عذب الكلاأأأأأأأأم ووواشيأأأأأأأأأأأأأأأأ اخرى

[كروومه]

وش لون قلبك ؟!
قلت : بالحيل جزَّاع ..

وإلى هدا نبضَه ..
تعلَّى به الهمْ !
يمسي و يصبحْ
ياخِذ اشْكال و انْواعْ ،،
و تَضْرِبْ به الأمواج
منْ يمْ .. في يمْ !الوقت .. حطَّمْ لي
مجاديفْ و شِراعْ !
و سِفينتي
قِدَّام عيني تِـ حـ طَّـ مْ !
ضاعَ الأملْ يا صاحبي .. - لوْ قلتْ ما ضاعْ ! -
و اقبلْ ظلامَ الياس
و الليل الادهمْ !
الليل يفتحْ جَرْح
و الناس هِجَّاعْ
جرحٍ جرحنيه الذي
كان بلسَمْ !!
أسهرْ ،،
و اداري
و اشْتكي
مُرَّ الأوضاع

القَلْب يَصْرخ
و المشاعِر تِكلَّم ..

أمشي و أنا عَطْشان
في قَفْر الاوْجاع
حافي ..
و رى غيمه ،،
يِمكن تِهَتَّمْ !
أشوفها و افْرح،،
و لَلْبرق سَمَّاع
وليا امطرتْ
هلَّتْ سُمومٍ و علقمْ !


في دَاخلي
قلبٍ شفوقٍ و مِطْواع
لكنْ مَع الشِّدات
ساطي و مِهْتَمْ !
و لابد بعدَ الليل
من نورْ وَ شْعاع
يِجْلى عنا قلبٍ
تعلّى به الهَمْ !