تويكس وأيام النكبـــــــــــــــــــــة ...!!

[عذبـــــة]

تششششش
وانا من اشوف رمزيتك يطيح قلبي واقول وش هالشاب الوسيم اللي رموشه واصلات جبهته من الزين والكشخه ..
باين انه ولد عز من صغره ولا قد مرت عليه نسمه حاره ..
صارت هذي علومك يوم انت جذع .. !!
الراس بريق شاهي والصديقه عنز واغلب وقتك بصندوق داتسن
خلاص تراني هونت ..

اقتباس: * مناسبة الصباحية : لأني أول مرة أكتب موضوع بالصباحية وقلت فرصة نصبح ع الغالين ..

خلاص عقب قصة المأساة لاعمرك تكتب موضوع الصباحية عشاني بس يشقون بنا الناس وهو ماصار شي

[جناااات]

لالالالالالالالالالالا بعد ياتويكس

مبزرة المتوسط مايبون نجاحه ايبود الايبود للبزارين الي بالابتدائي

هم لهم الايبااااد <<<< الله يالدنيااا يوم حنا كبرهم ياااااااااطعم الخمسه نجاحتناااا من عمي


عاااااااااااااااااد تصدق جيل هالوقت والترفيه الزايد عن حده قتل برائه الاطفااال

[" TWIX "]

O2...

اقتباس: لـــ ( صنة الشمس ) على قرعتك فائدة مستقبلية جنيت ثمارها الأن ما أجمل ( المصنونين ) على رؤسهم صناً مُبرحاً فــ تجدهم أكثر فناً وحرفية في التعامل مع الحياة وتجدهم أكثر مقدرة من أولائك اللذين لم ( تصنهم الشمس ) على التكيف مع تقلبات الحياة ومواجهة أمواجها دون تردد المصنونين على رؤسهم والذين سقطوا على الأسلفت وأنقشعت جلود ركبهم والمتعلقين بــ الصدام الخلفي لجمس او بــ الأنسه ( هاي لوكس ) والراكضون داخل غياهب دخان سيارة ( الفليت ) والذين قد ( تنبخت ) أرجلهم من المشي حفاة على الأرض التي ( تلطع ) من حرارة الشمس ... هم .. من لديهم ذكاء ( شوارعي ) إذا جاز التعبير .. أكثر من المصنونين على أعينهم بفعل إضاءة اجهزة الكمبيتور وآي باد وباقي الشلة والمصنونين على أعينهم لديهم ذكاء تقني ومعرفي سعى هو اليهم بحكم أبجديات عصرنا الحالي

إحنا وأمريكا سواء ..
أمريكا عندهم حدث كبير أذهلهم وهو 11 سبتمبر .. وإحنا عندنا ماضينا المعفن ..!!
اللي يرفع ضغطي في أي مناسبة لهالبلد يستعرضون بهالماضي ..!!
بالله عليكم أيش تستعرضون فيه .. ؟!!
صراحة .. لا دخلت أي معرض وأي مهرجان .. ما أروح لأي ركن يتكلم عن الماضي النكبة
أنا جاي أنبسط .. مو جاي أقلب المواجع .. رحت في ربيع بريدة وشفت لعبة قام بها فرقة بابا فرحان
وقلت يارب أجعل هذه سنوات النكبة في موازين حسناتنا ..
لقطات من ماضينا المعفن :

حتى العنف ما يفارقنا حتى في الألعاب .. !!

هذا اللي يسمى السرك .. مو عندنا الآن السيكل اللي يمشي على السلك عندهم هالحركة البهلوانية وهو
أن كل واحد معه ( دنانة ) ويدفها بعصا .. شوف الخارقون للعادة أيش يسون .. أذكروا الله عليهم ..

أنا بدري وش جاه هذا يوم يتميلح قدام البنات ..؟!!
الله لا يعوق طاب .. طاب .. على وجهه لكن السؤال كم متر غاص وجهه بالأرض
ووشلون أسحبوه .. ؟!!

وهذي لعبة الكاتم .. يكتمون الواحد لين يفقد الوعي مثل المصارعة منول على وقت ( سنوكا )
يوم يمسك المصارع مسكه منومة حتى يفد الشعور ويشيلونه تقل فطيسة ...!!

