ويــــن أروح ...؟!!

[" TWIX "]

اقتباس:  المشاركة الأصلية كتبت بواسطة SAGA     من حسنـــــــــــــــات هذا الموضوع إني إكتشفت إنه مهب بس أنا اللي ماعمري تعديــــــــت حدود السعوديه

كلن يقول انا ماكد رحت .برا ..!!!
أجل ليش لا رحنا للمطارات تقول بمحل أبو ريالين ...

[" TWIX "]

يكفيني حنانك...

اقتباس: رح للقمر ......وافرش على سطحه بساط وخل الحثاله كان بها خير ترقى

راح .. !!
ويقول : لقيت الحثالة هناك فالين أم أمها .. لكن فشلونا عند بلديتهم مخلين كل شيء
حوسة .. والطمالة عنوانهم ..

اقتباس: بالنسبه لمصر ...... طلع من موضوعك غبار لان السياحه فيها تصلح في معروضات الجنادريه والصراحه ما الومك يوم ان تحس بالملل وتدور غيره

وأنت اللي طلع من ردك عطر رومنسي .. عطينا
دولة سياحية يفلها الواحد .. مو بس تتمسخرين بديرتي وتطلعين
وإلا ما كد طلعتي وحدودك الدايري .. أوه .. آسف فديكا التميمي ماكان قصدي ..

اقتباس: اما اخوك تعجب كل بنت ادم هالنوعيه من الرجال.. لانه بصراحه خايف على على نفسه من نفسه هذا الرجل..اللي تدوره الحريم

لا ..
هو دايم خايف .. حتى من مرته .. يضرب لها 1000 حساب
وكأنها بطاقة الصرافة لو تضيع مات من الجوع ...!!

اقتباس: وانت ياتويكس خبرنا فيك عاقل وش بعض الكلام اللي سمعنا اقصد قرينا...ياعمري يازوجتك احس اني رحمته..ليش ما تاخذه معك وتروح لو لشرقيه ترفع من قدره شوي وتتوب عن المطاير لحالك

شهر أغسطس (طباخ اللون) بخر العقل .. وخلاني أشوف كل شيء قدام مصر
أشوف مطعم بخاري .. يخيل لي أنه العطار للسياحة
أشوف طيارة طايرة .. يخيل لي أنه طيارتي وفايتتني الرحلة ..
أشوف ورقة سميت .. يخيل لي أنها بوردنق
أشوف طريق النهضة .. يخيل لي أنه شارع جامعة الدول العربية
أشوف واحد يبيع جح على الشارع .. يخيل لي الجواز ( الأخيضر )
أشوف مصري يمشي بالخبيب .. أوقفه وأقول بالله وين برج القاهرة ..

[" TWIX "]

طقاقة بدون مايك...

اقتباس: رح ل تونـــــــــــــس..!!!

عاد التوانسة جالسين على أحر من الجمر ..
يبون واحد له ثقلة عند السعودية .. يساومون به بابن علي وزوجته ..
بسم الله علي أروح .. إلا بشرط ما يسحب علي السيفون أبو متعب ..
لا لوحوا بورقة المقايضة .. يجيب ابن على وزوجته بشبك قرد .. ويقول إلا ولدنا
كذا من بكرا بتشوفوني في قناة الـ CNN على شاطيء بحر تونس طاق نظارات شمسية
وأتشمس ..

[عذبـــــة]

ولو شكل عليها رقص يفضح القلب
ويخليك تشوف الخبيب الاسكندريه
الحين يجي يقول أحسنوا الظن هه

[" TWIX "]

كرآميش...

اقتباس: على كثر ماشفنا غير لبنان وصوت فيروز لا تدور

وش فيه بعد صوت فيروز ...؟!!!
كان ما بمخباته شريط لـ سعد جمعة وإلا بشير حمد ما أكون
أنا تويكس ..

قال صوت فيروز قال ...

[نرسيان]

والله اللي يعجبك ويشدك لمصر صعب تلاقيه في بلد ثاني
عشان كذا انصحك تدور لك على مجموعة من المصريين عندكم وتسير عليهم كل يوم
ووفر فلوسك
واذا انت ملزم على السفر فالخيارات كثيررررررة وأحلى بكثير من مصر

[" TWIX "]

To Be...

اقتباس: تويكس أجي عندي

نبي مترجم يجيد اللهجة الخبوبية تحدثا وكتابتةً ..
توبي .. وش تبي بالضبط ..!!
وشلون .. أجي عندي ...؟!!
لغز .. ؟!
وإلا شفرة ..؟!!
أفصح ..

[" TWIX "]

فديكا التميمي...

