@@ ألـف وثلاثميـه وخمسه وستين .. كيلو متر بالضبط بينك وبيني @@

[سلطانة الغيد]

الحــبّ مــا كفــرّ ذنـــــــــوب المحبيّن
عاشــوا بحـــقّ اقلــوبهــــم مذنبيني

يركـــز علــــى صدر المولّـــــع نياشين
ويجمــــع له .. الحساد والشامتيني

متبــوع فـ الدنيــا ومشــــروع فـ الدين
فطـــره مــــع الكـفـّـار والمسلميني

وانــا علــى سلـــــــم الرجال المسميّن
كسـّـابــــة الثـنـتيـن دنيــا وديني

اللــي ليــا قـروّا .. تقــــــرّ المــوازين
فعلــن ضـروبه مـن قديم السنيني

وقفــت بيـــن العقـل والقـــلب والعين
واحترت في عقلي وقلبي وعيني

ادوّر الخيـــــره .. وانـــــا بيــن ثنتين
واللــي يجـيني من وراها يجيني

آخــذ مــن نجــوم المجـــــرّه براهين
وافلج دعاوى الجدي بـ الفرقديني

وين انت يا مسرج هجوسي وانا وين
عيــّـت وساع البيد تقطع حنيني

ألــف وثلاثميــــه وخمســــه وستين
كيلو متر بالضبط ..بينك وبيني

كيـّـلتهــا والقلـــب مــع كل مترين
يقسى على حدب الضلوع ويليني

ياليـّنه جيتك .. على العسر واللين
اردّ عــن يســـراي صفقـة يميني

خلينـي اكتب لهفتي بين قوسين
وحطي تحتها خط .. واستوعبيني

مـاعندي الا قلب ولو معي قلبين
واللهّ لـ اعلقّ صورتك فـ الثنيني !

وابدع لحن واطوّح الصوت صوتين
أمـّا على المسحوب ولاّ الهجيني


للشاعر سداااح العتيبي



سلطانة الـ غ ــــيد

[المنغره]

ابيات جميله
الله يعطيك العافيه
سلطانه
~

[انثى من الخيال]

انا على سلم الرجال المسمين
كسابته الثنتين دنيا وديني

صح اللسان شاعرنا وسلمت يداك ‏
على النقل الرااائع

[فـــارس]

كلمات وابيات رائعه
مشكور اختي سلطانه

[سلطانة الغيد]

اقتباس:  المشاركة الأصلية كتبت بواسطة المنغره     ابيات جميله الله يعطيك العافيه سلطانه ~

المنغره

ربي يعافيك
ومرورك اضاف الجمااال
الف شكر لك

[سلطانة الغيد]

اقتباس:  المشاركة الأصلية كتبت بواسطة انثى من الخيال     انا على سلم الرجال المسمين كسابته الثنتين دنيا وديني صح اللسان شاعرنا وسلمت يداك ‏ على النقل الرااائع

أنثى من الخيااال

ويداااكِ سالمه غلاي
شاكره ومقدرك لك حضورك
وتعليقك
وانتِ الاروع

[سلطانة الغيد]

اقتباس:  المشاركة الأصلية كتبت بواسطة فـــارس     كلمات وابيات رائعه مشكور اختي سلطانه

فـــــــااارس

لك الشكر موصول
على طلتكم الكريمه

بوركت اخي وسددت