عالميتين وليست واحدة .. لو كان عندي فيفا ورعاة

[|كيـــرلا..]

اقتباس:  المشاركة الأصلية كتبت بواسطة عميد اندية القصيم     من فضلك لا تتكلم بالنيابة عن شاطيء .. هو قادر على الرد قل لي انت وش رايك بالموضوع " التأهل لكأس العالم هو الإنجاز لانه يعتمد على قوة الفريق لكن ( تنظيم كاس عالم والمشاركة فيه ) يخص الفيفا والرعاة فقط يعني مو دليل على تفوق نادي على نادي آخر " . بعد ما تقول لي رأيك أنا حاضر أرد على كل أسئلتك

عزيزي ماتكلمت نيابة عن شاطئ فقط أشرت الى ماذكره واتفقت انا معه فيه ..

كلامك غامض نوعآ ما في بعض الردود..
بالنسبه للمشاركه أكيد تعتبر انجاز واستثني منها اذا كان استضافه ؟؟
ويبدو لي فهمت المقصد وربما سؤالك القادم ..

اما مسألة تفضيل نادي على آخر بسبب هذه المشاركه فهذي ترجع للمنافسه ولنظرة الجمهور يعني أنا لي رأي والآخرين لهم آرائهم ..
النصراويين لايتفقون معي في بعض ماقلت مثلما الهلاليون لايتفقون مع محمد بن فيصل مثلآ ..

[عميد اندية القصيم]

اقتباس:  المشاركة الأصلية كتبت بواسطة ليون كينج     عزيزي ماتكلمت نيابة عن شاطئ فقط أشرت الى ماذكره واتفقت انا معه فيه .. كلامك غامض نوعآ ما في بعض الردود.. بالنسبه للمشاركه أكيد تعتبر انجاز واستثني منها اذا كان استضافه ؟؟ ويبدو لي فهمت المقصد وربما سؤالك القادم .. اما مسألة تفضيل نادي على آخر بسبب هذه المشاركه فهذي ترجع للمنافسه ولنظرة الجمهور يعني أنا لي رأي والآخرين لهم آرائهم .. النصراويين لايتفقون معي في بعض ماقلت مثلما الهلاليون لايتفقون مع محمد بن فيصل مثلآ ..

بالعكس .. انت قولت شاطيء كلام ما قاله بل قلت كلام يرد على سؤال شاطيء اللي هو ( ليش الهلال ما تأهل للبطولة ؟ ) لكن ما حبيت اتوقف عند النقطة هذي عشان اشوف وش انطباعك عن الموضوع بالاول

انت قلت ان شاطيء قال ( الهلال المفروض يلعب بكاس العالم لكن البطولة الغيت ) .. معنى كلامك ان البطولة تم اقرارها من الفيفا والاعداد لها لكن بالنهاية ألغيت وهذا يعني ان الهلال تأهل وهذا رد على سؤال شاطيء اللي يعتقد هو انه سؤال صعب واعجازي مع انه سؤال مضحك لأن الهلال " تأهل " فعلا يعني سؤاله غير منطقي لكن ما جاوبته انا لأني ما ابيه يهرب من النقاش حول موضوعي .

وبعدين تتفق معه على كل ما ذكر ؟ يعني تتفق معه على ان بلاتر أوقف البطولة ؟ هذي معلومة خطأ , بالعكس بلاتر أقر اقامة البطولة وغيره وقفها .

بلاتر ذكر في تصريحه اللي تكلم عنه شاطيء " بدون ما يسمع التصريح مضبوط " انه هو بنفسه رتب لاقامة البطولة كالمعتاد وفي اسبانيا " على حد كلام بلاتر " لكن مغادرته للفيفا جعلت اعضاء الفيفا يوقفون البطولة ولما رجع هو بعد سنتين اعاد البطولة مرة ثانية .

وهذا المقطع




نجي للجزء الثاني من كلامك

اقتباس: بالنسبه للمشاركه أكيد تعتبر انجاز واستثني منها اذا كان استضافه ؟؟ ويبدو لي فهمت المقصد وربما سؤالك القادم ..

