مش عارفه كيف كتبت مع ضعف الاتصال وتقطعه 
والاخوان وصلوا الصفحه الخامسه نقاشات ...
اوك عزيزتي ..
اولا انا اهنيك على جرأتك وصراحتك في طرح مشكلتك وهذا دليل بإذن الله على صدقك في طلب النصيحه والحل
ودليل إن فيك تقبل للحلول المطروحه ومستعدة تسيرين عليها .. هذا جزء من حل المشكله
الثاني عمرك الصغير 19 سنه ومهتمه فعلا لمستقبلك وبزوج المستقبل وجالسه ترتبي نفسيتك لاجله
ومقره فعلا بخطاك ..وهذا جزء والحمدلله ..
تمام
الآن انت فقط محتاجه دعم ثقه في نفسك ونسيان الماضي ونسيان الماضي لايمكن يكون بهذي السهوله مهما ادعينا نسيانه
اثره باقي جواتنا مانسيناه ومؤثر فينا ..نسيانه كحدث سهل ... لكن الاثر هو اننا اصبحنا نتعامل مع الاشخاص حولنا في انهم افضل منا واكثر "احترام" وتقدير "
وكأننا مانستاهل وتعاملنا معهم بضعف شخصيه وكأن كل عارف في اللي جرى لنا ..
لكن ماراح نتكلم عن هذي النقطه مع انها موجوده عندك عندك ومتأكدة منها ..
وهي اللي تشعرك بعدم تقديرك لذاتك من الداخل قبل الزواج ..
راح نخش في الحل مباشرة ..
اولا اجلسي مع نفسك ليلة جلسة مصارحه واقنعي نفسك بقيمتك الغاليه واعتزي بنفسك .....هذي كلمات بسطيه حروف
تقريها في كل مكان عن دعم الثقه في النفس ..اعتز في نفسك ..اعتزي في نفسك ... وهي ماتؤثر فيك فعلا ..
لا هنا غير عزيزتي .... اعتزي بنفسك فعلا ...؟؟؟.. اعتزي بنفسك فعلا ... لاتهملي كلماتي لك ... احترمي نفسك ..
انت اكبر من أي شخص مايحترمك ولا يقدرك ... كل اللي حواليك ماهم افضل منك بأي شيء....كلهم عندهم اسرار تهزهم مثلك تماما بل ربما انت افضل منهم حال...
عدي على نفسك ايجابياتك اللي انعم الله بها عليك وحرمها غيرك ...ماعندك شي يستاهل
عدم ثقتك في نفسك واعتبار الاخرين افضل منك
انت ولدتي من جديد من اليوم وطويتي صفحة الماضي ... انت ماهي انت اليوم ... وتقبلي الماضي كماضي وانتهى... لا تتعمقي فيه وتعطيه اكبر من حجمه ...
هذا الانسان اللي جرحك لا تعطيه اكبر من حجمه وقيمته... هذا شخص مايتعدى كونه انسان ضعيف مهزوز نفسيا وبالتأكيد اجتماعيا ..
اشحني نفسك بالافكار الايجابيه تجاه ذاتك وتقديرها...
جددي في اشياء غرفة نومك كإذان في التجديد في حياتك ... ضعي فيها اشياء جديدة وبالذات اشياء تفضليها
تحف ورديه اوراق اقلام مفرش طاوله سرير ... اكتبي على اوراق كلمات عن نفسك جميله ..
الثاني /
واجهي هذا الشخص اللي تسبب في هز ثقتك بنفسك .. حتى لو كان الان مايتحرش فيك ...
هو موجود في داخلك .. الى الابد موجود ... وحتى ينتهي تماما من تفكيرك
لابد من محاسبته الان و مواجهته ..واجهيه ... وعاتبيه بصوت مجهور دون حياء او خجل وبجرأة ..
وتأكدي تماما اكثر من نصف هذا الشعور بيزول بعد مواجهة هذا الشخص ..
الثالث وهو رئيسي في الموضوع ... اكثري من ذكر الله واكثري من الاستغفار وبخاصه الاستغفار فترة الاسحار والفجر والصباح ... مالا يقل عن ألف مرة ..
حطي لك ورد يومي تحافظي عليه من القرآن ... لاتهملي قراءة القرآن ... بركته عجيبه وسريعه واعجازيه ..
الرابع
شعورك تجاه الخاطب لاتشهقين فيه وكأنه مايستاهلك .. هذا مجرد رجل خاطب ..ان قسم الله تزوجتيه وان ماقسم الله يساعده ويوفقه لاهو آخر واحد بيتقدم ولا هو افضل من بيتقدم ..
وبخصوص "تفاصيل" الخاطب والزواج اذا فيه امكانيه اتواصل معك بمكان غير المنتدى .. مسن او مقابله ..
وبالنسبه لفكرة الذهاب للعيادات النفسيه فلا تتأثري بأي من حلول الاعضاء اللي يعرضون عليك عقاقير ..
مثل مشكلتك تكون عند اخصائي نفسي مش طبيب نفسي .... بمعنى فقط شخص يدعم ثقتك بنفسك وهو طب يعتمد بشكل رئيس على ( الفضفضه ) فقط..
وهذا الطب للأسف فاشل عندنا في المملكه اللي هو الجلسات النفسيه ...مايعطيك حلول ..
هذا الطب ناجح فقط في الدول الغربيه لانه غالبا طريقة العلاج لازم الاخصائي يصادق المريض فترة من الزمن
وبخاصه لما تكون الاخصائي امراة فهي تصاحب الفتاة ثلاث ستة اشهر ..لتغرس فيها
شخصيتها الجديدة وبالتالي تتخلص من شخصيتها القديمه المهزوزة ..
لكن عندنا الان والحاصل في المملكه مجرد الاخصائي جالس بمكتب
يجيه المراجع يسولف عليه ويطلع ... وهذا يكون بكل سريه يجريه المراجع خوفا من كلام الناس..!!!
ولذلك هذا الطب مايجيب نتايجه عندنا في المملكه لان الوضع بين الاخصائي والمراجع في
منتهى الخصوصيه والسريه وترقب من المراجع للناس لايدرون فيه...والطبيب مجر محقق
يستلم معاش آخر الشهر ..