مـطـــوّع ســربــوت .!!!

[فديكا التميمي]

قلته واكرر شعب فاضي يكبر الصغائر ويصغر الكبائر
والا احد ينتقد هالقناة ..!!!
إلا مير صدق تشوفون به شي يستحق الإنتقاد...؟؟
عجيب امركم ...!!!

[قـتـالـه]

عرمشوك ياحيي يالصياد حتى بدون مايتمعنون فكرتك
تراهم مايشوفون من موضوعك الا عنوانه هذا لونهم
كنت من المتابعات للقناة ببدايتها بوقت بيت عرسان
لما كان من ابطاله الصحفي والكاتب بمجلة فواصل عبدالله الراجح
والثاني الاطخم عبدالله الرفاعي
والكل تابع القناة بشغف ماغير والله نناظر الرفاعي
وين راح ووش سوى ووش أكل وكيف شكله لما صحى من نومه
وليه معصب وكيف كان يمسك البياله < رايحه فيها :|
ولا ادري وقتها اذا كان فيه شريط
ينثرن فيه السحا سخافتهن او لا بس اللي انا متأكده منه
فيه فقره تقدر تهدي المتسابقين هدايا يوصلنهم ويفتحونها
امام المشاهدين وجت للرفاعي تيشرتات وعطور من بنات نجديات
وسيدة اعمال اهدته 100 ألف ريال كمساعده لزواجه
بطلت اشوفها ولا ادري اذا هم للحين بنفس منهجهم او لا
وتأكدوا من صحة كلامي من ارشيف القناة
وقتها كنا نسميها انا وخوياتي ستار اكاديمي المطاوعه

[الصيااد]

اقتباس: عرمشوك ياحيي يالصياد حتى بدون مايتمعنون فكرتك تراهم مايشوفون من موضوعك الا عنوانه هذا لونهم

اشكر لك ردك وتوضيح موقفهم اتجاهي ..

لذا عذرتهم جميعا ..

اقتباس: والثاني الاطخم عبدالله الرفاعي والكل تابع القناة بشغف ماغير والله نناظر الرفاعي

اجل راحت علي والا كان متزوج أربع وأربع احتياط تحت الطلب مع تدوين العنوان ووسيلة الاتصال ..

اقتباس: وتأكدوا من صحة كلامي من ارشيف القناة وقتها كنا نسميها انا وخوياتي ستار اكاديمي المطاوعه

والله كلامك صحيح وواضح .

[ياسر ارت]

لا اله الا الله

[أم سلطان]

اقتباس:  المشاركة الأصلية كتبت بواسطة الصيااد     بمعنى ان هذه القناة تتخبط والضحية من يشارك فيها . وفكرتها من فكرة قناة استار اكاديمي اللبنانية ....

تصدق مادرو عنك علشان تحل مشكلة التخبط الي خاصل عندهم .
هو معروف ان فكرتهم فكرة استار اكاديمي ومااعتقد انهم منكرين ذلك .
لكن هم اهدافهم ساميه وليست اهداف استار اكاديمي.
ياليت يمو بغيت تكتب عن قناة حذرت من قنوات الرافضه او قنوات العلمانيين لكن الله يهديك لنفسك ترى المطاوعه مادرو عنك لكن صحيفة اعمالك هي من امتلات بكلامك .
ماضريت الا نفسك الله يصلحك.
تقبل ردي بصدر رحب.

[أم سلطان]

اقتباس:  المشاركة الأصلية كتبت بواسطة قـتـالـه     عرمشوك ياحيي يالصياد حتى بدون مايتمعنون فكرتك تراهم مايشوفون من موضوعك الا عنوانه هذا لونهم كنت من المتابعات للقناة ببدايتها بوقت بيت عرسان لما كان من ابطاله الصحفي والكاتب بمجلة فواصل عبدالله الراجح والثاني الاطخم عبدالله الرفاعي والكل تابع القناة بشغف ماغير والله نناظر الرفاعي وين راح ووش سوى ووش أكل وكيف شكله لما صحى من نومه وليه معصب وكيف كان يمسك البياله < رايحه فيها :| ولا ادري وقتها اذا كان فيه شريط ينثرن فيه السحا سخافتهن او لا بس اللي انا متأكده منه فيه فقره تقدر تهدي المتسابقين هدايا يوصلنهم ويفتحونها امام المشاهدين وجت للرفاعي تيشرتات وعطور من بنات نجديات وسيدة اعمال اهدته 100 ألف ريال كمساعده لزواجه بطلت اشوفها ولا ادري اذا هم للحين بنفس منهجهم او لا وتأكدوا من صحة كلامي من ارشيف القناة وقتها كنا نسميها انا وخوياتي ستار اكاديمي المطاوعه

