تويكس وأيام النكبـــــــــــــــــــــة ...!!

[" TWIX "]

حبيبي ..
صبــــــــاح الخيـــــر ..
صباحك ورد .. وفل ..ولوز ..
ياعمري صبــــــــاح النور ..
يالله اصحى غنت فيروز ... الشمس طلعت يازين ..
وانت مغمض العينين .. من تصحى تشرق عا الدنيا مو شمس وحده شمسين ..


في أحد المرات كنت أقود سيارتي فوقفت عند إشارة المرور
وبما أنني من بريدة والتلفت ماركة مسجل لدينا في أحد ألتفاتاتي ..
وقعت عيني على ولد صعنون في fxr 2011 ماسك بيده بلاك بيري
ويشاهد فيلم في الـ DVD المنصوب في سقف السيارة ومصوّب فتحة المكيف
عليه وشعره الناعم تداعبه حبات الهواء ..
تذكرت الأيام الخوالي .. وبدأت المقارنات
تذكرت يوم كنت بزر منزوع البراءة والوناسة ..
تذكرت أيام الشقاء ..
تذكرت أيام النكبة ..
تذكرت .. يوم أنا آدمي بالاسم فقط ..
تذكرت يوم أنا في آخر صندوق ددسن عمي ومحلّق قرعة ودميجتي تلمع من أشعة الشمس الحارقة ..
وينبعث منها أدخنة علامة للتكتير حرارة حارقة تبلغ درجتها أنذاك ما يقارب 52
يعني باقي كم درجة وتصل للغليان ويصير راسي بريق شاهي ما بقى إلا تلقمه سكر ..
آه يالرومانسية .. آه ياولد الدلع ..
ممسكا بعنز أشتراها عمي من السوق اللي يشوفن يقول بيتر الخالق الناطق ..
وبينما أنا منهمك في التفكير والخيالات وحياة الطفولة المنيلة بستين نيلة " الإشارة خضراء "
إلا واحد وراي يضرب بوري ويسوي حركات وسخة ويقولي أصفط على جنب كان أنت رجال ...
ناس " دبش " ماتقدر التاريخ اللي أنا منشغل فيه وأجاذب الحديث النفسي فيه ..
تبون الحقيقة ...؟!!!
مالقاها وإلا أكلها باردة مبردة إلا بزراين هالوقت أكل ومرعى وقلة صنعة
بتمنى لو يفيد التمنــي ..
إني أرجع صغير وأعيش حياة الترف اللي عاشوها هالمبزر.. بلاك بيري .. بلاي ستيشن
جيب ربع .. مطعم كنتاكي .. آيس كريم باسكن روبنز .. مولات .. سفريات ..

وش أمنياتكم ...

* مناسبة الصباحية : لأني أول مرة أكتب موضوع بالصباحية وقلت فرصة نصبح ع الغالين ..

[شاها]

الله لايجيب النكبات لنا
حياة الترف عمره ماله طعم وبزاغين اول انبسطوا اكثر من اللحين
واول حلوة وحتى لو هي شقاء وحاله يرثى لها ومرمطه ههه
ماعندي الا امنية وحده بص وأتمنى تحقق أنا قنوعة جدا..


منين ناطله هذي صورة بسبوستنا..

[" TWIX "]

هوارة ..


يخلق من الشبهة ثلاثطعش .. هذا أنا يوم طايح عليّ المكيف ..
ادعو لي بالشفاء ..
تقولوي أيام أول وناسة ...!!
أي وناسة وأي انبساط وأي سعادة .. أنت مثل اللي يقول : أهم شيء الأخلاق ..!!
واحد ياكل جراد ببيت طين وواحد ياكل قمبري في شرم الشيخ
وين الوناسة بالله ..!!

[حـــكآآيـة رجــل]

.


الله يصبحك بالخير والرضى ههه
موضوع حلو واسلوب جميل بخفت دم راعيه
اتمنى نفس امنيتك ياليت نرجع صغار
شوي ورى ونعيش هاللحظات الحلوه لهذاك هـ الزمن
لكبر الواحد يحس بعمره يسرع مدري ليش !
بس ليش ماصفطت للي وراك وعلمته بالقصه والموضوع يمكن يعيش الجو معك ؟

[" TWIX "]

حكاية رجل ..

اقتباس: الله يصبحك بالخير والرضى ههه موضوع حلو واسلوب جميل بخفت دم راعيه

الله مير يسلمك يا بعدهم ..

