مدخل :-
جيتّ , وبنيت لـ محبّتنا عن الناس سور
ورحت , وتركت المشاعر بالشعر تحتضر
لو يسقط الحبّ سَهواً ؟ ضاعّ بين السطور
ولو خانك الظنّ ما اظنّ بـ يخون النظر
بتغيب ؟ غيب .. وجروحك ماعليها قصور
تضرّ شوفتْك متضايق , وفرقاك أضرّ
بتعيش وتشوف , وتعايشك نفس الامور
دام الغلا , ما عليه مْن المشاعر حضر
وش يجبر الوقت من حبّك ؟ وكلّك كسور ؟
ماهو غرام البدو , ولاّ غرام الحضر
ووشلون مازلت احبّك .. وامنياتي قبور ؟
أنا لو اخون حبّك .. قول لي : ( وش يضر ؟ )
مشاعري .. للي يقدّر غلاها ؟ تثور
وانا ؟ ولا ادري على فرقاك .. وش تنتظر ؟
معاك ؟ ما للبشر غيرك بقلبي حضور
وبدونك ؟ ادناة متغيّب , بـ قلبي حضر
فرقاك لا يطوّل اكثر .. من ثلاثة شهور
ترى عيوني هواوية .. وقلبي خضر !
النصّ :
عن نهر طيبتك .. ياقلب ماجور
............... إنت في ضفّة .. وذنبك بـ ضفّه
كان ما صرت من ماضيك مشهور
............... إنتبه .. لا تواضع للمسفّه
ولا يهمّك رديّ إليا شهد زور
............... لو حلاياه بتوقّف بصفّه
كلّ ماشاف هادي , قال / مغرور !
............... وإن ضحك مع رجل , قالوا / مخفّه !
منت لـ إرضاء , كلّ الناس مجبور
............... الرجل من لسانه تستشفّه !
يا لساني , نهيتك .. وأنت مشكور
............... تايه الراي ؟ خلّ اسمه يكفّه
كان باقي لك مْن الواهس شعور
............... لاتخلّيه عرضه للمهفّه
والله إن الشعر لـ عيونها الحور
............... ماهو اللي لك العاذل يصفّه
القصيد لـ غلاها مابه قصور
............... هرج عذّالي لناره .. مهفّه
لو حلا غيرها .. للعين ديكور ؟
............... هي حلاها ؟ حلا حشمه وعفّه
مثل من فاز بالجنّه مع الحور
............... فاز منهو خذا يدْها بكفّه
دام مابينه , ومابينها سورّ
............... والله إن الفَرَح بـ ايده يزفّه !
مخرج :
الحبّ غير , ونظرتك للنسا .. غير
وما اكبر من الغلطة , سوى اللي جهلها
ماتت براءة طفلة , بدون تبرير
من يوم ما ( طيشك , وخبثك ) قتلها
جفّ الغصن , من طارّ سرب العصافير
والياسّ , مرّ فبيتها , وانتشلها
ليلة وفاة , وعجّلتها المقادير
خسارة الزينة ولبسة حللها
عيونها , ماعاد تصبح على خير
تعدد جروح المحبّه .. وتلهى
كانت تغنّي للفرح والتباشير
وصارت تبكّي من نصاها سألها !
وإنت تْعزف للحبّ زيف التعابير
وهي بـ إسم الحبّ .. ضاقت سبلها
لاتقول : أحبّ آحنّ واشتإاق وآغير
كنت شاريها ؟تدل بيت اهلها !
العرض العادي
