الـعـبـيـكـان : بعض رجال الهيئة كانوا مدمني مخدرات وقطاع طرق !!!

[SAGA]

اقتباس:  المشاركة الأصلية كتبت بواسطة رغــــيد     طيب يا شيخة ترى يوسف عليه السلام خريج سجن ! ابن تيمية خريج سجن .! سلمان العودة خريج سجن ! ...................والخ !! اللي مامعاه شهادة , واللي تائب , واللي خريج سجن ..؟! من بقى !؟ إلى متى النظرة السوداوية لخريجي السجون ؟. ومن قال إنهم يوظفون وخلاص ..؟ ترى لهم دورات تأهيلية ودورات تدريب ودورات كلّش , موب أي كلآم ! .. ولآ يُظن بكلآمي أنها عاطفة تجاههم , ولكن الحق حق ! فهم أكثر جهاز يوصم أعضاؤه وكأنهم همج رعاع لايعرفون مالهم وماعليهم !

أختي الله يهديك تقتبسين اللي يعجبك من ردي وتترككين اللي مايعجبك
هذا ردي كامل
(حسستين إنهم بلديه موب هيئة
فيه كثير منهم بمكتب ومكيف بارد وراتب زين والأمثلة اللي ذكرتها هذا شغلهم واللي بيطلع منهم من جمس لجمس ومن مجمع لمجمع وأنا عشاني أشوف عمي أقرب مثال ماتخرج وتوظف ,,فاللي وظفوا واحد مامعه إلا سادس عادي بيوظفون واحد تائب بالعكس هم يشوفون إن هالشيء بيثبتهم وأكيد الشيخ ماقال شيء إلا واثق من صحة كلامه,,وبعدين ماشوف فيها شيء كل إنسان يخطئ يعني وإذاكانوا لهم سوابق خلاص نحكم عليه بالموت ولانشغلهم لكن الخطأ الهجوم اللي أشوفه وتحريف الكلام هو قال بعض وماقال كل أو أغلب صدقيني لو الشيخ قال إن أغلب المهندسين عندنا كانوا محششيين كان ماصارت ردة هالفعل حنا لو يفكنا الله من هالعاطفه كان صرنا بخير ,,


وكما ذكرت بردي السابق
نظرا لحساسية هذا الجهاز لابد من إعادة النظر بإختيار الأفراد
واللي ماعندهم شهادات وخريجي السجون والتائبين يتوظفون بجهاز حكومي آخر)
أنا قلت لحساسية الجهاز يعاد النظر بأفراده
وإذا ماتعرفين وش قصدي بحساسيه نوضحلك..عندنا القطاع الطبي يوميا يرتكب مليووون خطأ ولكن مايتعامل معاهـ إعلاميا مثل مايتعامل مع الهيئة وإذا وظفنا ناس أهل علم لن يكون هناك حجة لمن يحاول إنقاص قيمة هذا الجهاز,
يااختي الرسول صلى الله عليه وسلم ذكر أن التائب عن الذنب كمن لاذنب له فكيف أجرؤ أنا إني أقول لاتوظفون تائبين بالعكس نبغى التائبين وخريجي السجون يتعلمون ويصبحون طلبة علم وأطباء
وذكرت سبب عدم تأييدي أن يكونوا من أفراد هذا الجهاز
وردي واضح من البدايه مايحتاج أعيد وأزيد.

[غريب الماضي]

اقتباس:  المشاركة الأصلية كتبت بواسطة saga     وأكيد الشيخ ماقال شيء إلا واثق من صحة كلامه,, لن يكون هناك حجة لمن يحاول إنقاص قيمة هذا الجهاز, .

بعد اذن صاحب الموضوع طبعا ,,وعلى ايش استندي بتأكيدك صحة كلام الشيخ ؟؟
بالنسبة للي يحاولون من انقاص جهاز الهيئة فياختي صدقين لو نزلت ملائكة من السماء لتحل محل رجال الهيئة فلن تسلم تلك الملائكة من هذا الهجوم المتعمد وتشويه الصوره .

[SAGA]

اقتباس:  المشاركة الأصلية كتبت بواسطة غريب الماضي     بعد اذن صاحب الموضوع طبعا ,,وعلى ايش استندي بتأكيدك صحة كلام الشيخ ؟؟ بالنسبة للي يحاولون من انقاص جهاز الهيئة فياختي صدقين لو نزلت ملائكة من السماء لتحل محل رجال الهيئة فلن تسلم تلك الملائكة من هذا الهجوم المتعمد وتشويه الصوره .

ماأتوقع عاقل بيقول رأيه للعامه وهو عارف إن رأيه بيثير الشارع السعودي وماعنده دليل وبعدين ياخوي مايحتاج أستدل بكلامه شوف ردود بعض الأعضاء يأكد إن من موظفين الجهاز خريجين سجون وتائبين
,,وعشان كذا ذكرت أن توظيف ذوي العلم أفضل لصد هذا الهجوم المتعمد كما ذكرت

أعتذر جدا أخ السمنسي

[غريب الماضي]

اقتباس:  المشاركة الأصلية كتبت بواسطة saga     ماأتوقع عاقل بيقول رأيه للعامه وهو عارف إن رأيه بيثير الشارع السعودي وماعنده دليل وبعدين ياخوي مايحتاج أستدل بكلامه شوف ردود بعض الأعضاء يأكد إن من موظفين الجهاز خريجين سجون وتائبين ,,وعشان كذا ذكرت أن توظيف ذوي العلم أفضل لصد هذا الهجوم المتعمد كما ذكرت أعتذر جدا أخ السمنسي

ياسجا . ديننا يحثنا على ذكر المحاسن أمام الناس والنصيحه تكون خاصه وكان بإمكانه مناقشة رئيس الهيئة عن مايتوهمه .
لكن هو اراد من كلامه تشويه جهاز الهيئة وعلى لسان احد رجال التيار الديني وهو في الحقيقة لايمثلنا إطلاقا .
العبيكان مع الاسف قدم خدمات جليلة لاتنسى للإمريكيين وللعلمانيين في المملكة ويجب أن يشكروه .
الله يهديه وينور بصيرته زودها حيل