آخر المستجدات في قصر باكنقهام
كيت قامت من النوم وشهقت يوم شافت الساعه11الصبح
هبطت شوشته وغسلت وجهه ولبست أقرب بلوزة وتنورة
ويوم جت تطلع من الغرفه تذكرت إن هاري بالبيت راحت وأخذت جلال ونزلت يوم نزلت تحت وإلا إليزابيت مستشطه
قالت له تساااااان نمتي بعد زووود يادزليله الحيا
قالت كيت وهي تنتفض إعذرين ياخاله راحت علي نومه
قالت إليزابيت وعيونه محمره هذا اللي جانا منكن ياجيل النيدو
بسرعه إدخلي المطبخ طززي الحين يجي أبو تشارلز الحين يفضحنا
وراحت كيت تطزز
يوم صار الظهر واجتمعوا العايله الكريمه على الغدا
عاد ويليام بيسوي روحه رجل قدام أهله
قال بصوت عالي: كيت ووجع وين البصل والماء
قالت :مادريت إنكم تحطون بصل وماء بغداكم الحين أجيبهن
وعدا الغداء على خير.
وراح ويليام ينام وكيت قعدت تسبع المواعين
يوم خلصت جت لمه إليزابيت قالت بيجون عمومتنا بيشوفونتس
زيني القهوه وروحي إلبسي.
وأول ما أذن العصر طبوا العمومه عليهم من الشفاحه
وجت كيت و صبت لهم القهوه
طبعا العمومه اللي هم مرت العم وبناته الثنتين اللي أمس بالعرس وحده لابسه أزرق والثانيه وردي ودار بين هالثنتين الحوار الآتي:
أم أزرق:أنا مدري وش شايفن به وليام يتركنا وياخذه
أم ووردي:بنت الفقر شوفي بس وش لابسه تفشل
أم أزرق:أنا مدري وين راح المهر هالخلقه اللي عليه ما ألبسه لو أحد يعطين إياه هديه إلا نعلته مهب غريبتن علي.
أم وردي:إيه عند الحسون له كم شهر مغبره والظاهر حاطين عليه تخفيضات.
أم أزرق:شفتي تلقين شرت بالمهر مزارع بتكساس له وأهله تصدقين شكل شعره مفرود.
أم وردي:هاااااااااو ماعلمتس أنا,, فوزيه شايفته بمذهله تفرد شعره
أم أزرق:وهالدلخ رجله يحسب شعره ناعم
<بوه أحد ياااولد<جا هاري طيب
إليزابيت:إدخل ما قدامك أحد
دخل وسلم وطلع
وبعد شوي راحوا الضيوف
وراحت كيت لغرفته يوم دخلت لقت ويليام يتلبس بيطلع
وطلع للإستراحه وخلاه والحين الساعة ثنتين صباحا عندهم بلندن والأخ تاركه وقاعدن يلعب بلوت مع ربعه..
هذا وسنوافيكم بأخر الآخبار إذا الله أحيانا
سجى
لندن
قصر باكنقهام
العرض العادي