اقتباس: محد يحقر رويحته الحين اللي معه واللي مامعه يسااافر وراعي بدلة الهلال وراه ماتبيه يترزز به منه يغثك ومنه يضيق عليك ,, وقضت العطله وانت ماغير تردح بهالموضوع مصر ومهنا روحه انس تويكس اسالك بالله كم مره اطريت الدائري بهالموضوع ...؟؟؟

حتى أنتِ العام الماضي.. أذكرك تقولين نبي نختها إحنا واهلي لـ تركيا
وأشغلتينا .. الآن أنا رايحة للمطار .. انا نزلت ومتوجهة للبوابة المطار
أنا الآن وأخوتي نتزحلق بسراميك المطار .. أنا الآن راقية نازلة بالسلم الكهربائي
أنا الآن ضيعت أهلي وصحت وجمعت كلي اللي بالمطار .. وتأجلت الرحلات
أنا الآن اسمعهم ينادوني فديكا التميمي تتوجة لبوابة 56 على الطائرة المتوجهة لأنقرة
أنا الآن جلست بكرسيي عند الدريشة .. طلبت كابتشينو باللبن ..
انا الآن .. أنا الآن .. أنا الآن ..
أذكرك العام الماضي صارت سفريتك أشهر من برج إيفل .. حتى إن بعضهم بدأ يترخ فيها
واحد يقول أختي تزوجت قبل سفرية فديكا بـ ثلاثطعشر يوم .. وبنت عمي جابت ولد قبل جيت فديكا بسبعة أيام
ودريحم ولد أخوي رسب بـ 10 يوم تطلب فديكا كابتشينو باللبن ..

[" TWIX "]

نبض قلب...

اقتباس: وليتهم يتفرجون على القروده بالهدا خاقّين على البناطيل الجينز من تحت عبايات المنقّبات هناك نقطة ضعف الرجل السّعودي هه

وبعد يمكن القرد خاق مع الربع ويقزقز على الجنز .. ترى بعض القرودة عليهن لعانة
مثل بعض ربعنا ..

[عذبـــــة]

<<<. تجمع غريضاتها تبي تسافر لعرعر والعبرة خانقتها.
وبمر على الخفجي اللي يبي منها شي يجي يقولي

[" TWIX "]

ماجدال

اقتباس: أما أنا بالنسبة الي فالبلد المحبب لي هي بلدي سورية دايما بشوفا هي راحتي النفسية

كلنا نبسي سوريا لكن ...
سالفتك وسالفتنا مع سوريا سالفة
.
.

ولد نانسي عجرم يدرس في مدرسه سعوديه
قاعد يبكي قال له المدرس: وش بلاك تبكي...؟!!
قال الولد : بدي أمي..
قال المدرس : كل تبن واسكت كلنا نبي أمك وساكتين ..

[" TWIX "]

جلوي الشقير...

اقتباس: لا أعتقد أن البلد هي من يحدد جماليات السفر ومتعته لكن الأشخاص سواءاً مجتمع محيط او (خويا سفر) هما أكثر من يؤثر على متعة السفر وجمالياته . وتبقى أم الدنيا حكاية تانيه

خلاص أفتى مالك المدينة ..

[" TWIX "]

اقتباس:  المشاركة الأصلية كتبت بواسطة شهــــــــــــــــــد     تويكس للحين مارحت بتخلص الأجـآزه وانت ماطلعت من بريده

وش قالوا لك : الوليد بن طلال متى ماجاء للمطار شتل طياته وطار
أنا غلبان .. لازم احجز .. وأكد.. وأكد .. وادفع .. وأجدد ..وتمسك سرا
طويل .. تختم ..!!
لله يا محسنين تذكرة ..
لله يامحسنين واسطة ..
لله يامحسنين مقعد OK ..
لله يامحسنين بطلع مليتكم ..

[" TWIX "]

عذبـــــة...

اقتباس: ولو شكل عليها رقص يفضح القلب ويخليك تشوف الخبيب الاسكندريه الحين يجي يقول أحسنوا الظن هه

من اللي عليها رقص يفضخ القلب ...؟!!!
شكل مكان التوقيت غلط .. وإلا فاتحة أكثر من نافذة رد واختلط عليك الحابل بالنابل ..
وإلا وش الدبرة ...؟؟!!

[عذبـــــة]

اللي خلتك تشوف هالشوفات ...
أشوف مطعم بخاري .. يخيل لي أنه العطار للسياحة
أشوف طيارة طايرة .. يخيل لي أنه طيارتي وفايتتني الرحلة ..
أشوف ورقة سميت .. يخيل لي أنها بوردنق
أشوف طريق النهضة .. يخيل لي أنه شارع جامعة الدول العربية
أشوف واحد يبيع جح على الشارع .. يخيل لي الجواز ( الأخيضر )