اقتباس: اتمنى نفس امنيتك ياليت نرجع صغار شوي ورى ونعيش هاللحظات الحلوه لهذاك هـ الزمن

آه ..
كان أتدلع على أهلي ما أتعشى ولا أتغدى إلا بطلعة الروح
وخلي عمي (راعي العنز ) هلى خط الفقر بسبب طلباتي اللي مالها أول ولا تالي
أتغدى ببلاك بيري وأتعشى بـ أي فون ..

اقتباس: لكبر الواحد يحس بعمره يسرع مدري ليش !

عمري مسرع أحس أنه اللقطات اللي قبل أخبار العربية اللي يمشون ثلاثتلاف كيلوبايت ..

اقتباس: بس ليش ماصفطت للي وراك وعلمته بالقصه والموضوع يمكن يعيش الجو معك

لو أنا صافط كان واصلتك ورقة العزاء ..

[عاشق ديرتي بريده]

اقتباس: 11:32 am

يازين صباحك

شباب الوقت مستانسين ومع ذلك يقول كسل

مايدرون اننا منول نلعب والقده ماصورة الكهرب وحافين بالزفلت !

[" TWIX "]

عاشق ديرتي بريده

اقتباس: يازين صباحك

نسيت فارق التوقيت .. شولون القوايل عندكم ..
لا جيت تطلع الظهر مر المطبخ ولا عليك أمر وخذ 2 بيز
تعرف الدركسون تقل جمرة ..
إلا على طاري الجمرة كم درجة الحرارة عندكم ..؟!!

اقتباس: شباب الوقت مستانسين ومع ذلك يقول كسل

المشكلة أن المخدرات بزدياد والمتعاطين بالهبل يبحثون عن السعادة
أجل لو يعيش هالجيل في ذاك الزمن كان يتعشون على بودرة ويتغدون على طوبة هروين ويفطرون على حشيش ...!!!

اقتباس: مايدرون اننا منول نلعب والقده ماصورة الكهرب وحافين بالزفلت !

أول اللي قيه جرحين برجله وفلقة بالرأس نسميه الخكري ..

[SAGA]

نفس أمنيتي
لاشفت بزارين خواتي اللي معه آيفون _آي باد_بلاك
أتحسر على أيام مضت كان أقصى أمنيتي فيها ريكو عندي إنه باسكن روبنز
[aldl]http://t1.gstatic.com/images?q=tbn:ANd9GcQlyiDIE0Eljm1C5kL4TAgG82t8I6v_T S0CoM0Gs-UxNDNo24Qp-w&t=1[/aldl]
وإلا ذاك اليوم جيت للبزارين قلت من أخذ جوالي
كلهم ضحكوا علي ..قصدهم من زين جوالتس ناخذه أجهزتنا أزين <ماتفشلت أبد...
وعلى كل هذا مومقتنعين أبد....
شكرا

[" TWIX "]

SAGA ..

اقتباس: نفس أمنيتي لاشفت بزارين خواتي اللي معه آيفون _آي باد_بلاك أتحسر على أيام مضت كان أقصى أمنيتي فيها ريكو عندي إنه باسكن روبنز [aldl]http://t1.gstatic.com/images?q=tbn:ANd9GcQlyiDIE0Eljm1C5kL4TAgG82t8I6v_T S0CoM0Gs-UxNDNo24Qp-w&t=1[/aldl]

أما روكي .. هذا لي قصة معاه
أكيد أنتي خبرة فيه لما تفكيه يصير فيه كاكاو لزق على قرطاسته
كانن خواتي اللي أكبر مني يعطنن مشوار الطريق للبقالة ألحس لين أخليه يلق لق ..

اقتباس: وإلا ذاك اليوم جيت للبزارين قلت من أخذ جوالي كلهم ضحكوا علي ..قصدهم من زين جوالتس ناخذه أجهزتنا أزين <ماتفشلت أبد... وعلى كل هذا مومقتنعين أبد.... شكرا

يوم البياجر ..
أول ما طلعت بيجر عزمت كل عيال الحارة .. ووحطيت له عيد ميلاد
كل عام يروح ( سنة حلوة يا جميل )

[انتظرتك]

[SIZE="4"]

ناوي تاخذ زمانك وزمان غيرك ...!
الشيبان كانوا يطالعونك يوم انك بزر ومتكي
مع عمك بالصندوق ويقولون وش هالدلع
وتبدأ هواجيسهم بأيام التنقل على الحمير والكسافه ..
أيام ماكانوا يركبون ربع الطريق على الحمار
والباقي يكملونه مشي على رجليهم ...

اقتباس: مالقاها وإلا أكلها باردة مبردة إلا بزراين هالوقت أكل ومرعى وقلة صنعة

تقول اكل ومرعى وقلة صنعه ...!
يعني وش تبيهم يسوون ... تبيهم يدفون عربيات بسوق الخضرة

size]

[" TWIX "]

انتظرتك..

