قلوب الفتيات (الرهيفة)... هي السبب..!!

[قـتـالـه]

ياعزيلي يالمودير
يعني هم تسذوبين وقلوب الحب كذبة الشبط والمربعانيه وأبريل
لالا ابسد أذاني عزالله اللي كرهتن بكل أوقات الهذره الرومانسيه
ماتدري انك بكلامك خليتن بلكاشه أكثر من الأول :|
وانا أدور الليان والرطابه تحت الحصا ؟
ماعلي منك ولاتحاول تكرهنا بالتماسيح
تراهم يحبون ونبقى بروسهم الشهبا اللي كلها صنادح
ويعرسون وحنا ببالهم تخبر ماكل حب يصلح له العرس
حبن بس ماعليكن منوه منحينكن يابسات بلا قل رطابه :|

[أم سلطان]

اقتباس:  المشاركة الأصلية كتبت بواسطة الـــفـــ@ــــد     المصيبة الهيئة وسياستها بالتعامل مع قضايا الابتزاز عند القبض على فتاة في خلوة غير شرعية تجد الستر على البنت وفضح الشاب وتجريمه وفصله من عمله هنا انا امتعض كثيرا ولا بد ان يكون الجزاء لكلا الطرفين من جنس العمل

هاالحين صار الستر للمشتكي لابد ان ينظر للامر بجديه !!!
اجل علاقه لمدة ثلاث سنوات وزنا وتكون الهيئه معها لانها مشتكيه !!!!1

[قـتـالـه]

اقتباس:  المشاركة الأصلية كتبت بواسطة أم سلطان     هاالحين صار الستر للمشتكي لابد ان ينظر للامر بجديه !!! اجل علاقه لمدة ثلاث سنوات وزنا وتكون الهيئه معها لانها مشتكيه !!!!1

ترا طرف شماغ الفتى طلع
اقصري حستس

[حزن النبلاء]

النسبه بين الجنسين ففتي ففتي

في الايجابيات والسلبيات

[أم سلطان]

اقتباس:  المشاركة الأصلية كتبت بواسطة قـتـالـه     ترا طرف شماغ الفتى طلع اقصري حستس

اضحك الله سنك بقصر حسي !!!

بجد الموضوع يقهر وين تطبق الشرع هذا زنا صريح واخرتها اهم شي كمين لشاب خير!!!

[مدير خبرة]

اقتباس:  المشاركة الأصلية كتبت بواسطة بحـر     الجديد سلمك الله ما عاد فيه قلوب رهيفه الابتزاز اللحين صاير من البنات بعد ماكان عليهن وبعضهن يستغلون النظرة اللي تكونت عند المجتمع إن البنت هي دايم الساذجة اللي تصدق كل كلمة و بكلمتين حلوات ينلعب عليها ابتزاز الشباب كان عن طريق تسجيل المكالمات ولا الصور بس البنات ابتزازهم صار عن طريق الهيئة و لأنه غالباً يتم التستر على البنت ولا تعاقب ولا شيء النظرة لها إنها الضعيفه البريئة اللي انضحك عليها مع انه في الإسلام العقوبة واحده للذكر أو الأنثى لأن كلهم عندهم عقل يميز صار فيه تساهل أنا ما أنقي الشباب هنا لكن المفروض زي ما فيه عقوبات صارمة على الشباب تفرض بعد على البنات عشان ما يتساهلون بهالطريق وبس

كلام كبير من انثى..

لكن هل كل العلاقات منشؤها وهدفها الابتزاز؟؟

يعني مافيه ناس (حبيبه) .. على مايقولون..

يعني قلبها رهيب... ويذوب على طووول..؟

شكرا لعودتك

[مدير خبرة]

اقتباس:  المشاركة الأصلية كتبت بواسطة قـتـالـه     ياعزيلي يالمودير يعني هم تسذوبين وقلوب الحب كذبة الشبط والمربعانيه وأبريل لالا ابسد أذاني عزالله اللي كرهتن بكل أوقات الهذره الرومانسيه ماتدري انك بكلامك خليتن بلكاشه أكثر من الأول :| وانا أدور الليان والرطابه تحت الحصا ؟ ماعلي منك ولاتحاول تكرهنا بالتماسيح تراهم يحبون ونبقى بروسهم الشهبا اللي كلها صنادح ويعرسون وحنا ببالهم تخبر ماكل حب يصلح له العرس حبن بس ماعليكن منوه منحينكن يابسات بلا قل رطابه :|

هلابك قتالة..

اخاف ان الخوف من عليك... الخوف منك..

ويمكن هالتماسيح اللي صاروا بدربك..

مجرد ضفادع.. مايعرفون يفكون الخط مع البنات ..

نورتي الموضوع ...

[مدير خبرة]

اقتباس:  المشاركة الأصلية كتبت بواسطة أم سلطان     هاالحين صار الستر للمشتكي لابد ان ينظر للامر بجديه !!! اجل علاقه لمدة ثلاث سنوات وزنا وتكون الهيئه معها لانها مشتكيه !!!!1

الله يرحم الحال..

مساكين هالشباب..

ملعوب بعقولهم من اول شي..

ومسحب عليهم بالعلاقة..

لا ...

واذا صار فيها هيئة وشرطة..

راحوا هم فيها...

[مدير خبرة]

اقتباس:  المشاركة الأصلية كتبت بواسطة حزن النبلاء     النسبه بين الجنسين ففتي ففتي في الايجابيات والسلبيات

وجهة نظر ..

اذا بالتاثر العاطفي وسرعة الاستدراج

فالبنت سريعا ماتخور قواها وتخضع سريعا

خاصة اذا قوبلت بشاب مهلقم وعارف شغله صح

[مدير خبرة]

اقتباس:  المشاركة الأصلية كتبت بواسطة قـتـالـه     ترا طرف شماغ الفتى طلع اقصري حستس

اقتباس:  المشاركة الأصلية كتبت بواسطة أم سلطان     اضحك الله سنك بقصر حسي !!! بجد الموضوع يقهر وين تطبق الشرع هذا زنا صريح واخرتها اهم شي كمين لشاب خير!!!

مسيهم بالخير..

تقل مافهمت قصدك قتالة هانم..

واي شماغ .. واي فتى ..