ياجرح قلبي منزلك وإنت محشوم
إن صحت صحت من القهروإبترامه
ياجرح شرياني نزف وإنت مخدوم
يايأس أظمك والأمل بالسلامه
أنا أعتقد ياعيد ميلادك اليوم
قدمت له حلمي ضحيه لعامه
ياجرح أنا ضيفك ولو كنت معزوم
إنته عصب راسي وراعي شهامه
العين تشكي لسهر قسوة النوم
من حق غيري يهتني في منامه
تعكسني الدنيا كما كنت محروم
ياموت خذني عن حياة الندامه
دام العذاب يطول من يوم عن يوم
مالي على وجه السعاده ملامه
ودام الفجر يحجب ورا ليل وإغيوم
نامت عيون أحلام خلف الغمامه
أموت قبل أكتب على الخد مهزوم
أقفل على جرح الزمن ببتسامه
لو طاح حظي من عنا الوقت معدوم
الراس له في عرش الاخلاص هامه
ليت الجروح إتقول إلى مت مرحوم
أبغى العوض يارب يوم القيامه
العرض الشجري