ليس لدي موضوع بس ودي اكتب موضوع ..!!

[عادل الحبيتر]

صدقت والله
واكبر دليل المطاعم كل ليله تكون مليانه من كل البشر

أيه خلهم يستانسون أصحاب المطاعم ههه


ابدعت بأختيارك للطرح
ويعطيك العافيه

[عزف الحقيقة]

%90 من قراشيع المطبخ ماتستخدم

والمشكلة فيه ناس حاطين مطبخ اضافي صغير

عشان مايحوسون المطبخ الرسمي !

وتوصيل الطلبات ماقصر اتصل نصل

[تركـي]

المنطق ..

شكلك بتقلب بيوت السعوديين مثل الآمريكان ..
كل شي آخدم نفسك بنفسك ..

لكن الآن آرى البيوت الجديده
المطبخ مفتوح ويكون هناك طاوله وكأنك في بوفيه
يعني الأكل على السريع ..
وأما قضية الغسيل آعتقد أن النشافه الجديده
الآوتوماتيك على قولة عادل آمام
قايمه بالواجب يعني كلها ربع ساعه وكل شيء جاهز ..

وبالنسبه للآكل .. في المطاعم
لو يعرف قوومي كيف يتم تجهيز الأكل والخضروات اللتي تطبخ والآيدي والقدور اللتي تطبخ ..
ربما لم يتبقى ولا مطعم فاتح ..
لكن قوومنا آهم شيء الأكل لو تبيع فشااار وبليلا مايمديك تلحق ..

ويبقى طبخ البيت والآستراحه له مذااق خاص ..

[shahd2007]

اقتباس: ورا ما تلعون مطابخكم .. وتخلونها غرف للكوي والغسيل والشغاله ..؟؟

تبي تنبسط شغالتنا تبي تأخذ المطبخ والاوفيس حق الدور الثاني غير غرفته وغرفه الكوي
وش بقى لنا اجل

والله ان اكلوا يوم من المطعم مااكلوا اليوم الثاني لاتوهقهم بس ويقلبون مطابخهم مكان غسيل
يارب لك الحمد ويديم النعمه اكل المطعم مطاريس ومافيه من الطعم شي
الا زفر ووجع بالقولون

[المنطق]

اقتباس:  المشاركة الأصلية كتبت بواسطة ذات الســـمو     واللي ادبش منه الرجال اذا اهمل عياله وراح يبلع بالاستراحات اذا هو مو قد المسؤليه ليش يتزوج؟ ويجيب عيال ويروح يتبطح بالاستراحات !!تلقى الحرمه المسكينه ماتدري اش تبدي لو مايجيه غير خلاقينوه اللي محلته بكل مكان ( ودي اسمع برجال يرجع المنشفه لمكانه بدال مايحلته فوق السرير !)

ذات السمو ..

ربعنا يسمعون بالأتكيت ..

من اول يحسبون الأتكيت ..

وضع المنشفه على الكتف ..

للتنشيف بعد الغسيل ..!!

لين صارت للتمحيش بعد الأكل ..

ومناديل للعطس والخشم ..

ابو فنيله وسروال ..

لا تدورين من وراه اتكيت ..

[المنطق]

اقتباس:  المشاركة الأصلية كتبت بواسطة الفتى السمنسي     ههههههههههههه صدقتي بكل كلمه قلتيها والله يرحم الحال بس . لكن كله كوم وحلتته للمنشفه وفوق السرير كوم ثاني . حنا ترانا يالرجال ماهنا إتيكيت يسوى .........على فكره ترى بعضهم وأقصد الفوضويون إذا سافروا تلقاهم بمنتهى النظام والترتيب مع الأغراب . تناقض غريب . يالمنطق : تمنيت أم السواطير تكون موجوده وتشوف موضوعك هذا كان تفجر فيك ولاتخلي لك أثر . معروفه أم الطنايا بالكرم وجلخ الذبايح وأنت جاي تقول حطوا الغسالات بالمطبخ

الفتى السمنسي ..


ام السواطير شكلها زعله ..

الله لا يجيب الزعل ..

مشكلتها ماشطه بحنا وسدر ..

ولا كان رحت حبيت راسها ..

[المنطق]

اقتباس:  المشاركة الأصلية كتبت بواسطة مستقل     الغاء المطبخ فكره جيده لبعض الناس الذين لا يأكلون في بيوتهم الاكل الجماعي يولد الالفه والمحبه وانجماع القلوب ولذا يستحب تكثير الايدي على الطعام المطبخ يعلم البنت وظيفه الانثي ورعايه البيت والتحكم في مزاج البيت وتفضيلاته من ناحيه الطعام لان فوحان رائحه الطعام في البيت وانجماع الاسره عليه سبب في التماسك الاسري يشبه ارضاع الام للابن في الصغر وطهوها له الطعام في الكبر فيكون لحمه ودمه منها واليها ساهمت في بناء جسده ومشاعره وافكاره اليوم تخلت الام عن وظيفه بناء الاجساد في الصغر بالحليب المستورد وفي الكبر بالمطاعم فنشأ جيل لم تساهم الام في بنأه الجسدي والنفسي فظهر العقوق وانتشر تقديري

مشرفنا مستقل ..

صدقني نادرا الي يطبخون ..

الأم نايمه الى الظهر ..

والعيال والبنات لاجو من مدارسهم ..

سوت لهم الشغاله اندومي ..

لطوه ونامو لين بعد اذان العشاء ..

لا صلات ولا عباده ..

وبالليل تعال شوف الطلبات ..

وسطول النفيات شاهد على ذلك ..

[باسم الثغر]

أسولف أنا وشايب هالأيام
يقول: لو أنا من رجال هالوقت ، كان ماتقضيت للبيت أي مواد غذائية
أشترك مع أحد المطاعم ، وأوفر قيمة هالمقاضي اللي تشترى وتخرب بالثلاجة


يقول لي واحد من الزملاء
غالبا مايشتغل الفرن ببيتهم إلا لتصليح القهوة والشاهي
قلت: وعشاكم
قال: من برى أو خبز وجبن
حتى الحلا صارت الحريم تخلط بسكوت وشكولاته ، ثم تسميه حلا

[زهرة حزينة]

ليتك اخذ معه المكوى والغساله