بعد فتره كان خالد يكلم بيت جارهم عبدالرحمن ولا يلقى جواب ولا رد يحاول ويحاول ولا رد ولا تعليق كان يقول في نفسه يمكن جارنا عبدالرحمن سافر لا اجازه منا ولا منا وطولت المده الى اكثر من شهر ما سمع صوت وفاء وهو يكاد يصاب بالجنون ..
كلم امه وابوه واخته ريم وكل ما سألهم عن وفاء قالوا له انها في اجازه مع اهلها وهو تطمن بس طالت الاجازه واصبحت اكثر من شهرين وهو اصبح في حاله يرثى لها كل ما تذكر بكاء وفاء ومطالبتها له بانه يرجع بسرعه ويأخذها ..
دارت الايام بسرعه وخلص فترة الستة شهور الاولى ورتب وضعه واستأجر شقه في بلاد الغربه واثثها والدنيا ماهي سايعته من الفرحه وهو يتخيل وفاء في كل زاويه من زوايا هالشقه وكان يسأل نفسه يا ربي ذوقي بيعجب وفاء ولا لا وغرفة النوم بتعجبها ولا لا والعفش بيعجبها ولا لا كان يحلم ويحلم في كل لحظه وفي كل ثانيه بوفاء كان يتنفس هواها كان يعشقها الى درجه انه ما يحس بوجود اي انثى في حياته الا هالانسانه كان حب من النوع اللذي لا يكاد يكون الا في الخيال ..
حجز تذاكر العوده واكد حجز الرجوع ولكن ليس لوحده بل مع وفاء ورجع للسعوديه وهو يحس انه كان غائب 100 عام وليس فترة ستة شهور !!
دخل للبيت وسلم على امه وابوه وقبل يدينهم ورجلينهم وسلم على اخته الصغيره ريم وهو كل اسئله وده يخلص سوالفه مع ابوه وامه علشان يستفرد بريم ويسألها عن خطيبته .. كانت وجوههم حزينه ومكفهره .. كان سلامهم عليه بارد جدا... جلس خالد يقول في نفسه ماهذه الوجيه اللي تركتها قبل لا أروح ..انفجرت ريم بالصياح وهي تقول سااامحني يا اخوي سامحني يا ولد امي وابوي وهي تهرب من مواجهته....فرت دمعه من عيون امه وهي تناظر له وتحظنه ....انجن جنون خالد وهو يقول :
يا عالم علموني يبه وشفيكم يمه ليه تبكين .... ليه ريم تقول سامحني ... هي وش سوت .... علموني وش السالفه حرام عليكم والله حرام ... فيه شئ صار وانا بغربتي يا ابوي ... علميني يا ميمتي .... ليه استسمحت مني خيتي ريم !!
سحبه ابوه بكتفه وهو يقوله يا ولدي انت مؤمن بالله ومؤمن بقضاء الله وبقدره ..
انفجر في ابوه لا شعوريا وهو يقول يبه : جارنا عبدالرحمن صار له شئ قال يا ولدي جارنا عبدالرحمن وبنته وفاء يعطونك عمرهم ..!!!!!!!!
شهق شهقه وطاح بين يدين ابوه !!
صحا خالد من غيبوبته في العنايه المركزه بالمستشفى العسكري بعد ان اصيب بجلطه في القلب !!
التفت على يمينه ولقى اخته ريم ..
خالد: ريم
ريم: يالبيه يا قلبها ..
خالد: وين وفاء وين حبيبتي وين زوجتي وين حلمي ووين قلبي ... ليه رحلت يا ريم ليه تركتني ... حياتي بدونها ما تسوى .. ياليت ربي اخذني ولحقني فيها ياليتني مت قبل لا اسمع هالخبر اللهم لا اعتراض اللهم لا اعتراض !!
ريم وهي تنفجر من البكاء : يا خالد رحمة الله واسعه وخلك مؤمن بالله
خالد: وشلون ماتت يا ريم ..!؟
ريم وهي تبكي : رحمة الله عليها ماتت بحادث سياره كان ابوها جايبها من الكليه بعد ما خلصت محاضرتها وصار لهم حادث سياره وعطوك امانتهم وهذا قدرها يا خالد ..
خالد: اااااااااه يا ريم اااااه يا ريم
رجع خالد لغيبوبته حتى كتابة هذه السطور يشكوا من شلل في نصف جسمه سيؤثر عليه بقية حياته ..
وكانت النهايه ولسان حال خالد يردد بحزن وألم:
كيف انسى ذكرياتي وهي احلام حياتي ... كيف انساها وقلبي لا يزال يسكن جنبي ... كيف لا يشغل فكري طلعتا كالبدري يسري ... رقتا كالماء يجري قتنة بالحب تغري ..
تلك الفتنة يا خالد اصبحت تحت التراب !!
واصبح خالد مجرد هيكل عظمي على سرير لا يقوى الحركه بعد ان ماتت مشاعره وماتت احلامه ولم يبقى له الا ايمانه بربه !!
000 منقووووووول000
العرض الشجري