الله يعطيك ألف عافية .. المشاركة في كأس العالم عن طريق الاستضافة ليست انجاز .. يا ليت اخونا اتحادي موت يقتنع بالكلام هذا

هذا معناه أن الانجاز ينحصر في (( التأهل لكأس العالم عن طريق البطولة الاسيوية )) اما ( المشاركة فقط ) فهي ليست انجاز مثل ما حصل للاهلي الاماراتي .

يعني نقول ان فريق النصر المتأهل لبطولة كأس العالم ليس أفضل من فريق الهلال المتأهل لكأس العالم لأن الفريقين تأهلوا .. اما المشاركة فتعتمد على وجود بطولة أصلاً يعني ما تعتمد على قوة الفريق النصراوي وضعف الهلالي .. فليش النصراوي يعتبر المشاركة ( تفوق فني واداري نصراوي على الهلال ).. يقولون من المعضلات توضيح الواضحات وانا اخوك .. السالفة هذي اللي يفهمه أي بني آدم جلست اقنع فيها الاخ شاطيء سابقا حوالي 3 ايام وهو مصر ان الفريق النصراوي المتأهل افضل من الهلالي فنيا واداريا لأنه شارك والهلالي تأهل فقط .. ولله في خلقه شؤون .

اقتباس: النصراويين لايتفقون معي في بعض ماقلت مثلما الهلاليون لايتفقون مع محمد بن فيصل مثلآ

الآراء نختلف فيها لكن الحقائق ما عليها خلاف

لازم نكون صريحين ونبعد الميول جانبا ,, اللي قلته انا بالموضوع حقيقة لا يعترض عليها عقل بشري سليم طبيا ,, هناك اشياء اقل وضوح مثل المقارنة بين ماجد وسامي ومع ذلك انا كهلالي أرى أن ماجد افضل مهاجم في تاريخ المملكة ولا يقارن بمهاجم آخر وسامي لاعب ممتاز ولكن مخدوم اعلاميا بشكل مبالغ به لان الاعلام الهلالي عنده عقدة عدم وجود مهاجم هلالي مثل ماجد ولان سامي علاقاته بالاعلاميين واعضاء الشرف الهلاليين اللي يدفعون للاعلاميين ممتازة والدفع للاعلاميين على فكرة موجود في النصر والاتحاد بس بشكل اقل بسبب الفوارق المادية ,, مثلا مباراة الحكم ابراهيم العمر اللي تكلموا عنها الهلاليين وضخموها كثير كان لاعبين الهلال يمثلون فيها يبون ضربات جزاء

لكن بنفس الوقت شفت مباريات عادية وايضا حاسمة على بطولات محلية وآسيوية انظلم فيها الهلال امام النصر وحتى امام فرق ضعيفة غير مسنودة بأخطاء فادحة ومؤثرة محليا وآسيويا حرمت الهلال من بطولات مستحقة مثل ما شفت النصر والاتحاد وغيره انظلموا لحساب الهلال بأخطاء كبيرة حصل بسببها الهلال على بطولات غير مستحقة وأيضا شفت الاتحاد يظلم بمباراة حاسمة امام النصر بهدف حسين هادي مثلا باليد والعكس صحيح النصر انظلم امام الاتحاد وكل الفرق بالشكل هذا لكن ما عندي شي يؤكد ان الاخطاء هذي متعمدة .

تصريح محمد بن فيصل لازم ناخذه كله او نتركه كله , الرجل اصلاً يصرخ معترض على ظلم الحكام للهلال ويقول ان هناك حكام يساعدون خصمنا وبنفس الوقت يقول ان فيه حكام سبق انهم ساعدونا يعني كلامه يدل على فساد وخيانة تحكيمية عند " بعض الحكام " اما بسبب الميول او الرشوة من جميع الاندية خصوصا الكبيرة وليس الهلال فقط .

لازم نكون صريحين وصادقين ومحترمين لذواتنا ونترفع عن هالأسلوب الغريب اللي نشوفه بالمنتديات الرياضية تعصب وخداع وتهريج والواحد يخصص وقت طويل من عمره يتبادل المهاترات والاكاذيب بمنتديات رياضية .. تراه كورة يا جماعة ما تستاهل كل هذا .

وشكرا اخي العزيز