هذي ماهي لعبة .. هذي اقامة حد ...!!!
الله يا ماضينا .. والله عليك يالجنادرية ..المشكلة أنه يصرف عليها آلاف مؤلفة وناس تترك زوجاتهم وعيالها
والسبب الجنادرية ..!!
O2
تقولي إن ( صنة الشمس ) لها فائدة .. أي فائدة بالله ..؟!!
وين الفوائد ..؟!!
أزين ما في صنة الشمس أنها كانت تقضي على أي حيوان صعنون يدب فوق فروة الرأس مثل ( القمل )

اقتباس: انا عكسك تماماً حياتي في صغري كانت مترفة جداً وربما أكثر من أبناء هذا الوقت ولكن بحسب أبجديات عصري الطفولي والأن .. أنا أتمنى ان يعيش ولدي حياة ( به كسافة شوي ) وأن يشرب الحياة كما شربها ابوه .. من قعرها ليفقه لغتها ويحترمها أكثر شخصياً .. اتضايق كثيراً من هذه التقنيات وتعلق الأبناء فيها وانا دائمة المقارنة بينهم وبيننا ... وأشعر بإن روح الجماعة الموجودة في الطفولة السابقة قد أنقرضت

اعقلي ..
وخلي ولدك يعيش حياته زي الناس ويحس بالآدمية
شوفي حالتي .. أحس أن سنين من حياتي مخطوفة والمشكلة أحلاها ...!!
خليه يهيص .. ويستانس .. ترى ينحرف بكرا لا كتمتيه ..!!
لا تعيشينه بزمن غير زمنه .. لا يغرك يوم أنا بالددسن .. صحيح إني مبسوط حينها
لكن ماتوقعت إن بيجي وقت وأضحك على حالي ..!!

[الأرجوانه]

^^
لاتاخذين راحتتس بسب بزران المتوسط قوه
ههههه اكيد وش نبي ب الايبود ض٢

،
هههههههه تويكس صراحه اعذرك ، اجل صلعتك صايره تقل بريق
وين اللي يقولون زمان اول احسن من اللحين
شقى + شقى ، وش زينن به !!!

بس زينة موضوعك طلع المستخبي > تقراء ذكرياتكم ومتسدحه ضحك
كل يوم نزل موضوع الصبح مادام فيه فضايح


لكٓ ودي

[" TWIX "]

فديكا التميمي ..

اقتباس: شف هالرابط بعده تعرف من مستانس أكثر ,,, http://www.buraydh.com/forum/album.php?albumid=550 ياطعم ذيك الايام ,,,

فتحت الرابط وجتن كتمة ..
شفت أشياء مرعبة .. وأشباح ..

[" TWIX "]

يركدون..

اقتباس: هههههههههههههههههههههههههههههههههه ياساتر وش هالحياة اما قرعة وشمس وصندوق ددسن وخروف والله ياعندنا ضحايا مجهولين ههههههههههههههه

من لطمتك عرفت إنك أحد الضحايا اللي تتكلم عنها ..!!
الله وأكبر ياللي عايش بـ دبلـن .. !!
من تقاسيم وجهك تقول إنك من القصيعة أو العاقول وشايف غرابيل بقعاء
يوم جيت للوقت هذا للحين مو مستوعب تحسبك بالـ ( الجنة )
أقول :
أدع ربك أن الله ياجرك بالسنين اللي مضت ..!!
ولا تلف وتدور علي يا حسين فهمي القصيعة ..

[محارهـ]

[align=center][tabletext="width:100%;background-image:url('http://www.u06p.com/up/upfiles/8ih77421.gif');"][cell="filter:;"][align=center][align=center][tabletext="width:90%;background-image:url('http://www.u06p.com/up/upfiles/crk71065.gif');"][cell="filter:;"][align=center]

* السلام عليكم

إ

اقتباس: حنا وأمريكا سواء .. أمريكا عندهم حدث كبير أذهلهم وهو 11 سبتمبر .. وإحنا عندنا ماضينا المعفن ..!! اللي يرفع ضغطي في أي مناسبة لهالبلد يستعرضون بهالماضي ..!! بالله عليكم أيش تستعرضون فيه .. ؟!!

ماضي معفن ( حرام عليك .. ! )
وعلى الأقل لدينا ماضي ولسنا مثل أمريكا التي هي بدون ماضي
ثم أن ماضينا هو نتاج بيئتنا وماهو متاح لدينا من خيارات
فـــ أنت في صغرك كان ( صندوق الدتسن ) هو بمثابة ديزني لاند
والعنزة التي تحتضنها هي بمثابة ( قطوة شيرازية )




مجرد أستفهام ... ؟
ماضي الأخرين من الشعوب الأوربية وامريكا اللاتينية يجذبنا
في حال كنا في إحدى تلك الدول
بينما ماضينا بما فيه من رقصات والعاب تجعلنا ( نبحث عن جلال صلاة نتغطابوه من الفشيلة )
لكن .. وعلى طاري عنتزك
يبدو أن عنز الفريج ماتبي إلا التيس الغريب

هل هي أزمة ثقة مثلا ً ... ؟

قبل أن أغادر ديارك المنكوبة..
مازلت أحترم المصنونين على رؤسهم جداً

شكراً *

[/align][/cell][/tabletext][/align][/align][/cell][/tabletext][/align]

[" TWIX "]

انتظرتك ..

