مرحبا بك اخي ( تركي )
اعتقد ان المسأله ( على حسب البنت والولد ) فاذا كان الولد (يستاهل ) وفيه مواصفات جيده فله ان ( يتشرط ) وان كانت الفتاه ( تستاهل ) وفيها مواصفات جيده فلها ان تتشرط
واذكر احد مشيخنا العقلاء سأل عن ( تزويج الحليق والعاصي ) فقال ( يا اوليدي على حسب بضاعتك ان كانت سنعه لاتعطيها الا الرجال الكفو وان كنت غير ذلك فالحال من ابعضه)
ولكن ما هي المواصفات الجيده ؟
اعتقد في المرأه له خمس زوايا ( الجمال - المال - الدين - الحموله - الام والخالات والخوات او البيئه الميحطه بالبنت )
الجمال في المرأه له اربعة اركان ( جمال البدن وجمال الشكل وجمال اللون وجمال الشعر ) واقصد بجمال الشكل ( جمال الصوره والملاحه او خفة الدم )
لكن الجمال واضح ان الناس يختلفون فيه ولا احتاج الى التفصيل فيه ( اللبيب بالاشاره يفهم ) والا عندي تفصيل فيه لكن لا احب عرضه هنا
والمال هو حب المرأه لبذل مالها لزوجها وايثاره به وليس مجرد وجوده
والدين احسان عباده الله والاحسان الى خلق الله ويدخل فيهم الزوج واهله والابناء دخولا اوليا
والحموله واضحه
لكن هناك نقطه قل من ينتبه لها عند الزواج وكان سلفنا يركزون عليها
حيث قالو ( اتقو خضراء الدمن وهي المرأه الجميله في المنبت السؤ) ولايصح رفعه بل هو اثر ومعنا ه صحيح
لو سألنا انفسنا ( ما المنبت السؤ )
وهي ( الام والخوات والخالات ... ) البيئه الاجتماعيه التي تحيط بالبنت التي لها اثر في تشكيل وجدان وعواطف ومشاعر البنت
ولكن ما اثرها على البنت ؟
اثرها انه يعرف بها مزاج البنت العام او شخصيتها العامه او (سماتها المزاجيه الخاصه )
وماهي هذه السمات ؟
كثيره لكن منها على سبيل الاختصار
( الهدوء والعصبيه الولاده والعقم الحشمه للزوج والتمرد عليه والطبخ والرفاله السنع والدبره والخرق وقلة الدبره الملسونه ومقطوعه اللسان ملازمه البيت والخراجه الولجه الشكوره لكل ما ياتي به الزوج والكفوره الصبوره وقليه الصبر العصبيه والبارده الحنونه للعيال والقاسيه عليهم ..... الخ من الصفات النسويه )
هذه تعرف بالعائله القريبه من البنت اعرف عوائل نسأهم ( حشمات او مقطوعات السان او ولدات او دبرات ... ) وعلى هذه الصفات ( يتنافس الرجال ) العقلاء اما بعض الشباب ( فما سمع خبر ) عن مثل هذه الصفات وانشغل ببنيات الطريق
وكان اهلنا في السابق يعتنون بمثل هذه الصفات
يقول الشاعر النجدي ( لاتضم التي تشتري للغاء - دايمن هرجها بالكلام الرزي - لو يكلمها بعلها بصوت رخيم - طوحت حسها ما ادري مادري - ولاتضم التي رزنه بالمكان - صخرتن كانها تقطع العيتري )
العرض المتطور