اقتباس: ناوي تاخذ زمانك وزمان غيرك ...!

لا مو كذا ..
أحب أدلـّع على أهلي .. بس
وأعيش حياة بريئة .. انام لين الساعة 12 ومحتضن دبدوبي
وأقوم وأفرش أسناني وبعدها تبدأ الطلبات .. اللي ما توقف ..

اقتباس: الشيبان كانوا يطالعونك يوم انك بزر ومتكي مع عمك بالصندوق ويقولون وش هالدلع وتبدأ هواجيسهم بأيام التنقل على الحمير والكسافه .. أيام ماكانوا يركبون ربع الطريق على الحمار والباقي يكملونه مشي على رجليهم ...

بلاهم ما شافوا خير ..

اجل يوم هم يشوفونن وانا ممسكا بالعنز في سيارة عمي اللي تدخن اللي يشوفه
يقول مدخنة كأنني ماجد المهندس في أغنية " والله واحشني موت " اللي صورها في لندن
لكن الفرق ماجد المهندس ضباب وأنا عادم سيارات ..!!
كان يتمنون يكونوا مكاني ...!!
صحيح العقل نعمة ..

اقتباس: تقول اكل ومرعى وقلة صنعه ...! يعني وش تبيهم يسوون ... تبيهم يدفون عربيات بسوق الخضرة ...!

أبي يشوف أهله مثل ما يشفون طلباتهم ..
أبيهم يقابلون الإحسان بالإحسان .. لا يصيرون أنانيين ..

[انتظرتك]

اقتباس:  المشاركة الأصلية كتبت بواسطة " twix "     بلاهم ما شافوا خير .. اجل يوم هم يشوفونن وانا ممسكا بالعنز في سيارة عمي اللي تدخن اللي يشوفه يقول مدخنة كأنني ماجد المهندس في أغنية " والله واحشني موت " اللي صورها في لندن لكن الفرق ماجد المهندس ضباب وأنا عادم سيارات ..!! كان يتمنون يكونوا مكاني ...!! صحيح العقل نعمة ..

أيهم افضل صندوق وعنز ولو كانت الدنيا ضباب
والا ممشى رجليه وتسحيب حمار وغبرة سوقه ..؟

اقتباس: لا كنت انا اللي اجيبه لأمي علشان تسذا مانسيته

لو كان فيك خير ماجبتيه لأمك والا تتلذذين بشوفة غيرك يرغي ..!
برضه هذي شي من اللعانه ...

[فديكا التميمي]

اقتباس:  المشاركة الأصلية كتبت بواسطة انتظرتك     لو كان فيك خير ماجبتيه لأمك والا تتلذذين بشوفة غيرك يرغي ..! برضه هذي شي من اللعانه ...

بس من يومي كنت اطيع امي ماارفض له طلب
برضو به لعانه على قولك

[عزف الحقيقة]

هيضتنا ياتويكس

00

أنا مادري وشلون كنا نمشي بالزفلت الظهر

بدون انعال

؟!!!

أطفال هالوقت أكلينه بارده

ياويلي ياحنا حتى الفيشار مانعرفه

00

شفت واحد كبير يناظر افلام كرتون

وياكل فيشار قلت وش تسوي

قال اعذرن تراي محروم يوم انا صغير

أثر البزران لاقينه ونا مدري

!!

[" TWIX "]

عزف الحقيقة

اقتباس: هيضتنا ياتويكس

على أيش ..؟!!
على طفولة وليم بت ..

اقتباس: أنا مادري وشلون كنا نمشي بالزفلت الظهر بدون انعال ؟!!!

حتى هذه الظاهرة مقلقة العلماء وخاصة صانعي الأحذية
مرسلين مندوب لهم لأحد عيال الخبوب يأخذون منه عينه وبالتحديد (ماطا ) رجليه ..

اقتباس: أطفال هالوقت أكلينه بارده ياويلي ياحنا حتى الفيشار مانعرفه

الحمد لله .. كنت آكل تراب في ذاك الوقت
حتى أن عمي راعي العنز جايب ( سهلة ) جديدة وعزمت عيال حارتنا وجلس نآكل يوم
جاء عمي آخر النهار .. قال : مهنو ملعون الجدف اللي سرق نص الشحنة ..

اقتباس: شفت واحد كبير يناظر افلام كرتون وياكل فيشار قلت وش تسوي قال اعذرن تراي محروم يوم انا صغير أثر البزران لاقينه ونا مدري !!

كانه مبنطبح على بطنه ورافع رجلينه وراء هذا أنا ..