مواقف محرجه للبنات في الأيام الأولى من الزواج

[الحية الرقطى]

بصراحة أنك روووعة يادلة..

طيب خوذي هالموقف..


وحده بأيام العسل ومسوية نفسها ما تأكل ـ طبعا دايم المواقف عند الأكل ـ مادري وش

السبب؟؟

المهم كل ما جاب زوجها شيء ماتاكله وتقول ماشتهيه مسوية نفسه!

وصار لهم كم يوم على الحال ومرة طلع زوجه من الفندق وتفتح الثلاجة وتبدأ " ترم "

من الشكولاته اللي بالثلاجة وكل يوم على هالحال . ونظام الفندق وشو ؟؟ كل ما يطلعون

الزوج والزوجة من الفندق يدخل واحد ويتفقد الثلاجة ويحط فيها اللي ناقص وأختنا بالله

ما تدري أن هذا نظام الفندق...

المهم بعد الخروج او المغادرة طلبوا بالإستقبال مبلغ أكثر من 500 ريال !!

الزوج طارت عييناته وش السالفة ياكافي وليش ؟؟ قالوا هذا قيمة اللي نحطها بالثلاجة

عاد تعرفون أنتم أسعار الفنادق ، رجل المسكين لحريمته وقاله أنتي أكلتي شيء من

الثلاجة ؟؟ قالت لا .. رجع وتأكد من الإستقبال ومير يعطونه فاتورة كاملة من جالكسي

وسنكرس وبيرة ومشروبات وعصيرات مستهلكة!! طبعا كل هذا خلال ايام

رجع مرة ثانية لزوجته قال يا بنت الحلال هذي فاتورة وش رأيك أدفعها أو أروح أشتكي؟؟

ردت المسكينة هه هه أنا اللي أكلتها!

وراحت ضحكة وقال هذي اللي ما تشتهي؟؟