اقتباس: أيهم افضل صندوق وعنز ولو كانت الدنيا ضباب والا ممشى رجليه وتسحيب حمار وغبرة سوقه ..؟

وإلا FXR 2011 ومعي بلاك بيري وشعري مايعرف الموس والمكيف على وجهي وأقول لعمي
روح لـ كنتاكي أطلب لي وجبة .. وبعد ما نخلص أقول له ولا عليك أمر ما تبي نمر قهوة ونضرب معسل ع السريع ..
أنا أبحث عن الأفضل ..
بالصورة الثانية كأنك تعطين ورقة مكتوب عليها : سجن مؤبد مع الأعمال الشاقة >> متأثر بالأفلام المصرية ..

[" TWIX "]

بسومة بريده

اقتباس: ضحكتني وانا مالي خلق...

هذي مأساة مو مسرحية كوميدية ..

اقتباس: موضوع لذيذ اخاف ادخله مااطلع منه يوصل عشر صفحات من قرقي وتويلي على ايام زمان..<<والحين مادخلتي

آه .. لو أتحفتينا بماضيك الجميل .. معي علم أن الأمور من بعضه ( المسألة كلها عور وينشق )
لكن مكيجي اللي ما يواجه أو شفريه ..!!!

اقتباس: لا مريت من الباب بس... قريت موضوعك وانا اضحك ورديت عليك وانا اصيح... اه على زمان وايام زمان..

موضوعي ظاهره الفرحة والوناسة وباطنة الكدر والهم
والسبب أننا نناقش ماضي عتيد ..!!
الله وأكبر ياماضي كرستينا أوناسيس ..

[نرسيان]

والله شكل أطفال المملكة قبل ثلاثين سنة او اكثر عاشوا نفس الظروف
ووسائل الترفيه نفسها
عموما اخ تويكس أطفال اليوم لو نحكيهم عن مغامراتنا ماتعجبهم ويحمدوا ربهم انهم ما اتولدوا في زماننا
وهذا اللي صار مع اختي الصغيرة كنا نحكيها واحنا حزينين على طفولتها وكلنا فخر بأيام طفولتنا
طالعتنا بعين مذهولة وقالت الحمدلله أني ماتولدت في أيامكم هذا واحنا كنا مرفهين وحياتنا تختلف عن أقاربنا وجيراننا
بس قالت أحلى شيءً كان عندكم اختلاط
ونفس الشيء لما اهلي يحكونا عن حياتهم تستغربها وتشوف نفسنا عليهم
عموما الوقت اختلف وتركيبة سكان الحي اختلفت زمان كلنا اقارب وجيران ومافي خوف في اي وقت نخرج فيه
اما حاليا مستحيل اخلي ولدي يختلط كثيرا بالجيران او اتركه في الحوش حتى لوحده العمالة منتشرة بكثرة في الاحياء
وماتضمن الجيران حتى
هذا اللي خلاني أتنازل واجيب له بلاي ستيشن وأي بود


وبما انه الموضوع صار فضفضة وذكريات
زمانىكل شيءًله وقت معين ونكهة
*

[" TWIX "]

هجير أمنيه...

اقتباس: هو فيه احد يتحسرعلى أيام الشقا أيام زمان ....

أنا وبكل فخر ..

اقتباس: أغلب اللي عاصروا حياة التقشف وعاشوا حياة النعيم الان يتمنوا انهم يرجعوا للماضي بس عشان يحللوا كل لحظه 000قصدي متشفقين على على الحياة الصعبه انا من كثر ما اسمع الوالد والوالده يحكوا لبعض عن حياة زمان وبطولاتهم اتمنى لو عشت معهم لو يوم..

هذا يسمى كفر بالنعمة .. إذا كانوا صادقين فيما يقولوا ..!!
لو تجي الحقيقة ويقاله صادق أنت أنك تحب ترجع..؟!!
كان قال : معاكم الكاميرا الخفية ..
والسبب أنه بيشوف غرابيل بعد حياة النعيم ..
لا تصدقين سواليف العجايز .. يمكن يتمنون ترجع حياة القوة والنشاط
والسبب يمكنهم جالسين الآن مثل الأخوة ..
ماء السخانة طلع الشتاء وهو ما تغير ..
والصدأ بدأ يآكل السخانة وهي ما غير للهواء والشمس ..
وكهرب يدهر ع الفاضي .. أكيد يستعملون الرمزية في أمنياتهم بوجودك ..
يارب ترجع لهم شبابهم أول وقوتهم وتخلي السخانة ما ترد عليهم
وروسهم تقل كنديشن بس ينقطون ..

