ويــــن أروح ...؟!!

[" TWIX "]

تركـــي ...

اقتباس: تويكس ... يقولون موظفين السعوديه حاليا أهم من وكلاء الوزارات وتلقاهم حاطين الجوال على موجود طوال الوقت اذا أنت مهم ردو عليك واذا أنت من نمونة مشكور ويعطيك العافيه طنشووك ..

هذا وقتهم .. إذا ما تنيذخوا هالوقت متى يتنذخون ..!!
خلهم ينبسطون .. خلهم يحسون بأهميتهم .. هذي فرصتهم
وكل واحد له فرصة يشوف فيه نفسه على الأخرين حتى صاحب البوفية
في الصباح والناس عليه تقل يوم عرفة يشوفك ولا يعبرك ..!!
يعني كلها لين 1 رمضان بعدها بيفك خدمة موجود .. لأن الناس تدور
أفضل قاري وأزين توت وأحسن واحد يصلح سمبوسة .. وهذي الدنيا ..

اقتباس: وبالنسبه لأم الدنيــا ... مشكلتهم من المطار للمطار وهم متعنقطين فيك يحسبون كل سعودي يهل من نفود درهمان .. كلهم يبون من التورتة يحسبون كل سعودي يجسم قروش .. يازين كورنيش ابومؤيد مع نفحات الأطلسي ..

أنا شافن كم مصري كاشخ وأنا على النيل .. قالوا : بس هذا الفايز وزير الخدمة المدنية
وكل واحد يقول : أبغى وظيفة عمل بالسعودية ..
وأنا بس آخذ أرقامهم وأقول أول ما أنزل السعودية برسل لكم طيارة خاصة تضفكم ..

[" TWIX "]

قـتـالـه...

اقتباس: لاتحاول تخرب شيخي تويكس وتطيحه من عيني نوبات استفتيه بأمور الدين المستعصي علي ادراكها ومرات يجود علي جزو عمآ وش اللي خابر وماخابر .. :|

لا ثقي يا طالبتي النجيبة أن شيخك على قدر من المسؤولية ويعرف ما يحاك ضده
وأن أي كلام نظري لايهتم به ولا يلقي له أي بال
لكن المشكلة .. بالعملي .. هذا اللي يخلي شيخ في خبركان وتلاقينه في أقرب مركز للهيئة ..

المهم قتولة ..
بخصوص سؤالك .. قولي للسائل : يفعل ولا حرج ..
وجودي سورة الممتحنة بكرا تسميع ..

["غرك غلاك"]

سيد تويكس بيك السفر للسياحة والاستجمام
المتعة فيها ماهي على المكان اللي تروح فقط
هي تتوقف على السايح نفسه وطريقة تعامله
مع البلد اللي يروح له وذلك من حيث البحث عن الأماكن
الجميلة والقدرة على التعرف عليها والتعاطي معها..
يعني مثلا شخص ذهب لباريس وشخص ذهب للطائف
هذا لايعني أن الأول استمتع أكثر من الثاني..
يارب تكون وصلت الفكرة..

[احمد النجم]

تويكس

كان ماتهيء حجز ولا على الخطوط المصريه

خابرك (زرقه) تصلح لك ولاهي بعيده !
بس تبي ضلوع قويه

بس لايروح بالك للدائري وشغل كواتم
اخاف لاحطيت (الفراضه والقويصره) <هرجه الفطًر
واثرك ناسين البلاف حق الكاتم !!

[أحتآجه وأجهل مكآنه]

اقتباس:  المشاركة الأصلية كتبت بواسطة " TWIX "     شوفي العضو : حلم وأنتهى أنا أعده مثقف لأنه أعطاني نبذة بسيطة عن طبيعة أوادم السودان وهذي خدمة لن أنساها له .. وبدعي له أن دائري بريدة يصير كله مسطح خضر

.



انا ابيلك الخير
واذا تبي ثقافه اي دوله علمن بس بشرط <<
ابيك تدعي لي ( واهم شي )
اذا رحت هناك ( تتثاوب لي ) عن اي شي تسويه وتقول هذا لخوي حلم !

[Miss Tala]

اقتباس:  المشاركة الأصلية كتبت بواسطة " twix "     فديكا التميمي... مشكلتكم أنكم تحصرون السفر بكأس وبنت ...!!! السياحة اطلاع على ثقافة الشعوب الأخرى .. أنتِ مثل أخوي ما كد طلع برا يقول أخاف لا طلعت يتشعمطن بي البنات .. ما خذ بنفسه مقلب راغب علامة .. ورافض فكرة السفر لهالسبب ..!!

