| مشبّ المجلس |

[طقاقة بدون مايك]

اليــوم مآشاء الله مآشآء الله ....الـــ ديم م وقفت من الصمبح لحد الحين وهي تمطر تمطر تمطر...آول مرآ بحيآتي آشوف تسذآ..يوم كآمل من الصمبح لحد الحين ومطر غزير متوآصل...~ !

مآشآء الله بس ...شرق ولا غرق..~ !

[الـــفـــ@ــــد]

يامرحباً باللي لفت عندنا اليوم&سحابة ٍ اروت عطش كل ضميان
يوم ارعدت ثم ابرقت روّح النوم&يازين شوفة وبلها دوم يا اخوان

[محبة الجنان]

اقتباس:  المشاركة الأصلية كتبت بواسطة جلوي الشقير     يقولون ناركم مجمره وخروا بواقي الحطب

ياحلو هالصورة
هذه جمرية يابو شهد
يمكن يسمونه البعض اسم ثاني
مشتهية أكلها .. بس ما اعرف اسويها

[عاشق الخير]

احووووتس

جميييده يالله تستر علينا وعلى كل مسلم ..

وين كليبكم يشب الضويه و يدفي المجلس ..




ياما حلا عقب العصر ,, شبة النار
.................. في مجلسٍ كل النشامـا يجونـه
يلفونه اكبارٍ ,, ويلفونه إصغـار
.................. من طيب من هو فيـه ويقدرونـه
في بيت ماحطوا له آبواب وآسوار
.................. ذراه من صوف الغنـم ينسجونـه
هذي طراة الروح لا صرت محتار
..................آخيِر من بيـتٍ هَلِـه يزلجونـه

[جلوي العتيبي]

اقتباس:  المشاركة الأصلية كتبت بواسطة محبة الجنان     ياحلو هالصورة هذه جمرية يابو شهد يمكن يسمونه البعض اسم ثاني مشتهية أكلها .. بس ما اعرف اسويها

والله وانا أخوك مانيب اطيب منك

وعندي واحد دبل قاعة كبدي له عشر سنين يقول القرص الجمري لعبتي

وكل ماسواه صار نصه رماد وفحم

عليك بالقصدير شغل نظيف ويحقق الهدف بس تراي ماجربته لإن الرجال مايعطينا فرصه مدمن طحين

[الـــفـــ@ــــد]

طريقتي لعمل الجمريه سواء بالبر والا بالبيت كالتالي

اول المقادير

كيلو دقيق اسمر
نصف كوب زيت نباتي او زبدة 200 جرام
نصف كأس سكر ناعم
صينيه تيفال

تعجن العجينه بالماء مع اضافة السكر حسب الحاجة واذا كنتم لا ترغبون السكر بلاش وتكون غليظة قليلا
تدهن الصينيه بزيت وتوضع العجينه بالصينيه
وتوضع بالفرن على درجة حرارة 180 درجة تحت وفوق لمدة 40 دقيقة او حسب ظهور اللون الاشقر

بعد ما تستوي تفت وهي حارة فتات صغيرا جدا في قدر ويوضع عليها سمن بري او نباتي او زبدة وتحرك على النار حتى تنشف قليلا واذا حبيتم اضافت بصل ناعم يحمس معها
وبالهناء والعافية
تقديري

الشيف البري الفهد

[محبة الجنان]

ابو شهد الحال من بعضه
الله يعطيك العافية أخي الفهد

[الـــفـــ@ــــد]

اقتباس:  المشاركة الأصلية كتبت بواسطة محبة الجنان     ابو شهد الحال من بعضه الله يعطيك العافية أخي الفهد

ابرك الحزات محبة الجنان

[جلوي العتيبي]

الفهد

هذي مهيب جمريه الله يجزاك خير !!

يالله حسن الخاتمه شكلك بديت تخلط الأمور مع بعض

[الـــفـــ@ــــد]

اقتباس:  المشاركة الأصلية كتبت بواسطة جلوي الشقير     الفهد هذي مهيب جمريه الله يجزاك خير !! يالله حسن الخاتمه شكلك بديت تخلط الأمور مع بعض

ابو شهد

الفقع حول الرقه

تبيها تحت جمر الرمث

الفريك اخو الجمريه بس بيتوتي

يعني لازم نعفسها بالرمل والرماد

التيفال يحل محل قصديرتك والطحين والمقادير هي نفس مقادير الجمرية

بعدين توك تقول ماعرف وش يخليك تبزع وتفتي الحين

[جلوي العتيبي]

ما أعرف بس ماتجي فرن وتسمى جمريه

طريقته رائعه يابو محمد بس حبيت أمازحك جعل عمرك طويل

[الـــفـــ@ــــد]

اقتباس:  المشاركة الأصلية كتبت بواسطة جلوي الشقير     ما أعرف بس ماتجي فرن وتسمى جمريه طريقته رائعه يابو محمد بس حبيت أمازحك جعل عمرك طويل

يا حبيلك عساي ماذوق حزنك ولا ربي يفجعنا فيك

الغرض من الفرن الحرارة والحرارة صح ما تعطي ولا نصف المله بالبر وبالبر الجود من الموجود
بس من يبي ينقل معه فرن للبر
انا عادة قبل مانام ادفن القرص بالنار والملة وانام والصبح اطلعه واصلحه

وبعد اسوي الكيك بالبر بالملة وبمساعدة من القصدير وصحن تيفال استعمله
وكذلك اسوي قرص عقيل بنفس الطريقة

وخلنا يوم نتواعد بملعب الشباب بعد التمرين ونشب ونسويها لا صرت تخاف تكشت معي بالدهناء

وش قلت؟

على فكرة انا مدرعم بكرا وراجع الجمعة يم الدوادمي ونفي ودخنه والقويعية ومحريقة يعني موجه لدريتكم وربوعك

[عناية بالبشرة]

خبز الجمريه جزء منه لازم رماد وقشاويش والا مايكون خبز جمريه
القصدير والتيفال بيخلنه طبخه ثانيه

طالعوا ذيلا كيف يملطونه رماد ورمل...!!!

[shahd2007]

اللحين هذولا يدفنون عجين
طيب والتراب وشلون يطلع ..!!
ولا مثل تميس بالجبن وتميس بالزعتر يصير عجين بالتراب

[الفتى السمنسي]

اقتباس:  المشاركة الأصلية كتبت بواسطة shahd2007     اللحين هذولا يدفنون عجين طيب والتراب وشلون يطلع ..!! ولا مثل تميس بالجبن وتميس بالزعتر يصير عجين بالتراب

اللي مايعرف الصقر : ينتف ريشه ويشويه ويأكله .
.... بس الأفضل وضع قصدير لقرص الجمر علشان التراب فقط ...ياطعمه طعماه وخاصة إذا خلطت مع العجينه عسل سدر طبيعي .
أنتن يالبنات خلكن بالكاوكاو والإندومي ابرك لنا ولكم .