افا يقتاله كنتي تابعين علشان الرفاعي .
اجل ماعجبك اللبناني الي معهم حدرج .
والله تابعناهم علشان البرنامج كان ناجح.
بس ماخربه الا القصيمي الي دبلة كبد

[bant tamim]

امممممم صرآحه انا ماحبها ولا اتابعها تجيب لي الاحباط!!! بس اشوف مافيها شي

شاكره لك

[فانتازيا إعلامي]

ان قارنت بينها وقنوات أخرى هي أقبل من غيره !
وان تكلمت عنها فهي مضحكة !!

تشكر ,,,,

[قـتـالـه]

اقتباس:  المشاركة الأصلية كتبت بواسطة أم سلطان     اجل ماعجبك اللبناني الي معهم حدرج .

لاتطنزين بحدرج المفهي تراه هكر
ياطعمه ابو ابراهيم القصيمي يهبل للحين افتحها
بس علشان اسمعه وهو يستهتر بهم
شفته العام بالتميمي شايل اكياس ويحضرم بالجوال
وقفت اناظره لين ركب سيارته احبه ذاك الدربيه

[أم سلطان]

اقتباس:  المشاركة الأصلية كتبت بواسطة قـتـالـه     لاتطنزين بحدرج المفهي تراه هكر ياطعمه ابو ابراهيم القصيمي يهبل للحين افتحها بس علشان اسمعه وهو يستهتر بهم شفته العام بالتميمي شايل اكياس ويحضرم بالجوال وقفت اناظره لين ركب سيارته احبه ذاك الدربيه

صور مع بعض المعازيم بزواج احد اقاربي قلت ضاقت على كل الحضور صورتو ذا الى من صدق هو قصيمي والا حساوي فهاوته حساوي .
بس من جد لكل ساقط لاقط يراب تركد قلبي على كراسيه مدام الشغله على هاالدرابي .
اوجعن قلبي من صورة القلب الي انت حاطه .

[قـتـالـه]

اقتباس:  المشاركة الأصلية كتبت بواسطة أم سلطان     د اوجعن قلبي من صورة القلب الي انت حاطه .

لاهو حساوي ولاقصيمي
بس ليه تقولين ساقط ولاقط ترا مااحب هالمثل
يبيله حبتين تنقيح :|
والقلب مفصلته على مقاس الدب اجل تبيني احطله صغنبوط

[رفيــع الشــان]

اقتباس:  المشاركة الأصلية كتبت بواسطة هلاوين     يعني حرام نشاهد قناة بدايه. يلزم انتقاء العبارات حتى لانقع بالمحذورات .

اعذرني اخي الصياد برد على اخي هلاوين
الرجل ما قال حرام
كلمته (ما يجب) ما قالها بمنطق ديني
على ان مثل ها القنوات يجب الحذر منها
ولا ندعمهم
قناة لباسها الدين
لكن ما اشوف انها قدمت للدين شي
برامج مستنخة لستار اكاديمي
بعض الردود الاخوات قالت اننا نتابعه علشان شخص معين وكلامه تهكم
لكنه واقع كثير يتابعن القناة علشان شخص بالبرنامج
اغلب متابعين القناة هم نساء والبرامج فيها كلها برامج واقعي
برامج شفني وش اسوي
سخافات الشات اذا كانت قناة دينية ليش ما توقف ها الشي او اذا ما هي قادرة انها تسوي كنترول للمشاركات يوقف الشات ويحفظ ماء وجه القناة