هههههههههههههه من جد اخوك !!
بصراحه اذا بس هذا السبب اتتوقع يشابه راغب علامه لانه ذاك بكل مكان بلش بالبنات ...

السفر غير الثقافات وكل كلام الجاريد ذا يكفيك تغيير جو ومن جد مكان حلو ...

[Miss Tala]

نط لاقرب مكاان نطو له الخلق (تركيا) رخيصه ومكان حلو وكفخ وكفيخ وتصلح للشباب ...تقل كشته

بس مصر اذا انت راعي وناسه وضحك المصرييين هم اهلها ....ياخي روح هماك بس توسع صدرك و ترجع وانت مبسوط هذا الزم ماعليك ...

لاتخلين ارز لك صور سفرتي الاخيره بجزر المالديف تشيب الراااااااس من الهوالات اللي به ....(هههههههههههههههههههههههههه

عاد لاتنسى تقولنا وش قررت عليه .....ام الدنيا والا ست الدنيا لبنان (((

[To Be]

قتالة :
وهو ماعمره تعدا حدود السالميه ومشع عسيب النخله اللي متركي

الحين ماكان في العالم الا السالمية
ما غ ير استهتار وتحطيم

لكن ما اقول الا : يا حول ياللي ماعنده سالمية

الا علي طاري السالمية : تراني ما أميز بين السالمية والسويلمية
اي اللي تعنيين أنت السالمية او السويلمية ؟*

[بسومة بريده]

انا ممن يستهويهم السفر وودي اسافر لو بالحلم..

احب المصريين واتمنى اروح لمصر...

والمسلسلات التركيه خلتني اتشوق لتركيا واجواءها...

ولو هي بيدي كان لفيت العالم خصوصا اوروبا..

مشكله اذا عندك هوايه بس مالقيت احد يساعدك انواع التحطيم...

[" TWIX "]

قـتـالـه...

اقتباس: ندخل على الله مدحوا لنا تجويده وحنا عندنا مشكله بالقلقله خبرك اهل الشمال يكسرون نهايات الحروف ومن نشدناه قال مالكم الا تويكس وهذانا هاجين حنوكنا وحاطين عودان لاينصكن لين يمر علينا ويشوف وش الضبنه

أبتلشت بالناس الواحد ما يآخذ نفس
رجال الحارة سروات عند بيتنا الواحد ما سك " حنتسه " وعنده مشكلة مع القلقة ..
وحريمهم برضه سروات لكن مشكلتهم مع المقلقل يقلون أن اللحم يجزز مع الطماط ..
صاير حضرمي بالصبح مقري وآخر النهار شيف ..

[تَمَرّدْ]

دايم ادخل مواضيعك بالغصب

تسذا سبحان الله الفاره تضغط من نفسه وما ادري الا واشوف توكس النشبه قدامي

+

شف والله انا كل عمري ما اطلع من الشاميه مع بنات عمي وعيال عماني >ماندشر الا بمكه انتم مثلنا

بس من هدت الشاميه وعقبه مارحت تغيرت وجهتي

رحنا ديار توحش رجعت لبريده وعيوني خضر لدرجة اشوف كتبتة التويكس خضراء >العن ام الدعدعه

شف عندي عرض مغري صراحه ,تروح معنا لذيك الديار والثايه وغثاه عليك ..؟

قسم ان تستانس بلا مصر بلا هم والعرض حصري ولفترة محدوده

[" TWIX "]

الصمت الخجول...

اقتباس: معروفة وجهات أغلب السعوديين وتكاد تنحصر في ماليزيا و تركيا . وتتفوق الثانية على الأولى جوًا ونظافة ، و أوزنجول بالذات جنة الله في أرضه. ومؤكد أن الهدف من السفر + الميزانية المعدة له هما من يحدد المنطقة ، فهناك من يحتمل ( دبي ) وهي جحيم مستعر – وقانا الله ناره - .

ماليزيا .. دولة سياحة درجة أولى لكنها لا تصلح للسلاتيح مثلي يعني عوايل لا تدور غيرها
أما تركيا .. رعاياها اللي هنا ما هضمتهم ولا أطيقهم .. كيف بروح أعيش بوسطهم وأصير واحد منهم
أحس التركي نفسه ما يهضم روحه .. عليهم ثقل طينه ماكد شفتها ..!!
لكن على شانك بدرجها من ضمن الخيارات وإذا ماجازت لي بحسبها بالريال السعودي وتسددين تكالبف
الرحالة مع الأتعاب ..

