كل شيء فمدرستنا جايز

[مس هع]

اقتباس: اهئ اهئ اهئ وربي منذ مبطي كنت أتمنى تكون عندي طاولة لحالي بس اللحين أتمنى يكون لي كرسي لأنو تطورت الحالة وصرنا ستة بخمس كراسي وثلاث طاولات(شوفوا بس الكفاح والمثابرة لطلب العلم) طبعآ الجلسة لازم تكون رجل على رجل وايدك ورى ظهر صديقتك(لأنو مافي مجال لايدينك كلهم قدام)

هههههههههههههههه استغفر الله بسّ
انتو يالادبي حكاية لحالكم لا الفصل ولا مكانكم اللي عند الفيران والوزغ وكل الكائنات الزّاحفة والطائرة واللي نص ونص
أذكر أيّام اول ثانوي كنت أرجع كأني صايمه من التعععب والعطشش بس اللحين طبختها زين، صرت اجيب ماء معايا

الله يعينكم حبيباتي والله

اقتباس:  المشاركة الأصلية كتبت بواسطة اتعس مدرسه     بسم الله الرحمن الرحيم بالنسبه للوضع اللي انتم فيه وضع ماينسكت عليه والمسؤليييه كامله تقع على عاتق المديره وولاة الامور يحملون مسؤلية هذا كله المديره (حسبي الله ونعم الوكيل) هى معروفه بكرهها الشديد للبدو كأنها تتلذذ بتعذيب الطالبات والكل يشهد على ذالك حتى معلمات الابتدائى يشكون من سؤ خلق هذى المديره وولاة الامور كتبو فيها شكوا العام الماضى والسنه هذي ناوين يكتبون فيها شكوا بسب اهمالها لموضوع الكهرباء وارغام الطالبات بعدم الانصراف من المدرسه اذا التمست الكهرباء اقول التمست الكهرباء لانها تطفي اكثر من مره باليوم لدرجه ان بعض الطالبات كاد يغمى عليها من شده الحر نقول لهذى المديره خوفى من دعوات الاهالى لاني مااجلس بمجلس الاواسمع دعوات الامهات تنهال على المديره وابنائها [ كلكم راعٍ وكلكم مسؤول عن رعيته . الإمام راعٍ ومسؤول عن رعيته ، والرجل راعٍ في أهله وهو مسؤول عن رعيته ، والمرأة راعية في بيت زوجها ومسؤولة عن رعيتها ، والخادم راعٍ في مال سيده ومسؤول عن رعيته ] . دمتم بحفظ الله ورعايته

وعليكم السّلام ورحمة الله وبركاتُه ..

اقتباس: والمسؤليييه كامله تقع على عاتق المديره وولاة الامور يحملون مسؤلية هذا كله المديره

وليه يحمّلونها ؟ تكلّموا هم؟ راحوا للوزارة ؟ شكوا ؟
الواحد قاعد فبيته و يقعد يرمي المسؤليّة على غيره طيّب تكلّم أنت هاوش سوّي اللي بستطاعتك تسوّيه ثم أقعد دعّي على خلق الله، إذا تكلّمت وحرّكت ساكن وجت المديرة تمنعك عن الكلام - مثلاً - ذاك الوقت قول المسؤليّة من المديرة ! وهي السبب

اقتباس: هى معروفه بكرهها الشديد للبدو كأنها تتلذذ بتعذيب الطالبات والكل يشهد على ذالك حتى معلمات الابتدائى يشكون من سؤ خلق هذى المديره

سالفة أنّها تكره ماتكره ماأتوقع أن لنا دخل فيها هي مسؤولة عن تصرّفاتها أمّا كرهها فمالنا إي دخل فيه وعلى تصرّفاتها فما شفت شي والله، يعني عقلاً بالله بتلقينها ميّته من الحرّ من مكيّفها وماتتكلم
بسّ عشان تقهر البدو ! ، هو مكيّفها سيء سيء فعلا سيء احنا نشوف حسنه بسّ لأننا نقارنه بمكيّفاتنا ولا تراه فعلا فعلا تبريده سسيء فبتسكت وتتحمّل عشان تقهرنا !!
هذا واحد ..




ثانياً - وهذا الكلام مو لك دايم كان ببالي واخيراً جاتلوه مناسبة - النّاس وصلوا للمريخ وانتو للآن بدو وحضر والواحد متعصّب على قبيلته كأنه هو اللي اختارها ، بالله! شي مااخترته ومالك إي إي دخل فيه جاي تفاخر فيه ليه ؟! والله من ضعف الهمّة،
تعرفون حاجه مالها دخل بالمرّه بسّ تذكّرتها الأنسان بفطرته يحتاج يحسّ بوجده ويحس بأهميته يعني، فالسؤال كيف حيحس بأهميته ؟
الجواب/ هو ماراح يحس بأهميته إلا من أنجازاته كل مازادت إنجازات الشخص، زاد حبّه لنفسه وكل مازاد حبّه لنفسه زاد شغفه لتطويرها وبالتّالي إذا تطورت نفسه حيصير مهم عند النّاس/ نفسه

عطفًا على الكلام السّابق فكل مانقصت إنجازته صار يبحث عن إنجاز يحسّسه بأهميته وبوجده، فغالبًا يلجأ للقبيلته والذي منها، فلذا - برضوه - كل ماتطوّر المجتمع أكثر كل مانقصت العصبيّة القبلية عندهم أكثر < علاقة عكسيّة>

ــ
سويّ إنجازات/حسّسي نفسك بأهميتك بشي من صنعك وقتها والله ماراح نسمع - ملّيييت من الحياة أبي انتحر -


والله يحفظك ويرعاك