تربيه الاب ...
لو فيه اب شديد وصارم ماصار الي صار
ولو كانوا 20 شباب او رجال ..

الشي الاخر لابد ان يعرفوا ان الكبير يُحترم والصغير يحًترم

[زمن الغرباء]

اقتباس:  المشاركة الأصلية كتبت بواسطة @فارس@     هي من تربيه الاب ... لو فيه اب شديد وصارم ماصار الي صار ولو كانوا 20 شباب او رجال .. الشي الاخر لابد ان يعرفوا ان الكبير يُحترم والصغير يحًترم

المشكلة لاصار مافيه أب ؟؟

استغربت من ردك ؟؟
نادر من الشباب اللي يأيد غلظة الأب عليه وهو شاب
دايما الشباب يرون ان هذا قل رجولة

موفق ,,