اقتباس: ماذا عن اب اليمنية لمن زارها ؟! صورها تحبس الأنفاس وأعتقد أنها مناسبة وممتعة لمجموعة شباب .

هه ..
قبل يومين فار من السجن باليمن 64معتقل من القاعدة
الله وأكبر يالسمعه الزينة عاد .. أول ما تقول أنا سعودي إذا كان في بلد منحل قالوا أمسكوك ولفقوا عليك قضية أخلاقية
أما إذا كان البلد في حالة حرب أو زعزعة في الأمن أول ما يمسكونك
يقولون أرهابي .. يعني رايح رايح ..

اقتباس: مصر غريبة جدًا وتثبت مثل المصريين ( اللي يشرب من مية النيل يرجع لها ثاني ) ! مع أن أبسط مقومات السياحة – من وجهة نظري – تخلو منه .. ! لا نظافة ، لا ترتيب ، زحمة مرورية خانقة والإشارة تضيء وتنطفئ عشر مرات لتتحرك ، والأمانة تكاد تخلو نسبيًا عند بعضهم في البيع والتصليح وغير ذلك ، فقر مدقع مخيف ، طفلة صغيرة لا تفارقك حتى تبتاع منها ( منديل واحد ) وشاب كبير يا سيدتي يا مولاتي أنا كلبك وده مكاني الطبيعي ، وكل تلك الكرامة من أجل تمشية بضاعته !!!!!!!!!! مرعبة مصر مرعبة بمعنى الكلمة .. ! الحمد لله الذي عافانا مما ابتلاهم به وفضلنا على كثير ممن خلق تفضيلًا

شكلك لم تشاهدي إلا الجانب المظلم فقط .. فكان حكمكِ جائر في حق هذه الدولة الغنية بالأثار
والغنية بمعالمها السياحية الأخاذة .

يسّر الله أمرك ، وسفر موفق بإذن الله .

[" TWIX "]

الفتي السمنسي ...

اقتباس: تويكس حبيبي لم توفق في إدراج وصف (صفيح الزباله) فأرض الكنانه هي مهد الحضارات ولايجب علينا إنتقاصها مهما كان .

كلامك ماعليه لا غبار أرض الكنانة مهد للحضارات ما أحد ينكر لكن غالبية شعبها " طمل "
حتى من ينظر لنهر النيل يصاب بخيبة أمل من القذورات وتصريف المجاري له .. حتى الدولة ساهمت
في تحويل المياه العذبة إلى مياه ملوثة ..!!

اقتباس: صدقت من ناحية الفرفشه واراحة النفسية فأنا لا أجد نفسي إلا في الأسكندريه والأقصر وأسوان والقناطر الخيريه وقهوة الفيشاوي والسوق الشعبي والحسين . أجد نفسي فيها واحس براحة نفسيه عميقة عندما أذهب إليها .

هذا بلا أبوك يا عقاب

اقتباس: على فكره ياتويكس لسى جاي من القاهره قبل شهر تقريبا والأوضاع فل الفل .

أهم شيء بالليل فيه تجوال وإلا كل واحد يمسك المخدة ويعفطها نومة لين الصبح ...؟!!!

[قلب الأسد]

احلى بلد اووووم الدنيا .. بس ياتويكس مالك الا هالشهابه هالسنه

ولا تسير على تركيا كله سعوديين يعني خليك هنا احسن

لانك راح تقابل الشهابه والشهبان هناك هالسنه ..

[" TWIX "]

شهـــــــــد...

اقتباس: تويكس سآلت أمي عن سفرة هالسنه قالت لاقضينا لافين سمبوسه رمضآن قررنـآ

وفرناس للطيران حاط يديه على وجهه وموقف الحجوزات ينتظرك أنتي وأمك تلفون السمبوسة
على شان تجي أمك ومعها الخريطة وتقرر وين تروح ..

اقتباس: بالنسبه للأهل < سفرتتنآ بأذن الله خارجيه منها عمل + ونشوف المزآيين هنآك

عمل ...!!!
تذكرت أول ما طحت بمصر .. كل من قالي وين رحت أقول للأهرامات
وأبو الهول .. اللي يشوفن يقول هذا أطلق عالم لتنقيب الآثار ..
ولو يشوفن أبو الهول أو أشوفه بطريق ما عرفته ولا عرفن ..