[نرسيان]

تكملة الرد
عكس الزمن دا كل شيء متوفر وفي كل وقت
يازين العصرية نتفرج افلام كرتون وافتح ياسمسم مع البيبسي والفش فاش
ونجهزها من بدري كمان
حاليا افلام الكرتون طول الوقت

[" TWIX "]

زنقا زنقا ..

اقتباس: ياشين اللي يقلب عليك المواجع

أي مواجع ..
إلا قل قتل مع الترصد ..

اقتباس: ااااااااااااااااه تذكرت يوم حنا نركب بالصندوق ونروح لخوالي بالمزرعة والطريق اكيد رادميه وبطانيج ومن قراده الحظ نمر من جنب "مقطر" اثل وابوي يباري الاثل اخف للبطناج همن طرف الاثل يصير قريب وفي يوم مشؤوم مسكت طرف الاثله مادريت الا انا على خشتي بالارض الى الحين اثر الصعرور يوجعن

بس صعرور .. متأكد ..؟!!
من بكرا رح لأقرب دكتور عظام يكشف عليك ويشوف نوعية جمجمك
هي مثلنا وإلا مخلوطة بصلب .. تقول بس صغرور ..

اقتباس: ياحياة الكسافة اطلق هوايه تطليع المطايير بالقلبان والا نمسك سير المكينه ونخليه يرقينا فوق عاد ذاك الوقت المكينه نروح نقعد عنده لانه شي غريب

اقتباس: من غير وغير وغير

أقول يا زنقا زنقا ..
أبعد اللاب توب شوي وأسجد سجود شكر لله إنك حي لـ هاللحظة ..
هذه هوايات وإلا أحكام تعزيرية ..
الآن .. أعترف إني كنت مدلل في حياتي .. صدق اللي يقول : بالضد تتميز الأشياء ..!!
الحمد لله يارب .. وشكرا يا عمي أنت وعنز ..

[نــف نــف]

آكتشفت مؤخراً مو بس آلمـآضي يختلف حتى آلآشكـآل .,


وش جـآب آلثرى للثريـآ

[سَـاكنة القـلب]

تذكرت يوم أنا في آخر صندوق ددسن عمي ومحلّق قرعة ودميجتي تلمع من أشعة الشمس الحارقة ..
وينبعث منها أدخنة علامة للتكتير حرارة حارقة تبلغ درجتها أنذاك ما يقارب 52
يعني باقي كم درجة وتصل للغليان ويصير راسي بريق شاهي ما بقى إلا تلقمه سكر ..
آه يالرومانسية .. آه ياولد الدلع ..


اليوم أنت أروع إنسان في الدنيا ..

ويا رب يا حي يا قيوم تسمع خبرية حلوة قبل شروق شمس باكر ..
ضحكت أمي من خـــااااطر على جزئيتك هذي ..

عمومًا ..
طفولة عن طفولة يا تويكس وأتوقع فيه أحد بالزمان هذا يعيش نفس طفولتك..
لأن عندي صور ولد خالتي وعمره الآن 35 سنة وكان عايش آخر دلع ..
حتى الكدش سابق العالم فيه (:

وأنا أميل لرأي شهد بقوة ..
الطفولة الهادية ما يكون فيها ذكريات عليها القيمة لذات الشخص يسترجعها بحنية ..
وفي نفس الوقت ما تستاهل تحكيها لأبنائك وأحفادك .. !
بعكس طفولة المغامرات والإثارة .. ولو كانت صعبة !

أما طفولتنا بالذات فأنا اعتبرها المرحلة الذهبية اللي مستحيل تتكرر على الأجيال ..
لأن فيها دلع مناسب ومطلوب ..

أفلام الكارتون كانت تساعد بقوة على النجاح والطموح والأنوثة وربي إلى يومي ما أنسى لولو الصغيرة ..
أجمل أيام العمرِ ... أيامنا الدراسية
يالجد وبالعلمِ .... نخدم البشريـة
(:
وألعابنا كلها حركة ، وعرايسنا مهيئتنا للأمومة صدق .. وعلاقتنا في بعض قوية ..
أما هالجيل جاته هشاشة عظام من قعدته الخاطئة على الآيبود وأشكاله ، وراحت عيونه وماله علاقات قوية لأن تواصله مع أحبابه وأصدقاءه غير مباشر ( أغلبه على أجهزة التقنية ) .. ويكمل الناقص بأكله المفضل اللي يا وجبات سريعة كلها سم أو مواد حافظة .. !!

شكرًا جزيلًا لك ..