[ابونورة]

العنوان مستفز بصراحة لكن ماذكرته اخي الصياد فعلا يثير الغضب والحميـة فكيف تعرض مثل هذه البرامج في قناة تدعي اسلاميتها (أي انها متدينة !!)
لكن هذه القناة وغيرها من القنوات يجعلنا نتساءل عن دور الدولة وهل لها سلطة عليها ؟

عموما ماتقوم به هذه أو بالتحديد هذا البرنامج لا يشكل ولا 1% من الخبث الذي تقوم به قنوات (أل ابراهيم) بدعم ورعاية الدولة للأسف !!!!!!!

[الصيااد]

اقتباس:  المشاركة الأصلية كتبت بواسطة ابونورة     العنوان مستفز بصراحة لكن ماذكرته اخي الصياد فعلا يثير الغضب والحميـة فكيف تعرض مثل هذه البرامج في قناة تدعي اسلاميتها (أي انها متدينة !!) لكن هذه القناة وغيرها من القنوات يجعلنا نتساءل عن دور الدولة وهل لها سلطة عليها ؟ عموما ماتقوم به هذه أو بالتحديد هذا البرنامج لا يشكل ولا 1% من الخبث الذي تقوم به قنوات (أل ابراهيم) بدعم ورعاية الدولة للأسف !!!!!!!

حياك الله ابو نورة

درست عنوان الموضوع قبل وضعه ولم اجد فيه استفزاز بل هو عنوان صريح وواضح لمن يحتمي بالدين ولكن يستهتر فيه من جرا عمائلة المشينة والمخالفة للشرع والعادة .!

[شمووخ اثنى]

قناة بداية فيها إجابيات عديده

لكن أنا مراح أتكلم عن القناة في مشاركتي هذه

راح أركز على وصفك للمشاركين والقائمين على القناة بالسرابيت

بالعكس كل المشاركين والقائمين على القناة ناس أصحاب علم وثقافة ولديهم اهداف سامية في حياتهم ويستفيد منهم كثير خلف الشاشة بكل مايطرحونه من افكار ..
إما إذا ازعجك طريقة طرحهم وهو التجديد في عرض المواضيع والبرامج وهي بخلاف الطريقة الروتينية التي عهدها المشاهد
كرسي وطاوله وشخص مطوع يلقي على الحضور محاضره تبدأ بأسم الله وتنتهي بالصلاة على النبي صلى الله عليه وسلم فهذه الطريقة لم تعد جاذبه لجيل اليوم .. فالتقليديه بدون شك تبعث في الروح نوع من الرتابه الطارده ..
فأتخذت القناة أسلوب العفوية والتلقائية والجوي الاسري الذي يخاطب فئة الشباب في المقام الاول ويطرح مواضيع تهمهم وتشغل حيز ليس بالقليل من حياتهم اليومية بأسلوب قريب جداً من تعايشهم الخارجي في الحياة .. فنجحت القناة بإصال جميع الافكار الهادفة وعلاج اغلب المشكلات بطريقه شيقه تجذب المشاهد بعيداُ عن التقليديه المبتذله والمستهلكة والتي مللناها نحن .
التجديد ليس بالعيب بل هو مطلب .
أما وصفك للقائمين على القناة والضيوف المشاركين فيها ( بالسرابيت ) فأسمح لي لم أن اعارضك لأني وبأضعف الإيمان لم أجد منهم احداً يمسك سيجارة وينفث الدخان في وجه من حوله
ولم أجد أحد ( يرقص على أنغام أغنيه ماجنه ) ولم أرى أحد يرتدي طيحني وسامحني يابابا ,, ولم أرى شعور كدشيه .. واساور وسلاسل بناتيه .. ولم أرى اللوان زاهين برسمات نسائيه ولم أجد ميوعه وتنعم يشبه نعومة الإناث .. فأين السرابيت يا طارح الموضوع ؟؟!!!

وعلى أي اسااس حكمت عليهم بهذا الوصف الذي لا يخلو من التجاوز الواضح والظلم الفاضح ؟