ألا تُردن البركة ؟

[هنري]

اقتباس:  المشاركة الأصلية كتبت بواسطة قـتـالـه     قليباتنا تفرك على الرياضه اقلها نلهى عن وجع القلوب ونتعب وننخمد زي الاوادم مايقومنا الا الدوام لعلمك ايها الهنري اقتنيت جهازين وشفهن بغرفتي استخدمهن شماعات للبس اللي ابلبسه الصبح ! والنوادي رحت لنادي مشهور بطريق التخلصي كل السحا يعرفنه جامعين لهم 100 بنت بغرفه 4 × 6 واذا مديت يدي ابسوي التمرين قالت اللي بجنبي دوكم هذي تحرشت فيني وش اتحرش ووش اخلي الله يهديتس انتي لو يتحرشبتس افغاني ماجبتي خبروه من هالطبقات الدهنيه هذا غير القرف والطماله والاجهزه الخربانه اكتب وصيتي قبل مااطلع على حداهن اخاف تنقلب لمقصله وانا بوسطها !! والا الممشى .. وماادراك مالممشى هه ماانتصف بالدوره بحديقة الاسكان الا معي خمسة ارقام :/ شي مكتوب الرقم على ورقة مقاضي وشي كاتبلي الرقم على فاتورة وزن اذرعه واللي كاتبه بقفا قرطاسة علك هه

أهلاً قتالة،

تأكدي أنك لست الوحيدة من معشر النساء والاتي يستخدمن أجهزة الجري كشماعة للملابس وأحياناً لتجفيفها !؟

وفي هذا تظهر الأفكار النيرة لدى بعضهن

..............

،وبخصوص الأندية الرياضية أنا أعلم أنها قليلة جداً وإن وجد مكان جيد فهو يعتبر غالي الثمن على بعضهن، وكذلك الحدائق المخصصة للمشي فيها سلبيات ويمكنك أن تتفاديها بإصطحاب أخيك إن وجد طبعاً.

.............

ولكن فاجئتيني، " بالترقيم " لازال الشباب يكتبون على ورق ويرمونها بالحدائق

ألا زالت هناك شرذمة تفعل ذلك!

............

ولكن ياقتالة لاتدعي شيء يثنيك عن صحتك، وسعادتك واقرأي في ردي الثاني على الأخت محارة بخصوص السعادة والرياضة.

شكراً لك وأتمنى لك صحة جيدة دائماً.

[قـتـالـه]

اقتباس:  المشاركة الأصلية كتبت بواسطة هنري     تأكدي أنك لست الوحيدة من معشر النساء والاتي يستخدمن أجهزة الجري كشماعة للملابس وأحياناً لتجفيفها !؟ وفي هذا تظهر الأفكار النيرة لدى بعضهن .

وآآغربالي منك ايها الهنري . .
اتراك تحدق الى البعيد من خلال نافذتك الارستقراطيه
وتزم شفتيك متأملاً حال نسوة نجد !
وتجول بمخيلتك صور لأرتال نساء متكومه ومتكوره
لايعرف لها قفا من وجه
ويح لتلك المطمئنات اللاتي
لعبن بحسبة اجهزة تعبت عقول الرجال في تصميها
اطمئن ياصاحب البالطو ومنتظر القطارات
فما زلنا نحشمها ونكرم اصلها بقدود لينه لم تصل للاكتناز
وكيف لا
وهي تختبئ بمخدع انثى هائمه
بلوعتها صائمه الا عن مايؤجج ساخن دمعها
وتقاسمني خيبات انوثه ومخوش سيقان
< كل صبح تخمع بطرف جهاز السير هه
والا وغداننا ياصاح
يجمعون الجهازين متقابلات ويحطون عليهن جلال الصلاة
وهم بوسطهن تسنهم عرب
كني انتصر لعروبتي لشفتهم
مسوين كذا
اقولهم هذي اسمها لعبة (تعريب الاجهزه )

اما عن اصطحابي لأخي ان وجد
فيبدو انك فعلاً من ربايا فرانكفورت ..!

الخوف على ذلك الاغر اكثر من قتاله !
عشنا وشفنا الزمان اللي لازم بودي قارد
من امام وخلف الغلمان

ابو قصيصه هذا مايطلع للبقاله
البقاله هي اللي تجي للبيت

امي تقول يالله نكبع عيالنا عبايات وعساهم يسلمون !!

اقتباس:  المشاركة الأصلية كتبت بواسطة عذبـــــة     قالي واحد منهم سجلي الرقم عندك صفر خمسه خمسة .. بس شوفي لاتدقين الحين .. لا أشوف رقمك لين تنحفين هه

لو انا تسان اصير تقل نباطه من النحف مغثتاً

[هنري]

اقتباس:  المشاركة الأصلية كتبت بواسطة قـتـالـه     وآآغربالي منك ايها الهنري . . اتراك تحدق الى البعيد من خلال نافذتك الارستقراطيه وتزم شفتيك متأملاً حال نسوة نجد ! وتجول بمخيلتك صور لأرتال نساء متكومه ومتكوره لايعرف لها قفا من وجه ويح لتلك المطمئنات اللاتي لعبن بحسبة اجهزة تعبت عقول الرجال في تصميها اطمئن ياصاحب البالطو ومنتظر القطارات فما زلنا نحشمها ونكرم اصلها بقدود لينه لم تصل للاكتناز وكيف لا وهي تختبئ بمخدع انثى هائمه بلوعتها صائمه الا عن مايؤجج ساخن دمعها وتقاسمني خيبات انوثه ومخوش سيقان < كل صبح تخمع بطرف جهاز السير هه والا وغداننا ياصاح يجمعون الجهازين متقابلات ويحطون عليهن جلال الصلاة وهم بوسطهن تسنهم عرب كني انتصر لعروبتي لشفتهم مسوين كذا اقولهم هذي اسمها لعبة (تعريب الاجهزه ) اما عن اصطحابي لأخي ان وجد فيبدو انك فعلاً من ربايا فرانكفورت ..! الخوف على ذلك الاغر اكثر من قتاله ! عشنا وشفنا الزمان اللي لازم بودي قارد من امام وخلف الغلمان ابو قصيصه هذا مايطلع للبقاله البقاله هي اللي تجي للبيت امي تقول يالله نكبع عيالنا عبايات وعساهم يسلمون !! لو انا تسان اصير تقل نباطه من النحف مغثتاً

من نافذتي الأرستقراطية أقول لقد أضحكتيني، وأثرت إعجابي ولقد أرحتيني كذلك،
فلقد اطمئنيت لتمسك النساء بالأصالة ، وإعمال الفكر في كل شيء وإختراع طرق مبتكرة للإستفادة منه ، وعلى النمط العربي الأصيل.


....................

بالنسبة للأخوة ، أحسبهم رجالاً وهم كذلك

..............

أهلاً بك دائماً.